Valúta baǵamy
  • USD -

    523.1
  • EUR -

    597
  • RUB -

    6.45
Tanymal adamdarǵa qumar oıyndy jarnamalaýǵa tyıym salynady
22 sáýir 2024
Tanymal adamdarǵa qumar oıyndy jarnamalaýǵa tyıym salynady

Búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine oıyn bıznesi, lotereıalar jáne lotereıa qyzmeti máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. Bul týraly Kazinform habarlady.

«Derekterge júginsek, sońǵy eki jarym jylda elimizdiń shamamen árbir besinshi adamy oıyn oınaıdy eken nemese qumar oıyndaryna qandaı da bir qatysy bar. Al, onyń ishinde 400 myńdaı adam oıynǵa salynyp, býkmekerlik keńseler men kazınolardyń turaqty klıentine aınalǵan. Bul dert balalar men jasóspirimderdi de sharpyp otyr. Quqyq qorǵaý organdarynyń málimetinshe, shamamen 200 myńǵa jýyq kámelettik jasqa tolmaǵan bala basqa adamnyń atynan býkmekerlik keńselerge bás tigip, qumar oıyndar oınaıdy eken. Ózge adamnyń logınimen býkmekerlik keńselerge bás tigýshi adamdardyń sany belgisiz. Ekinshiden, otbasy ınstıtýtyn álsiretýi. Elimizdegi ajyrasýlardyń 40 paıyzyna osy lýdomanıa tikeleı sebep bolyp otyr. Turmystaǵy zorlyq-zombylyqqa baratyndardyń deni – osy qumar oıynǵa shaldyqqandar. Byltyr Almaty oblysynda jantúrshigerlik jaǵdaıda áıeli men eki balasyn aıaýsyz óltirip, úıin órtep jibergen oqıǵa qoǵamdy dúr silkindirdi. Qylmysker lýdoman bolǵan, bolmashy aqshaǵa úsh birdeı adamnyń ómirin qıdy», - dedi Májilis depýtaty Elnur Beısenbaev.

Onyń paıymynsha, qumar oıyn sýısıdtiń órshýine áser etip otyr. Máselen, 2022 jyly elimizde 3 myń 676 adam ózine qol jumsap qaıtys bolsa, olardyń árbir besinshisiniń sebebi – lýdomanıa.

«Ókinishke qaraı, bul dert qazir áskerde de keń etek alǵan. Olardyń kóbi qumar oıynnyń shyrmaýynan shyǵa almaı jatqanyn bilemiz. Budan bólek, qumar oıyn qylmysqa da yqpal etedi. Elimizde qylmys jasaıtyndardyń 20 paıyzy lýdomandar ekeni belgili boldy. Olar báske tigetin aqsha tabý úshin aldymen qaryz alady, sodan soń urlyq, tonaý sekildi qylmystarǵa barady eken. Kóleńkeli ekonomıkaǵa da áseri bar. Oıyn naryǵy aınalysynda úlken qarajat aınalyp jatyr. Máselen, byltyr býkmekerlik keńselerdiń jyldyq aınalymy beıresmı aqparattar boıynsha 1 trıllıon teńgege jetken eken. Demek, munyń aınalasynda múddeli toptar, lobbıster bolatyny sózsiz. Osynda keltirilgen málimetterden Qazaqstanda oıynqumarlyq indetteı órship, el qaýipsizdigine qater tóndire bastaǵanyn baıqaımyz. Búgin qarastyrǵaly otyrǵan zań jobalary osy máseleni barynsha aýyzdyqtap, retteýge arnalǵan», - dedi depýtat.

Birinshiden, zań jobasynda maksımaldy túrde býkmekerlik keńseler men kazınolardyń jarnamasyn shekteý qarastyrylǵan. Onda úılerdiń qasbetterinde, fasadtarynda, ǵımarattarda, qurylystardyń qorshaýlarynda, kólik quraldarynda syrtqy jarnamaǵa tyıym salynady.

