Valúta baǵamy
  • USD -

    512.7
  • EUR -

    574.5
  • RUB -

    6.31
Túrkıada týrıserge baspanany jalǵa berý erejesi kúsheıtildi
09 qańtar 2024
Túrkıada týrıserge baspanany jalǵa berý erejesi kúsheıtildi

Bıyldan bastap kez kelgen azamat páterin qysqa merzimge jalǵa berý úshin ruqsat alýǵa tıis.

Jańa zańǵa sáıkes, turǵyn úıdi 100 kúnge deıin jalǵa berý úshin jergilikti turǵyndar Mádenıet jáne týrızm mınıstrliginen lısenzıa alý kerek, dep habarlaıdy 31 arnanyń Informbúro aqparattyq baǵdarlamasy.

Bıyldan bastap kez kelgen azamat páterin qysqa merzimge jalǵa berý úshin arnaıy tirkeýden ótip, ruqsat alýǵa tıis. Oǵan qosa, kópqabatty úı bolsa, kórshilerdiń kelisimin alý qajet. Jańa erejege baǵynbaǵan baspana ıesine 100 myń túrik lırasy, ıaǵnı bir jarym mıllıon teńgeden astam aıyppul salynady.
Sondaı-aq talap boıynsha jaldamaly úıde 12 adamnan artyq turmaý qajet. 3 jasqa deıingi balalar esepke alynbaıdy. Bul jańashyldyq álemniń túkpir-túkpirinen týrıser aǵylatyn Ystambul, Antalıa, Izmır, Alanıa syndy qalalarda úıin jalǵa berip, tabys tabatyn azamattardy tyǵyryqqa tiregeli tur. Aıta keteıik, jańa ereje páterin 100 kúnnen astam jalǵa beretin adamdarǵa qatysy joq.

 

RELATED NEWS
Túrkıada taǵy memlekettik tóńkeris bolýy múmkin ekeni aıtylýda
15 mamyr 2024
Túrkıada taǵy memlekettik tóńkeris bolýy múmkin ekeni aıtylýda

Túrkıada memlekettik tóńkeris bolýy múmkin. Osyǵan baılanysty el prezıdenti Rejep Taıyp Erdoǵan Túrkıanyń barlaý jáne Ádilet mınıstrliginiń basshylarymen shuǵyl otyrys ótkizdi, dep habarlaıdy Ulys túrkıalyq basylymdarǵa silteme jasap.

Túrik ultshyldarynyń jetekshisi Devlet Bahchelı2016 jyldyń shildesinde eldi dúrliktirgen memlekettik tóńkeris qaıtalanýy múmkin ekenin eskertti.

Bir kún buryn Ankara Bas prokýratýrasy "Aıhan Bora Kaplan" qylmystyq uıymyna qatysy bar degen kúdikpen  úsh polıseıge qatysty tergeý bastady. Olardyń úılerinde tintý júrgizildi.

Türkiye gazeti óz kezeginde "Aıhan Bora Kaplan" uıymymen baılanysta boldy dep aıyptalǵan Ankara qaýipsizdik basqarmasynda birqatar polısıa qyzmetkerleriniń jumystan shyǵarylýyna baılanysty Túrkıada úlken qarsylyq kórsetilgenin jazady. Olardyń úılerinde sıfrlyq materıaldardy alý maqsatynda tintý júrgizildi.

"Prezıdent Erdoǵan Ádilet mınıstri Iylmaz Týndjmen jáne Ulttyq barlaý uıymynyń basshysy Ibragım Kalynmen Bahchelıdiń málimdemesinen keıin Memleket basshysynyń rezıdensıasynda shuǵyl túngi otyrys ótkizdi", — dep jazady Türkiye.

Erdoǵan el Parlamentinde sóz sóıleıdi dep kútilýde.

AQSH Túrkıaǵa qarsy zań qabyldamaq
10 naýryz 2025
AQSH Túrkıaǵa qarsy zań qabyldamaq

AQSH-tyń Ókilder palatasy Túrkıanyń demokratıalyq statýsyn qaıta qaraýǵa jáne ony Eýropanyń emes, Taıaý Shyǵystyń eli dep tanýǵa baǵyttalǵan arnaıy zań jobasyn qaraýǵa aldy. Bul týraly Fox News habarlady.

Zań Túrkıany Eýropa men Eýrazıa isteri jónindegi búrosynyń quzyrynan alyp tastap, ony Taıaý Shyǵys isteri jónindegi búroǵa aýystyrýdy qarastyrady.

Fox News habarlaýynsha, mundaǵy maqsat "AQSH-tyń jaýy sanalatyn eldermen baılanys jasaıtyn Túrkıany tosqaýyldap ustaýǵa talaptaný". Vashıngton Ankarany "AQSH pen NATO odaqtastarynan alystap bara jatqan memleket" dep esepteıdi.

"Bul Úkimet HAMAS sodyrlaryn jasyryp otyr. Ekonomıkalyq odaqtastyq arqyly Pýtınniń áskerı mashınasyna qoldaý kórsetedi. Sonymen birge, Batys odaqtasynan artyqshylyq talap etýin jalǵastyra otyryp, NATO-nyń birligine kedergi keltiredi. Amerıkalyq dıplomatıa kózboıaýshylyq jasaýyn doǵaryp, Túrkıany burynǵydaı Eýropanyń bir bóligi dep sanaýyn qoıýy kerek", – dedi jobany Kongres qaraýyna engizgen topty basqaratyn kongresmen Bred Shnaıder.

Bul ustanymǵa Túrkıa Úkimeti narazylyǵyn bildirdi jáne túriktiń syrtqy saıasaty men eýropalyq baǵdaryn Kongres músheleriniń durys túsinbeı otyrǵanyna nusqady.

Aıta ketsek, Túrkıa – NATO-nyń AQSH-tan keıingi eń qýatty múshesi. 

Túrkıada terakt bolyp, 5 adam kóz jumdy
24 qazan 2024
Túrkıada terakt bolyp, 5 adam kóz jumdy

Keshe keshkisin Túrkıa Ankaradaǵy TUSAŞ aeroǵarysh kompanıasy shtab-páteriniń mańynda qatty jarylys bolǵan. Bul týraly Anadoly agenttigi habarlady. 

Túrkıa İİM jarylystan qaza tapqandar men jaralanǵandar baryn aıtady. Al el bıligi oqıǵany "terakt" dep atady. 

Túrkıanyń ishki ister mınıstri Alı Ierlıkaıa habarlaýynsha,  terakt saldarynan 5 adam qaza taýyp, taǵy 22 adam jaraqat alǵany aıtylǵan.

Shabýyldy jasaǵan eki lańkes óltirildi. Lańkesterdiń biri áıel.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.