Qazirgi tańda Qazaqstanda bilim berý úrdisiniń ózindik ulttyq úlgisi ornyǵyp, jańa mazmundaǵy oqytý júıesi qalyptasýda. Dúnıejúzilik bilim álemine kirý maqsaty kózdelip, árbir ǵylym salasynda naqty ózgerister engizilýde. Mundaı túrli baǵyttaǵy ózgerister bilim berý júıesiniń damý baǵyttaryn naqtylap, ony tyń arnaǵa, jańa sapaǵa qaraı damytý qajettiligin mindetteıdi. Ustazdar úshin tyń mindetter: oqytý ádistemelerin saralap, ǵylym tabystaryn syn kózben baǵalaý; oqýshylardy bolashaqta jan - jaqty damyǵan, rýhanı jetilgen jeke tulǵa retinde qalyptastyrý jáne óz is - áreketin, kásibı sheberligin jańasha qalyptastyryp, jańasha uıymdastyrýdy jolǵa qoıý. Elimizdiń damyǵan eldermen qatar tura alatyn terezesi teń, órkenıetti el retinde tanylyp, olarmen bilimi men ǵylymy, mádenıeti men tehnologıasy teńesýi úshin mańyzdy ister atqarý – el múddesi aldyndaǵy paryz. Osy oraıda Aqmola oblysy Býrabaı aýdany Shýchınsk qalasy №9 mektep-gımnazıasynda «Básekege qabilettilik – basty qaǵıda» atty ǵylymı-ádistemelik tájirıbe almasý alańy uıymdastyryldy. Básekege qabiletti tulǵa daıarlaýda atqarylǵan ınovasıalyq jobalardyń aralyq nátıjesin saralaı otyryp, ózara tájirıbe almasý. «Máńgilik el» patrıottyq aktisi, «Rýhanı jańǵyrý» baǵdarlamasy, «Uly dalanyń jeti qyry» maqalasyna negizdelgen «Máńgilik el» ıdeıasy mektepte» jobasynyń jumysyn taldaı otyryp, «Jastar jylynda» jas býyndy jan-jaqty damytý. Sharaǵa Almaty qalasynan Abaı atyndaǵy Qazaq Ulttyq Ýnıversıteti pedagogıka jáne psıhologıa kafedrasynyń profesory p.ǵ.k. Saıdahmetov Baýyrjan Seıitbekuly, osy ýnıversıtettiń mektepke deıingi tárbıe jáne áleýmettik pedagogıka kafedrasynyń meńgerýshisi p.ǵ.k. Qyıaqbaeva Ulbosyn Qozybaevna, Astana qalasynan L.Gýmelev atyndaǵy Eýrazıa Ulttyq Ýnıversıtetiniń ózin-ózi taný pedagogıka kafedrasynyń profesory p.ǵ.d. Kertaeva Ǵalıabaný Mahmetovna, osy ýnıversıtettiń fızıkalyq jáne ekonomıkalyq geografıa kafedrasynyń oqytýshysy, p.ǵ.k., «Global capa» bilim berý ortalyǵynyń tóraıymy Shıngýjına Tlektes Saıtahanovna, «Jasar» qoǵamdyq qorynyń tóraıymy Kalıeva Qorlan Sýltanovna, Y.Altynsarın atyndaǵy ulttyq bilim akademıasy, úzdiksiz pedagogıkalyq bilim ortalyǵynyń qyzmetkeri, p.ǵ.k. Shýınshına Sholpan Myrzaqasymovna, QR-nyń Ulttyq murajaıynyń «Halyq qazynasy» ınstıtýtynyń aǵa ǵylymı qyzmetkeri, kúıshi, ónertanýshy Máýlet Ardabı, Astana qalasy №52 mektep-gımnazıasy dırektorynyń tárbıe isi jónindegi orynbasary Appazova Láılá Saǵıtqyzy, Býrabaı aýdany maslıhatynyń depýtaty Beısenov Ótelbaı Tóleýuly, bilim bóliminiń basshysy Týlegenov Jangeldi Meıramuly, «Býrabaı» gazetiniń redaktory Raqyshev Bolat Sabyruly, BAQ ókilderi, mektepterdiń oqý-tárbıe orynbasarlary, ata-analar, muǵalimder,oqýshylar qatysty.