Internet resýrstarynda, resmı saıttarda, telearnalar men radıoda, merzimdi baspa basylymdarynda, kıno betterinde, mobıldi operatorlardyń sms hattamalaryna da jarnamaǵa tolyq tyıym salynady. Endi belgili blogerler men áleýmettik jelidegi tanymal tulǵalarǵa mundaı oıyn túrlerin jarnamalaýǵa tyıym salynady. Jarnama tek sporttyq obektiler, sporttyq baǵyttaǵy saıttar, telearnalar men sporttyq is-sharalarda ǵana ruqsat etiledi.

Ekinshiden, oıynda bás tigý jasy 21 jastan 25 jasqa deıin kóteriledi.

Úshinshiden, ótelmegen alımenttik jáne nesıelik qaryzy bar azamattardyń qumar oıynǵa bás tigý múmkindigi shekteledi. Iaǵnı boryshkerlerdiń biryńǵaı reestrinde málimetteri bar jeke tulǵalardy qumar oıyndarǵa jáne bás tigýge jiberýge tyıym salý belgilenedi.

«Oınaý jasyna kelmegen azamattardyń qumar oıyndaryna jáne bás tigýge qatysýy shekteledi. Olarǵa zańsyz oıyn oınaýǵa múmkindik bergen zańdy tulǵalarǵa qomaqty kólemde aıyppul salynady jáne qaıtalanatyn jaǵdaıda lısenzıalary toqtaıdy. Sonymen qatar, zańsyz onlaın kazıno uıymdastyrýshylarǵa Qylmystyq kodekstiń 307-baby boıynsha jaza qoldanylady. Atap aıtqanda, múlki tárkilenip, 2000 aılyq eseptik kórsetkishke deıingi mólsherde aıyppul salýǵa nemese sol mólsherde túzeý jumystaryna, 600 saǵatqa deıingi merzimge qoǵamdyq jumystarǵa tartýǵa, 2 jylǵa deıingi merzimge bas bostandyǵyn shekteýge jaza qarastyrylǵan. Munymen qosa, zańsyz lotomatıkter múldem joıylady. Sondaı-aq, balalar, bilim berý, medısınalyq, dinı uıymdar ornalasqan turǵyn úıler men ǵımarattarda lotereıa bıletterin taratýǵa jáne lotereıa termınaldaryn ornatýǵa tyıym salynady», - dedi Elnur Beısenbaev.

Atap aıtqanda, sheteldik oıyn bıznesin uıymdastyrýshylardyń tizimi jasalady, sondaı-aq bankter men tólem júıelerine olardyń paıdasyna qarjylyq operasıalar júrgizýge tyıym salý eskerilgen.

«Býkmekerlik keńseniń nemese totalızatordyń qyzmetin júzege asyratyn oıyn bıznesin uıymdastyrýshylardyń óz aparattyq-baǵdarlamalyq keshenderiniń Memlekettik kirister organynyń aqparattyq júıelerimen ıntegrasıalanýyn qamtamasyz etý mindeti belgilenedi. Sondaı-aq, Ulttyq Banktiń, Qarjylyq monıtorıń agenttiginiń, Ádilet mınıstrliginiń bazalaryn biriktirý arqyly oınaýshynyń tulǵasy beınemetrıkalyq turǵydan anyqtalady», - dedi depýtat.

RELATED NEWS
Fast-fýd ornyna – páter...
20 naýryz 2025
Fast-fýd ornyna – páter...

Búginde baǵy janǵan otandastyrymyz páter, kólik, túrli  baǵaly aqshalaı syılyqtardy Satty Zhuldyz lotereıasymen únemi utyp alýda. Ótken aıda ǵana eki qatysýshy jeke úıi men qomaqty qarjyǵa ıe boldy, dep habarlaıdy ulys.kz.

