"Keıin ol adamǵa qaskóıler qońyraý shalyp, ózin aqsha aýdarǵan adam retinde tanystyrady da, "qatelesip aýdaryppyn" degen syltaýmen túsken aqshany keri qaıtarýdy suraıdy. Biraq, kóbine mundaı habarlamalar jalǵan bolyp shyǵady", - delingen habarlamada.

Osyndaı habarlama nemese qońyraý kelgen kezde aqshanyń qaıdan túskenin banktiń resmı mobıldi qosymshasy nemese ınternet-bankıng arqyly tekserip alǵan abzal. Belgisiz nómirden kelgen SMS-habarlamaǵa saq bolyp, kúdikti siltemege ótpeý kerek.

Alaıaqtyq sqemanyń taǵy bir túri bar. Ol jaǵdaıda qaskóıler belgili bir azamattyń shotyna shyn aqsha aýdarady.

Keıin olar aqsha aýdarǵan adam bolyp qońyraý shalyp, "qatelesip aýdarǵanyn" aıtady da, túsken aqshany basqa shotqa aýdarýdy suraıdy. Áńgime kezinde psıhologıalyq qysym (mysaly, aqsha balanyń emine kerek ekenin aıtyp) kórsetýi nemese quqyq qorǵaý organdaryna, bolmasa, sotqa shaǵymdanatynyn aıtyp, qorqytýy múmkin.

"Ulttyq bank osyndaı oqıǵaǵa tap bolǵan jaǵdaıda nemese belgisiz bireýlerden aqsha túskende úshinshi taraptyń shotyna aqsha aýdarýdan saq bolýǵa shaqyrady. Ózge adamnan túsken aqshany qaıtarý úshin dereý bankke habarlasqan durys. Qajet bolsa, tıisti ótinishti tapsyrý úshin banktiń eń jaqyn bólimshesine barý kerek", - deıdi mamandar.

Eske sala keteıik, Ulttyq Bank qyzmetkerleri aýdıo jáne vıdeoqońyraý shalmaıdy, jeketulǵalardyń shotyna qyzmet kórsetpeıdi, túrli ınvestısıalyq qorlar men qarjy ónimderineqarjy salymdaryn usynbaıdy, aqsha quraldaryn saqtandyrýmen aınalyspaıdy, halyqpen de aqshalaı esep aıyryspaıdy.

"Eger alaıaqtyq áreketke tap bolsańyz, Qazaqstan Respýblıkasynyń quqyq qorǵaý organdaryna aryz túsirýge keńes beremiz. Keńes alý úshin 1477 qysqa nómirine qońyraý shalyp, Ulttyq banktiń Baılanys ortalyǵyna habarlasýǵa bolady".