Ystambulda Túrki elderiniń saýda-ónerkásip palatasynyń turaqty hatshylyǵy resmı túrde ashyldy. Sonymen qatar, Túrki Keńesiniń Bas Hatshysy Baǵdad Ámireevtiń tóraǵylyǵymen jańa uıym Bas Assambleıasynyń alǵashqy otyrysy ótti.
Túrki Keńesi málimetterine qaraǵanda, saltanatty sharaǵa Túrkıanyń Saýda mınıstri Rýhsar Pekkan, Túrki Keńesiniń Bas Hatshysy Baǵdad Ámireev, Túrkıa respýblıkasy saýda palatasy jáne taýar bırjasy odaǵynyń prezıdenti Mýstafa Rıfat Hısardjyklyoglý, Ázerbaıjannyń kásipkerler uıymy ulttyq konfederasıasynyń basshysy Mamed Mýsaev, Qazaqstannyń «Atameken» Ulttyq kásipkerleri palatasynyń tóraǵasy Abylaı Myrzahmetov, Qyrǵyzstan saýda palatasy Prezıdenti Marat Sharshekeev, Ózbekstan Respýbýlıkasynyń saýda palatasy prezıdentiniń keńesshisi Fozıl Otadjonov, sonymen qatar Túrki Keńesine múshe elder men Ózbekstannyń isker qaýymdastyǵy ókilderi qatysqan.
Bas Assambleıa otyrysynda Túrki Saýda-Ónerkásip Palatasynyń alǵashqy prezıdenti bolyp Túrkıa respýblıkasy saýda palatasy jáne taýar bırjasy odaǵynyń prezıdeni Mýstafa Rıfat Hısardjyklyoglý saılansa, Bas hatshysy bolyp Adem Kýla saılandy.
Jıynda Túrki Keńesin múshe elder prezıdentteriniń VII samıti osy jyldyń 15-qazanynda Bakýde ótedi. Onda shaǵyn jáne orta kásipkerlik múshe elderdiń ekonomıkalyq yntymaqtastyǵyn arttyrýdyń aspektisi retinde qarastyrylady.