Lotereıa oınaý ýaqytty utymdy ótkizý ǵana emes, sonyń birge birden aıaq asty oljaǵa kenelýdiń joly. Óıtkeni bılet baǵasy anaý aıtqandaı qymbat ta emes. Bir shynyaıaq kofe, bir kınobılet quny nemese qazirgi balalar jaqsy kóretin fast-fýd kombosymen baǵasy shamalas. Biraq, fast-fýd sekildi densaýlyq aǵzany ýlamaısyz, sonymen birge lotereıa arqyly jeńiske jetý bási joǵary. Onyń ústine jeńisti sátti kútýdiń ózi bir ǵanıbet emes pe?

Osyndaı sezimdi basty keshkenderdiń biri Almaty qalasynyń turǵyny Gúlnár Jumaǵulova men Taldyqorǵan qalasynyń turǵyny Ǵanı Tájiǵulov. Olar lotereıa bıletin satyp alǵanymen, mundaı oljaǵa ıe bolamyz dep kútpegen edi.

31 jasar Gúlnár Jumaǵulova lotereıaǵa ata-anasymen birge lotereıaǵa qatysyp júrgenine on jyldan asqan. Jumaǵulovtar otbasy úshin bul jaı ýaqyt ótkizý ǵana emes, turaqty dástúrge aınalǵan. Alaıda Satty Zhuldyz uıymdastyrǵan TeleBingo lotereıasynan páter utyp alǵanyna Gúlnárdyń ózi bastapqyda senbegen.

«Ata-anama aıtqan joqpyn, sebebi ózim de senbedim. Maǵan habarlasyp, jeńiske jetkenimdi aıtqanda, menimen bireý qaljyńdasyp otyrǵan shyǵar dep oıladym. Osynyń bárin aıtqan kezde bári tańǵalatyn shyǵar ári qatty qýanady. Anamnyń qandaı kóńil-kúıde bolatynyn sózben jetkize de almaımyn», – deıdi Gúlnár.

Gúlnármen birge 34 jasar Ǵanı Tájiǵulov ta baqytty jandardyń bireýi atandy. Ol 2018 jyldan beri lotereıaǵa qatysyp keledi. Bul joly ol Satty Zhuldyz-dyń «5/36» lotereıasynyń birden segiz bıletin satyp alǵan. Sol segiz bılettiń bireýi Ǵanıǵa 32 mıllıon teńge syılady! Taldyqorǵan turǵynynyń aıtýynsha, bul aqsha oǵan úlken kómek bolmaq. Endi ol ıpotekasy men nesıelerin tolyqtaı jaýyp, qaryzsyz adam bolǵanyn tilge tıek etti. Osylaısha, fast-fýt ornyna alynǵa bılet Ǵanıdiń banktegi qaryzdaryna qutylýdyń jolyna aınaldy.

«Men negizi lotereıadan jıi bıletter satyp alamyn. Osy jolda Satty Zhuldyz-dyń 8 bıletin satyp aldym. Baǵym janyp,  32 mıllıon teńge utyp aldym. Qýanyshymda shek joq... Endi osy qarjyny ıpotekam men qaryzdarymdy tolyq jaýyp tastaýǵa jumsaımyn. Qaryzsyz adam bolamyn. Ózińiz bilesiz qaryzy joq adam eń baqytty jandardyń biri», - deıdi Ǵanı aǵynan jarylyp.

Kóptegen adamdar ómirde bir ǵajaıyptyń bolatynyna senedi. Ony ár adam ár túrli kútedi. Biraq lotereıadan mıllıondar utyp alsam degen qıal men arman ár adamda bolatyny shyndyq. Kóbi ol armanǵa jetýdiń múmkindikteri bar ekenin de bilip, únemi lotereıadan bılet alyp, óziniń juldyzdy sátin kútedi.

Aıta ketetin jaıt buǵan deıin de Satty Zhuldyz lotereıasyna qatysýshylar iri júlde men páter jáne jańa kóliktiń ıesi atanǵan. Sizdiń de kelesi jeńimpaz atanýyńyz bek múmkin.

23 naýryz kúni TeleBingo lotereıasynda úsh páter utysqa salynady.

