Almatyda búgin shamamen 16:40-ta Bostandyq aýdanynda júk kóligi jol apatyna ushyrady, dep habarlaıdy Ulys.
Oqıǵa ornynan túsirilgen beınejazba Telegram-arnalarda jarıalandy. Almaty qalalyq PD baspasóz qyzmetiniń habarlaýynsha, soltústik baǵytta qozǵalyp kele jatqan Shacman júk kóliginiń júrgizýshisi rólge ıe bola almaı qalǵan.
Polısıanyń málimetinshe, kólik gaz tiregine soǵylyp, aǵash pen birneshe qorshaýdy qıratyp, bir shetine aýdarylyp qalǵan.
«Júk kóliginiń júrgizýshisi dene jaraqattarymen qaladaǵy aýrýhanalardyń birine jetkizildi», – dep málimdedi vedomstvo ókilderi.
Júrgizýshi jaraqat alyp, aýrýhanaǵa tústi, qazirgi jaǵdaıy naqtylanyp jatyr. Oqıǵa ornynda Bostandyq aýdandyq polısıa basqarmasynyń qyzmetkerleri men komýnaldyq qyzmet ókilderi jumys istep jatyr.
Olarǵa apattyń sebepterin anyqtap, zaqymdanǵan gaz qubyryn qalpyna keltirý mindetteldi.
