QR Premer-Mınıstri Asqar Mamın Túrkıanyń iskerlik orta ókilderimen kezdesti dep habarlaıdy https://primeminister.kz saıty. Úkimet basshysy Qaýymdastyqtyń basqarma Keńesiniń tóraǵasy, «Eksen» kompanıasynyń ıesi F. Develıoglýnyń jetekshiligimen Túrkıalyq jáne qazaqstandyq bıznesmender qaýymdastyǵynyń ókilderimen kezdesti. Júzdesýde Túrkıanyń Qazaqstandaǵy Tótenshe jáne Ókiletti Elshisi Nevzat Ýıanyk ta boldy.
Úkimet saıty taratqan aqparatqa qaraǵanda, eki el arasyndaǵy bıznes qurylymdardyń ózara tıimdi yntymaqtastyǵyn nyǵaıtý jáne Qazaqstanda jańa birlesken ınvestısıalyq jobalardy iske asyrý máseleleri talqylanǵan. «Túrkıa Qazaqstannyń negizgi saýda seriktesteri sanalatyn 10-top el qataryna kiredi. Bizdiń elderdiń arasyndaǵy taýar aınalymy 2018 jyldyń qorytyndysy boıynsha $1,9 mlrd-tan asty. Bıylǵy 7 aı ishinde ózara saýda kólemi 2018 jyldyń osyndaı kezeńimen salystyrǵanda 73,5%-ǵa ósti. Biz túrkıalyq kompanıalardyń Qazaqstanda ekonomıkalyq jobalardy iske asyrýǵa qatysýyn joǵary baǵalaımyz. Bizdiń ortaq mindetimiz – ınvestısıalyq yntymaqtastyq deńgeıin kóterý», — dedi A. Mamın.
Úkimet basshysy túrkıalyq bıznesti AÓK, jeńil ónerkásip, qurylys materıaldary salalarynda eksportqa baǵdarlanǵan kásiporyndardy qurýǵa shaqyrdy. Bıyl 11 qarashada Ankarada ótkizý josparlanyp otyrǵan Qazaqstan – Túrkıa úkimetaralyq komısıa otyrysynyń aıasynda bıznes-forým ótkiziledi. Qazaqstanda túrli salalarda túrkıalyq kapıtaldyń qatysýymen 2200 kásiporyn jumys isteıdi. Túrkıamen birlesip farmasevtıkalyq preparattar, elektrondy-optıkalyq prıborlar, alkogólsiz sýsyndar men kondıterlik ónimderdi óndirý salalarynda $1,6 mlrd somasyna 34 iri ınvestısıalyq joba júzege asyryldy. Qazir qurylys jáne paıdaly qazbalardy óńdeý tárizdi salalarda 2,2 mlrd somasyna 16 joba iske asyrylyp jatyr.
«Túrkıalyq jáne qazaqstandyq bıznesmender qaýymdastyǵy» 2016 jyly QR Táýelsizdiginiń jáne Qazaqstan men Túrkıa arasyndaǵy dıplomatıalyq qatynastardyń 25 jyldyǵyna oraı qurylǵan. Oǵan«Ahsel Holding», «Alarko», GQ Management «Aykar Group», «Eksen Group», «Eurasian Machinery», «Efes Kazakhstan», «Coca-Cola», «Kassanov Investment Group», «Makyol», «Sembol-Rixos Group», «Wyndham Hotel Group», «A-SYS Engineering», «Ramstore», «Stone Decor» jáne qurylys, qonaq úı, ındýstrıalyq sektorlar, jeńil ónerkásip salalaryndaǵy basqa da kompanıalar kiredi.
Sýretter https://primeminister.kz saıtynan alyndy.
