Memleket basshysy Qasym-Jomart Toqaev Túrkıa prezıdenti Redjep Taııp Erdoǵanǵa kóńil aıtý jedelhatyn joldady, dep habarlaıdy Aqorda.
Jedelhatta memleket basshysy Túrkıanyń Mardın jáne Gazıantep provınsıalaryndaǵy jantúrshigerlik jol-kólik apattarynan kóp adamnyń qaza tabýy men birqatar azamattyń aýyr jaraqat alýyna baılanysty kóńil aıtqan.
"Osyndaı qıyn sátte qaıǵy-qasiretterińizge ortaqtasyp, barsha qazaqstandyqtyń jáne jeke ózimniń atymnan sizge jáne jaqyndarynan aıyrylǵan otbasylarǵa, sondaı-aq baýyrlas túrik halqyna qaıǵyra kóńil aıtamyn. Marqumdardyń Alla Taǵalanyń shapaǵatyna bólenýin, zardap shekkenderdiń tez arada saýyǵyp ketýin tileımin", – dep jazylǵan Prezıdenttiń jedelhatynda.
Aıta keteıik, 20 tamyzda Túrkıada bolǵan eki iri jol apatynan 30-dan asa adam kóz jumǵan bolatyn.