Oǵan qatysý úshin TeleBingo lotereıasynyń «Páter» LotoJınaǵyn satyp alý qajet. Onda bes lotereıa bıleti bar jáne bar bolǵany 3500 teńge.

Bir qatysýshy úshin LotoJınaq sany shekteýsiz. Neǵurlym kóp bılet satyp alsańyz, jeńiske jetý múmkindigińiz soǵurlym joǵary bolady. Sonymen qatar, árbir qatysýshy 569 mıllıon teńge kólemindegi djekpotty utyp alý múmkindigine ıe bolady.                                    

İri aqshalaı júlde nemese páter ıegeri atanýǵa asyǵyńyz!

Utys oıyny 23 naýryz kúni saǵat 10:00-de «31 arnanyń» tikeleı efırinde ótedi.

Bıletterdi iri saýda ortalyqtarynan nemese lotereıanyń resmı saıtynan satyp alýǵa bolady. Bálkim, dál osy joly sizdiń baǵyńyz janar!

 

* materıaldyń aqysy tólengen

3 PÁTER JÁNE KÓLİK: «SÁTTİ JULDYZ» QAZAQSTANDYQTARDYŃ ARMANYN ORYNDAÝDA
27 naýryz 2025
3 PÁTER JÁNE KÓLİK: «SÁTTİ JULDYZ» QAZAQSTANDYQTARDYŃ ARMANYN ORYNDAÝDA

Halyq arasynda «Baǵymyz jansabaq qonady», «Sabyrtúbisary altyn» degen támsil bar. Bul sózder «SáttiJuldyz» ulttyq lotereıasynyń sońǵy jeńimpazdaryna dálaıtylǵandaı. Jýyrda birneshe qazaqstandyq óz armandarynaqıqatqa aınaldyrdy: biri – mıllıoner atandy, endi birijańa páterge ıe boldy, al keıbireýler endi kólik utysynaúmitker.

Naýryz aıyndaǵy taǵy bir erekshe sát — «TeleBingo» lotereıasyndaǵy úsh páterdiń utysy. Bul joly Oral, Atyraý jáne Almaty qalalarynan shyqqan qatysýshylarjańa baspanaǵa qol jetkizdi. Solardyń birialmatylyqAıdos Kalmyrzaev.

2001 jyly týǵan Aıdos qazirgi tańda Almatydaǵy joǵaryoqý oryndarynyń birinde «Býhgalterlik esep jáne aýdıt» mamandyǵy boıynsha bilim alyp júr. Lotereıaǵaqatysqanyna nebári bir jyl bolǵanymen, dál osy jolyoǵan 15 mıllıon teńgege baǵalanǵan páter buıyrdy dep úsh uıyqtasa túsine kirmegen.

«Men lotereıa bıletterin aıyna bir ret alamyn. KóbineTeleBingo men LOTO 6/49 tańdaımyn. Bul joly da solaıboldy. Jeńis týraly bilgen kezde sene almadym, biraqartynsha qýanyshym sheksiz boldy. Endi bul jeńistioqýymdy jalǵastyrý men otbasyma qarjylaı qoldaý kórsetý úshin paıdalanatyn bolamyn», – deıdi Aıdos.

Onyń aıtýynsha, lotereıaǵa degen qyzyǵýshylyqty ákesinen úırengen. Aıdostyń ákesi jyldar boıy ártúrli tırajdarǵa turaqty túrde qatysyp keledi eken.

10 mıllıon teńge – eńbektiń, senimniń jáne sabyrdyń syıy 2025 jyldyń 25 naýryzynda Aqtóbede medısına qyzmetkeri bolyp jumys jasaıtyn Janar «MegaKazıno» jedel lotereıasynan 10 mln teńge utyp alyp, óz armanyna qoljetkizdi.

«Lotereıamen bala kúnimnen tanyspyn. Ákem bálishke dep bergen 50 tıyndy keıde «Sprınt» bıletterine jumsaıtynmyn. Sodan beri sáttilikke senip kelemin», – deıdi Janar.