Tájirıbe alańy keń peıildi, úlken júrekti, jasta bolsa ǵylym jolyna óziniń pedagogıkalyq áreketin arnaǵan bilikti basshy Kýshekova Bıbigúl Qýanyshqyzy qonaqtardy qarsy alýmen bastaldy. Mektep alańynda at baptaý, túıe baptaý, búrkit baptaý, tazy asyraý, qamshy órýdiń qyr - syrymen tanystyrý maqsatynda ata-analardyń «Atadan qalǵan mırasym» atty sheberlik saǵaty júrgizildi. Ata-babadan qalǵan atqa miný mádenıetin saqtaý, jeti qazynany bilý, tórt túlik malmen úndestikti kórsetý arqyly oqýshylardyń ata-babadan qalǵan dástúrlerimizdi qasterleýge, saqtaýǵa umtyldyrý bolatyn. Kelgen qonaqtar tamasha kóriniske jáne qundy dúnıege kýá boldy. Mekteptiń ishine bettegen tusta qonaqtardy mekteptiń muǵalimderinen quralǵan «Kókshe tolqyndary» fólklorlyq ansambliniń «Dala sazy» atty mýzykalyq shashýy qarsy aldy. Sodan soń «Uly dalanyń jeti qyry» atty teatrlandyrǵan qolóner kórmesin tamashalady. Ekinshi qabatta jas dombyrashylardyń ásem kúıi kelgen qonaqtardyń júreginen oryn aldy. Mektep eki jyldan beri «’’Máńgilik el’’ ıdeıasy mektepte» jobasy boıynsha jumys jasaıdy. Joba aıasynda 15 baǵyt jumys jasaıdy. Sol baǵyttardyń nátıjesimen bólisý maqsatynda kórme jasaldy. Kórmede ár oqýshy «Tabys kilti -bıznes» baǵyty, «İsker qyzdar-zamanǵa laıyq tulǵa» baǵyty, «Otandyq ónim- ulttyq brend» baǵyty, «Smart seriktestik-birlesken áreket» baǵyty, «Otbasy ulaǵaty» baǵyty, «Ulttyq rýh» baǵyty, «Arystandaı aıbatty jas jaýynger» baǵyty, «Altyn qor» baǵyty boıynsha jumystaryn kópshilikke pash etti. Tústen keıin kelgen ǵalymdar «Ulttyq tárbıe», «Bilim berýdegi sıfrovızasıa», «Ǵylymı izdenis», «Bilimdegi básekelestik», «Ulym ulyqty, qyzym qylyqty bolsyn» deseńiz..., «Ulttyq mura», «Kásipkerliktiń qyr-syry» seksıalarynda ata-analarmen, oqýshylarmen, muǵalimdermen praktıkalyq jumys jasaldy. Keshke sharanyń jabylýynda mektep-dırektory Kýshekova Bıbigúl Qýanyshqyzy kelgen qonaqtarǵa rızashylyǵyn bildirip, qurmet gramotasymen marapattady. Aýdandyq mektepterdiń oqý-tárbıe isi boıynsha orynbasarlary, ata-analar, oqýshylar alǵan áserlerimen bólisti.
Urpaq úshin jasalǵan bul is-shara mekteptiń abyroıyn asqaqtatty. Muǵalimderdiń tanymyn keńeıtip, ata-analardyń sanasyn ashyp, oqýshylarǵa serpin berdi. Qazaq mektebiniń ulttyq rýhta jasalǵan qaıtalanbas oqý-tárbıe úrdisindegi shoqtyǵy bıik jetistikteri kórsetildi. Ár balanyń boıynsha ultynyń maqtanyshy bolatyndaı jigerdiń bar ekenin, jasalǵan ár isinde qazaqy tárbıeniń ıisi ańqyp turǵanyn sezdire bildi. Ulttyq rýhtyń týyn tikken qara shańyraq, №9 mektep-gımnazıasynda jasalǵan ár sharanyń astarynda ultyna, Otanyna degen súıispenshiligi bar básekege qabiletti urpaqtyń ósip kele jatqanyn kórsetedi. Ulttyq muratqa jetýde, ult kóshbasshylaryn daıyndaýda «’’Máńgilik el’’ ıdeıasy mektepte» jobasy jańa ınovasıalyq ádistemelik qural dep tolyqqandy aıtýǵa bolady.
B.Beketaı,
Dırektordyń beıindi oqytý jónindegi orynbasary,
«Máńgilik el ıdeıasy mektepte» jobasynyń avtory
