Baýyrlas Túrkıanyń aıyna bir ret shyǵatyn «Túrik Ádebıeti» (Türk Edebiyatı) jýrnaly shilde aıynda shyqqan sanyn tutastaı qazaq ádebıetine arnady.
Qazaq ádebeıtin túrik tiline aýdaryp, baýyrlas elderdiń baılanysyn tereńdetip júrgen jas túrkolog Dr. (PhD) Omer KÝCHÝKMEHMETOGLÝ óziniń feısbýk paraqshasynda súınshili habar týraly jazdy. «Men redaktorlyq etetin basylymnyń qazaq ádebıetine arnalǵan arnaıy sany Túrkıanyń Stambul qalasynda jaryq kórdi. Atalǵan sanǵa qazaq ádebıetiniń alyptary: Abaı, Muhtar Áýezov, Maǵjan Jumabaev, Beıimbet Maılın, Mirjaqyp Dýlatov shyǵarmalarymen qatar HH ǵasyrdyń ortasy men HHİ ǵasyr ádebıetiniń kórnekti ókilderi: Jumaǵalı Saıyn, Baýbek Bulqyshev, Muqaǵalı Maqataev, Berik Shahanov, Sábıt Dosanov, Talǵat Keńesbaev, Ulyqbek Esdáýlet, Erlan Júnis jáne Aqberen Elgezek syndy qalamgerlerdiń shyǵarmalary endi. Bul jumysty men Qazaqstannyń mádenı astanasy sanalatyn Túrkistandaǵy Qoja Ahmet Iassaýı ýnıversıtetiniń túrkologıa ınstıtýtynda dırektorlyq atqarǵan kezde qolǵa alǵan bolatynmyn. Qyrýar sharýaǵa qaramastan biz osy basylymnyń sapaly shyǵýy úshin kitaphanalarda otyryp, biraz izdendik. Osy oraıda maǵan qol ushyn sozyp, kómek bergen barshańyzǵa alǵysymdy bildiremin.
Sonymen birge, atalǵan sanymyzda shyǵarmalary, maqalalary men aýdarmalary jaryq kórgen ǵalymdar men qalamgerlerdi, áriptes aýdarmashylardy quttyqtaımyn! Sondaı aq, Bahtıar Aslan basshylyq etetin «Túrik ádebıeti» jýrnalyna erekshe qurmetimdi bildiremin!
Túrkıa men Qazaqstan qalamgerleriniń shyǵarmashylyq baılanystary jandana bersin degen úlken úmitpen ...» dep jazdy túrkolog.