Jeńiske jetken kezde otbasy alǵashynda senbeı, ań-tań bolǵan. Alaıda aqıqat anyqtalǵan soń qýanyshtan tóbeleri kókke jetken. Janar utqan qarajatyn kópten kútken armany bolǵan páter satyp alýǵa jumsasa, ári bir bóligin jaqyndaryna syıǵa bermek.

«Lotereıa bıletterin satyp alǵanda únemi sáttilik maǵan serik bolsa eken dep tileıtinmin. Bul rette men qolymda baryn ǵana jumsap, shekten shyqpaımyn. Bul meniń ádetim. Biraq men bir kúni áıteýir maǵan sáttilik bolatynynyna senip júrdim. Bul men úshin – úmit pen qýanyshtyń joly», –dep aǵynan jaryldy Janar.

Endi kezek sizde! LOTO 6/49 lotereıasynda temir tulpar utysy jarıalandy. Qatysý úshin arnaıy lotojınaq satyp alý jetkilikti.

«Baq shaba ma, bap shaba ma?» degendeı, bul joly sizdiń baǵyńyz janýy ábden múmkin.

Munda qatysyńyz — kóliktiń kilti sizdiń qolyńyzda bolýy ǵajap emes! Sáttilik – sengen janǵa serik.

Janar men Aıdos sıaqty jeńimpazdardyń tarıhy — «Sátti Juldyzdyń» ár bıletinde úmit jatqanyn dáleldeıdi.

«Senim men úmitbasty qarý. Jeńistiń dámi tátti. Eshqashan moıymańyzdar, sáttilikdaıyn turǵan syı emes, ony shyn sengen adam tabady», – deıdi Janar.

«Bar bolǵany bir bılet ómirińdi ózgertýi múmkin. Bastysysenim men sabyr kerek», – deıdi Aıdos.

Ol «Sátti Juldyz» oıynǵa jaýapkershilikpen qaraýǵashaqyrady.

«Oıyn – oıynnan aspasyn, ómirdiń mánin joımasyn» degendi esten shyǵarmaǵan abzal. Baǵyńyzdy baıqańyz – jeńis sizge qarap tur. Qazaqstanda myńdaǵan adam óz múmkindigin synap, bir túnde ómirin ózgertip jatyr. Bir ǵana bılet — taǵdyrdy ózgertetin múmkindik.

«Talapty erge nur jaýar», «Tas túsken jerine aýyr» degendeı, árbir adam jeńiske laıyq! Sáttilikti qoldan jibermeńiz – sz.kz saıtynda tolyq aqparat pen qatysý sharttary bar.

 Respýblıka kúni – bizdiń úılesimdi jáne ádiletti qoǵam qurýǵa degen ortaq kúsh-jigerimizdiń jemisi 
25 qazan 2024
 Respýblıka kúni – bizdiń úılesimdi jáne ádiletti qoǵam qurýǵa degen ortaq kúsh-jigerimizdiń jemisi 

Memleket basshysy Qasym-Jomart Kemeluly Toqaev el egemendigi týraly deklarasıa qabyldanǵan kúndi qasıetti Táýelsizdigimizdiń bastaýyna balaı kele, «Memlekettik egemendik týraly Deklarasıanyń qabyldanýy elge álemdik qaýymdastyqta táýelsiz oıynshy retinde óz ornyn jarıalaýǵa múmkindik berdi», - dep ataýly kúnniń tarıhı mánin ashty. ​​​​​​​​​«Biz elimizde jan-jaqty reformalardy júzege asyryp jatyrmyz. Bul – eń aldymen, halqymyzdyń tutastyǵy men birliginiń arqasy. Sebebi, biz tańdaǵan jol – órkendeý men damý joly», – dedi Memleket basshysy.

