Valúta baǵamy
  • USD -

    514.1
  • EUR -

    594.5
  • RUB -

    6.47
Zańsyz  aktıvterdi memleketke qaıtarý: Shotta 176 mlrd teńge bar
Foto: istockphoto.com 15 qazan 2024
Zańsyz aktıvterdi memleketke qaıtarý: Shotta 176 mlrd teńge bar

Zańsyz alynǵan aktıvterdi memleketke qaıtarý jumysynan 176,9 mlrd teńge aqsha túsken. Budan bólek, múlik túrinde qaıtarylǵan aktıvter bar, dep habarlaıdy Azattyq Rýhy.

Qarjy mınıstri Mádı Tákıev zańsyz aktıvter úshin mınıstrlikte arnaıy shot ashylǵanyn eske saldy.

«Qazir osy shotqa 176,9 mlrd teńge jınaldy. Ol aqsha, eń aldymen ınfraqurylymdyq jobalarǵa jumsalady. Biz qazir onyń tizimin shyǵaryp jatyrmyz. Mysaly, óńirlerde aýyz sý, energıa tapshylyǵy problemalary bar. Biz joba jasap, qarjy baǵyttaımyz. Osynyń bárin Úkimette aqyldasqannan keıin, aqsha qaıda jáne ne úshin jiberilgenin ashyq kórsetemiz», - dedi ol Úkimette ótken brıfıńte.

Sondaı-aq, onyń aıtýynsha, 177 mlrd teńgeden bólek, memleketke múlik túrinde qaıtarylǵan aktıvter bar.

«Múlik bul qorǵa túspeıdi. Oǵan bólek kompanıamyz bar. Olar ony paıdalanady nemese satady», - dedi mınıstr.

RELATED NEWS
Jemqorlyqpen kúres: Álemdik reıtıńte Qazaqstan neshinshi orynda
11 aqpan 2025
Jemqorlyqpen kúres: Álemdik reıtıńte Qazaqstan neshinshi orynda

Transparency International «Sybaılas jemqorlyqty qabyldaý ındeksi» halyqaralyq reıtıńinde 2024 jyly Qazaqstan nátıjelerin taǵy da jaqsartty, dep habarlaıdy Ulys Antıkorǵa silteme jasap.

Álem boıynsha ortasha bal – 43, al «Shyǵys Eýropa jáne Ortalyq Azıa» aımaǵynda (19 el) 35 boldy.

Qazaqstan reıtıńiniń 2016 jyldan bastap aıtarlyqtaı ósken el retinde atap ótildi – 11 balǵa (29 baldan) ósý.

«Ortalyq Azıa óńiri elderiniń ishinde Qazaqstan eń joǵary pozısıany ıelenedi jáne reıtıńti jaqsartqan jalǵyz el bolyp sanalady. Indekste Qazaqstannan keıin Úndistan (38), Indonezıa (37), Argentına (37), Serbıa (35), Ýkraına (35), Brazılıa (34), Taıland (34), Túrkıa (34), Belarýs (33), Reseı (22) jáne t.b. elder ornalasqan. Jemqorlyqty qabyldaý ındeksi Qazaqstannyń reıtıńin shyǵarý úshin 9 túrli uıymnyń derekteri paıdalanylǵan kompozıttik ındeks bolyp sanalady. Reıtıń memlekettik sektordaǵy sybaılas jemqorlyqty qabyldaýdyń saraptamalyq jáne bıznes-baǵalaýlaryna negizdelgen», - delingen Antıkor habarlamasynda.

Nyǵmatýlınniń izdeýde júrgen aǵasy Qazaqstannan qylmystyq is qozǵalmaı turyp ketip qalǵan
20 naýryz 2025
Nyǵmatýlınniń izdeýde júrgen aǵasy Qazaqstannan qylmystyq is qozǵalmaı turyp ketip qalǵan

Parlament Májilisiniń burynǵy tóraǵasy Nurlan Nyǵmatýlınniń aǵasy Arǵyn Nyǵmatýlın tergeý bastalǵanǵa deıin elden ketip qalǵan. Bul týraly Sybaılas jemqorlyqqa qarsy is-qımyl agenttigi tóraǵasynyń orynbasary Darhan Quraqbaev málimdedi, dep habarlaıdy Ulys.

«Biz onyń Qazaqstanda emes ekenin bilemiz. Tergeý bastalǵanǵa deıin elden ketip qalǵan. Ol Qazaqstanda emes. Ony izdeý jáne elge qaıtarý boıynsha sharalar júrip jatyr. İzdeý sharalary barlyq eldi qamtıdy, oǵan memleketaralyq izdeý jarıalanǵan», - dedi Quraqbaev Senat kýlýarynda jýrnalıserdiń suraǵyna jaýap berip.

Esterińizge salaıyq, naýryz aıynyń basynda 69 jastaǵy Arǵyn Nyǵmatýlınge izdeý jarıalanǵany habarlandy. Ony izdeýge prokýratýra bastamashy bolǵan, al izdeý sharalaryn Antıkor júrgizedi.

Fýtbol federasıasynyń burynǵy basshysyna qatysty tergeý bastaldy
04 naýryz 2025
Fýtbol federasıasynyń burynǵy basshysyna qatysty tergeý bastaldy

Qazaqstan fýtbol federasıasynyń burynǵy basshylyǵyna qatysty tergeý júrip jatyr, dep habarlaıdy Ulys.

Qarjy monıtorıńi agenttigi Barmenqulovqa, sondaı-aq federasıanyń birqatar burynǵy qyzmetkerlerine qatysty tergeý áreketteri men tintý jumystaryn júrgizip jatyr.

Barmenqulov 2021-2024 jyldar aralyǵynda QFF basshysy qyzmetin atqarǵan.19 qarashada uıymnyń kezekten tys otyrysynda ol qyzmetinen ketti.

BAQ tarapynan kelip túsken suranystarǵa baılanysty, QMA Qazaqstan fýtbol federasıasynyń buryńǵy basshylyǵyna qatysty sotqa deıingi tergeýdi bastaǵanyn rastaıdy,- delingen Qarjy monıtorıńi agenttigi habarlamasynda. 

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.