Toqaev Ulttyq qaýipsizdik komıtetiniń tóraǵasyn qabyldady

Qaýipsizdik, ásker

Foto: Aqorda 20 qańtar 2025

Toqaev Ulttyq qaýipsizdik komıtetiniń tóraǵasyn qabyldady

Memleket basshysy Qasym-Jomart Toqaev Ulttyq qaýipsizdik komıtetiniń tóraǵasy Ermek Saǵymbaevty qabyldady. Bul týraly Aqorda habarlaıdy.

Prezıdentke vedomstvonyń aldaǵy kezeńge arnalǵan jospary, syn-qaterlerdi eskere otyryp ulttyq qaýipsizdikti qamtamasyz etý boıynsha qabyldanyp jatqan sheshimderi týraly baıandaldy.

UQK tóraǵasy ulttyq qaýipsizdik organdaryn perspektıvti damytý baǵytynda júzege asyrylyp jatqan sharalar, jedel qyzmettik is-qımyldy uıymdastyrý jáne onyń qurylymyn jetildirý jóninde málimet berdi.

Qasym-Jomart Toqaevqa arnaıy qyzmetti kadrlyq jáne tehnıkalyq turǵydan nyǵaıtý, normatıvtik-quqyqtyq bazany jańǵyrtý, sondaı-aq Ulttyq qaýipsizdik komıtetindegi úderisterdi ońtaılandyrý men sıfrlandyrý jumystary jaıynda aıtyldy.

Sonymen qatar Memleket basshysyna halyqaralyq terorızmge jáne dinı ekstremızmge, uıymdasqan qylmysqa, esirtki bıznesine qarsy turý, kıberqaýipsizdikti qamtamasyz etý, memlekettik shekarany qorǵaý jáne kúzetý salalaryndaǵy jaǵdaı týraly aqparat berildi.

Kezdesý sońynda Prezıdent ulttyq qaýipsizdik organdary qyzmetiniń negizgi baǵyttary boıynsha birqatar tapsyrma berdi.

RELATED NEWS

Qaýipsizdik, ásker

02 jeltoqsan 2024

2025 jyly 40 myńnan asa adam áskerge shaqyrylady

Kelesi jyly merzimdi áskerı qyzmetke 18 ben 27 jas aralyǵyndaǵy 41 706 jigitti shaqyrý josparlanyp otyr. Qorǵanys mınıstrligi «Ashyq NQA» portalynda tıisti qaýly jobasyn jarıalady, dep habarlaıdy Ulys.

Qujatqa sáıkes, 2025 jylǵy naýryz-maýsymda jáne qyrkúıek-jeltoqsanda áskerge shaqyrýdy keıinge qaldyrýǵa nemese odan bosatylýǵa quqyǵy joq 18 jastan 27 jasqa deıingi 41 706 er-azamat merzimdi áskerı qyzmetke shaqyrylady.

Áskerge shaqyrý pýnkteri medısınalyq jumysty qamtamasyz etedi. Al İshki ister mınıstrligi áskerge shaqyrylatyndardy jınaý jáne áskerge jóneltý oryndarynda ishki ister organdary qyzmetkerleriniń kúsheıtilgen kezekshiligin uıymdastyrady.

Qaýly jobasy 13 jeltoqsanǵa deıin qoǵam talqysyna shyǵaryldy.

Qaýipsizdik, ásker

29 qańtar 2025

Toqaev Qorǵanys mınıstrine tapsyrmalar berdi

Memleket basshysy Qorǵanys mınıstri Rýslan Jaqsylyqovty qabyldady, dep habarlaıdy Aqordanyń baspasóz qyzmeti.

Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaevqa qorǵanys vedomstvosynyń byltyr atqarǵan qyzmeti týraly esep berildi.

Memleket basshysyna armıanyń jaýyngerlik daıyndyǵynyń jaı-kúıi men áskerlerdi daıarlaýdyń jańa tásilderi jóninde baıandaldy.

Rýslan Jaqsylyqov memlekettik qorǵanys tapsyrysyn oryndaý, áleýmettik jáne ıdeologıalyq jumystardy júrgizý, sondaı-aq áskerı ınfraqurylymdy damytý barysy jaıynda aıtty.

Kezdesý sońynda Joǵarǵy Bas qolbasshy Qasym-Jomart Toqaev mınıstrge armıanyń jaýyngerlik áleýetin kóterýge, basqarý úderisterin odan ári sıfrlandyrýǵa, Arnaıy operasıalar kúshterin damytýǵa, áleýmettik-ıdeologıalyq jumystardy kúsheıtýge qatysty naqty tapsyrmalar berdi.

Qaýipsizdik, ásker

11 qyrkúıek 2024

Tórt jylda Qazaqstandaǵy áskerde júrgen 310 sarbaz kóz jumdy

2020 jyldan beri áskerde qaza tapqan sarbazdardyń sany 310 adamǵa jetken, dep habarlaıdy Atameken business arnasy.

Qorǵanys mınıstrligi beıbit kúnde qynadaı qyrylyp jatqan jas jigitterdiń ólimine túrli sebepterdi ataıdy: aýrý-syrqaý, sýısıd, jol-kólik oqıǵasy, taǵy basqalar.

Otan aldyndaǵy boryshyn óteýge attanǵandardyń ólimi jyldan-jylǵa artyp kele jatqanyn aıta ketken jón.

Bas áskerı prokýrordyń birinshi orynbasary Maqsat Qazıev byltyr 2020 jyl men 2023 jyl aralyǵynda armıada 270 sarbazdyń baqılyq bolǵanyn málimdegen edi.

Jýyrda ǵana Aqtaýda áskerde júrgen taǵy bir sarbaz kóz jumǵany týraly jazǵan bolatynbyz.

Jańalyqtar

25 qarasha 2025