El egemendigi týraly Deklarasıa 34 jyl buryn, 1990 jyly 25 qazanda qabyldandy. Qazaq KSR Joǵarǵy Keńesi depýtattary tarıhı qujatty biraýyzdan maquldady. Qazaqstan alǵash ret memlekettiliginiń negizgi qaǵıdalaryn – aýmaqtyq tutastyq, azamattyq, memlekettik bıliktiń tolyqtyǵy, halyqaralyq qatynastardaǵy derbestik, memlekettik rámizder – eltańba, tý, ánuranyn bekitti.  

    

Májilis depýtaty, fraksıa jetekshisi, Agrarlyq máseleler jónindegi komıtet tóraǵasy, "Aýyl" partıasynyń Tóraǵasy Serik Egizbaev "Memlekettik egemendik týraly Deklarasıa - jańa dáýirdiń bastaýy boldy", - dep sanaıdy.

"Shyn máninde, bul kúnge jetý jolynda talaı kórnekti tulǵalarymyz kúsh-jigerin, bilimin, qajyr-qaıratyn sarp etip, janqıarlyq erlik pen órliktiń úlgisin kórsetti. Olardyń patrıotızmi men otanǵa adaldyǵyn keler urpaqqa ónege etip, táýelsizdikke taǵzymdy taǵlymǵa aınaldyrý búgingi býynnyń qasıetti paryzy", - deıdi Serik Egizbaev.

Rasynda, Qazaqstan Egemendigi týraly Deklarasıa - elimizdiń erkin jáne táýelsiz damý jolynyń bastamasy, tyń tarıhymyzdyń tirek núktesi. Tarıhı sáttiń kýágeri - Qazaq KSR Joǵarǵy Keńesiniń Hİİ shaqyrylymdaǵy depýtaty Jıgýlı Daırabaev búginde «Aýyl» HDPP Tóraǵasynyń orynbasary, QR Parlamenti Májilisiniń depýtaty, "Aýyl" fraksıasynyń múshesi. Ol kezde  36-jastaǵy Jıgýlı Moldaqalyquly eń jas depýtat bolatyn.

«Qazaq eli­niń ǵasyrlar boıy ańsaǵan azat­tyǵyna 1990 jyldyń 25 qazanynda qoly jetti deýge tolyq negiz bar. Óıtkeni bul deklarasıa táýelsizdikke baratyn joldy ashyp berdi. Men osy tarıhı oqıǵanyń kýágeri bolyp, atalǵan qujattyń qabyldanýyna úlesimdi qosqanym úshin ózim­di baqytty sanaımyn», - deıdi Jıgýlı Daırabaev.

Respýblıka kúni 1995 jyldyń qazan aıynda Ulttyq mereke bolyp jarıalandy. 2001 jyly «Qazaqstan Respýblıkasyndaǵy merekeler týraly» Zańymen Respýblıka kúni memlekettik merekege aýystyryldy. Al 2009 jyldan atalǵan kúndi  merekeleý múldem toqtatylǵan bolatyn.

Memleket basshysy Qasym-Jomart Toqaev 2022 jylǵy Ulttyq quryltaıdyń birinshi otyrysynda Respýblıka kúnin merekeleýdi jańǵyrtýdy jáne oǵan Ulttyq mereke mártebesin qaıtarýdy usyndy. İzin sýytpaı, 2022 jyldyń qyrkúıeginde Memleket basshysy tıisti Zańǵa qol qoıdy jáne Respýblıka kúni qaıtadan memlekettik merekege aınaldy.

Respýblıka kúni men táýelsizdik – egiz uǵym. Qazaqstanymyzdyń baılyǵy jer astyndaǵy kenimen ǵana emes, birlik pen yntymaqta ómir súretin elimen baǵalansa kerek. Bular barda eńserilmeıtin qıyndyq, alynbaıtyn qamal joq.  

Táýelsizdigimizdiń tuǵyry, arnaly bastaýy, asqaq sımvoly  – Respýblıka kúni qutty bolsyn!

 

Aıda Jabaǵıeva, «Aýyl» partıasynyń resmı ókili

 

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.