Ulttyq statısıka búrosy 2025 jylǵy I toqsanda baǵalaý boıynsha jalaqynyń medıanalyq (jalaqy qatarynyń ortalyq deńgeıi) mánin jarıalady, dep habarlaıdy Ulys.

Vedomstvo málimetinshe, osy jyldyń alǵashqy toqsanynda jalaqynyń medıanalyq máni 300 307 teńgeni qurady. Al kásipkerlik qyzmetpen aınalysatyn shaǵyn kásiporyndardy esepke almaǵandaǵy ataýly jalaqynyń ortasha máni 2025 jylǵy I toqsanda 423 133 teńge boldy, bul byltyrǵy tıisti toqsanmen salystyrǵanda 10,7% artyq.

«2024 jylǵy İ toqsanmen salystyrǵanda ortasha aılyq jalaqynyń eń joǵar ósimi aqparat jáne baılanys 31,3%, aýyl, orman jáne balyq sharýashylyǵy 17,3%, óner, oıyn-saýyq jáne demalys 16,1% salalarynda baıqaldy. Densaýlyq saqtaý jáne halyqqa áleýmettik qyzmet kórsetýde 6,2%, bilim berýde ortasha aılyq jalaqy kólemi 6,1% ósti.

Óńirlik bóliniste 2024 jyldyń tıisti toqsanymen salystyrǵanda 2025 jyldyń I toqsanynda ortasha aılyq ataýly jalaqynyń eń kóp ósýi Ulytaý oblysynda 19,4%,  Qostanaı oblysynda 14,6%, Almaty qalasynda 14,2% jáne Pavlodar oblysynda 13,5% tirkeldi», - delingen búro habarlamasynda.

«Valúta naryǵyndaǵy ótimdiliktiń óte tómen bolýyna jáne alypsatarlyq qysymnyń kúsheıý belgilerine baılanysty Ulttyq bank valútalyq ıntervensıa júrgizýge kiristi. Negizgi ekonomıkalyq jaǵdaılar qolaıly bolyp qalyp otyr: munaıdyń álemdik baǵasy bir barel úshin 70 AQSH dollarynan asyp tur, dollardyń jahandyq álsireý úrdisi saqtalýda. Osyǵan baılanysty teńgeniń qazirgi álsireýi irgeli faktorlardy kórsetpeıdi jáne ulttyq valútanyń jetkiliksiz baǵalanǵanyn bildiredi», - delingen habarlamada.

Ulttyq bank bırjalyq jáne bırjadan tys valúta naryǵyndaǵy jaǵdaıdy muqıat qadaǵalap otyrady jáne qajet bolǵan jaǵdaıda aıyrbastaý baǵamynyń aýytqýyna jol bermeý, shetel valútasyna suranys pen usynys teńgerimin qalpyna keltirý, sondaı-aq valúta naryǵynyń qalypty jumys isteýin qamtamasyz etý úshin shuǵyl sharalar qabyldaýǵa daıyn.

Dúısenbi kúngi saýda barysynda Comex bırjasynda jeltoqsan aıyndaǵy fúchersterdiń baǵasy qymbattady. Bul kúngi saýdada altynnyń ýnsıasy 3722,4 dollarǵa jetti. 16 qyrkúıek kúngi baǵaly metal baǵasy 3682 dollardy qurap tur. Bul týraly kursiv.media habarlaıdy.

Trading Economics basylymynyń jazýynda, AQSH dollarynyń álsireýi jáne amerıkalyq memlekettik oblıgasıalar kiristiliginiń tómendeýi altynǵa degen suranystyń artýyna yqpal etti.

Investorlar seısenbi-sársenbi kúnderi ótetin otyrys qorytyndysy boıynsha AQSH Federaldyq rezerv júıesi (FRJ) jeltoqsannan beri alǵash ret paıyzdyq mólsherlemelerdi tómendetedi dep kútip otyr.

CME FedWatch deregine sáıkes, naryq qatysýshylary qyrkúıek aıynda FRJ mólsherlemesin 25 bazıstik pýnktke tómendetý yqtımaldyǵyn 96,1%, al 50 bazıstik pýnktke tómendetý yqtımaldyǵyn 3,9% dep baǵalap otyr.

2024 jyly 27%-ǵa ósken altyn baǵasy bıyl jyl basynan beri shamamen 35%-ǵa qymbattady. Buǵan, eń aldymen, álemdik ortalyq bankterdiń altyn satyp alýy, aqsha-nesıe saıasatynyń jumsarýy, sondaı-aq geosaıası jáne ekonomıkalyq turaqsyzdyq áser etti.