Sý tasqyny: Bilim salasynyń 20 myń qyzmetkeri erikti retinde jumys jasaýda

Sý tasqyny

09 sáýir 2024

Sý tasqyny: Bilim salasynyń 20 myń qyzmetkeri erikti retinde jumys jasaýda

Bilim berý salasynyń 20 myń qyzmetkeri tasqynǵa qarsy is-sharalarǵa erikti retinde qatysýda. Bul týraly Oqý-aǵartý vıse-mınıstri Edil Ospan OKQ baspasóz máslıhatynda aıtty, dep habarlaıdy Ulys.

«Oqý-aǵartý mınıstrligi eń kóp zardap shekken aımaqtarda turatyn balalardy saýyqtyrý ortalyqtaryna jiberý jumystaryn júrgizýde.Sońǵy táýlikterde Almaty qalasyndaǵy ulttyq saýyqtyrý ortalyǵyna Batys Qazaqstan oblysynan balalar qabyldandy. Odan bólek 80 bala Aqmola oblysyndaǵy «Jasdáýren» lagerine ornalastyryldy. Jalpy alǵashqy lekte 11 balalardy saýyqtyrý ortalyqtaryna Batys Qazaqstan, Qostanaı, Aqmola jáne Aqtóbe oblystarynan 600 bala qabyldanady. Mınıstrlik «Qazaqstan temir jolymen» birlesip, balalardyń saýyqtyrý ortalyqtaryna tegin jetkizilýin uıymdastyrýda», - dedi Edil Ospan.

Onyń aıtýynsha balalar sapaly bilim alýy úshin qajetti oqý-quraldarymen, tamaqtanýmen jáne kıim-keshekpen qamtamasyz etildi.

Evakýasıalyq pýnktterdegi balalardy respýblıkalyq mańyzdaǵy ınovasıalyq mektep lıseıleriniń jataqhanalaryna ornalastyrý jáne oqý prosesin uıymdastyrý máselesi sheshilýde. Búgin «Daryn» mamandandyrylǵan mektepteri balalardy qabyldaýdy bastady. Pedagogter men bilim salasynyń barlyq qyzmetkerlerine aıryqsha alǵys bildiremiz! Búginde bilim berý salasynyń 20 myń qyzmetkeri tasqynǵa qarsy is-sharalarǵa erikti retinde qatysýda, onyń ishinde 10 myńnan astamy evakýasıalyq pýnktterde jumys jasaýda. Balalarǵa jáne zardap shekkenderge psıhologıalyq kómek kórsetý maqsatynda jergilikti jerlerde 300-den astam mektep psıhology jumys jasaýda. Bala quqyqtary jónindegi ýákilderdiń belsendi jumysy uıymdastyryldy. Zardap shekken eldi mekenderdegi balalar qajetti oqý-quraldarymen, sondaı-aq qashyqtyqtan oqý úshin tehnıkalyq jabdyqtarmen qamtamasyz etildi», - dedi vıse-mınıstr.

RELATED NEWS

Sý tasqyny

05 aqpan 2025

Qazaqstannyń 20-dan astam eldi mekeninde sý tasqany bolýy múmkin

Májilistiń jalpy otyrysynyń kýlýaryndaTótenshe jaǵdaılar mınıstri Shyńǵys Árinov sý tasqyny qaýpi bar aımaqta 23 eldi meken bar ekenin aıtty, dep habarlaıdy Ulys.

«Bul statısıkany mamandar beredi. Keıbir depýtattar osy óńirdiń barlyǵyn sý basady dep shoshyp jatyr eken. Olaı bolmaıdy. Belgili bir jumys júrgizemiz. Keıbir óńirden ol qaýipter joıyldy. Al óńirler boıynsha sý tasqyny qaýpi tónip turǵan TOP-5 aımaqty aıtatyn bolsaq, BQO, Qaraǵandy, Aqmola, Shyǵys Qazaqstan jáne Soltústik Qazaqstan oblystary bolyp otyr», - dedi Shyńǵys Árinov

Sý tasqyny

11 naýryz 2025

Sý tasqynyna daıyndyq: el aýmaǵynyń 71%-ynda qar jatyr

Úkimet otyrysynda ekologıa jáne tabıǵı resýrstar mınıstri Erlan Nysanbaev el aýmaǵynyń 71%-ynda qar jatqanyn habarlady.

Ol 11 naýryzdaǵy jaǵdaı boıynsha qar astynda jatqan aýmaq 71%-dy quraıtynyn, degenmen bul ótken aptaǵa qaraǵanda 15%-ǵa az ekenin atap ótti. Elimizdiń ońtústiginde: Qyzylorda, Túrkistan jáne Jambyl oblystarynda, batysynda: Batys Qazaqstan, Atyraý jáne Mańǵystaý oblystarynda qar erip jatyr.
«Naýryz aıynda temperatýra kóterilip, jaýyn-shashyn kóp bolsa erigen qar sýynan taý ózenderinde tasqyn júrýi múmkin. Ortalyq, soltústik jáne shyǵys aımaqtarda qar qalyń, naýryz aıynda jaýyn-shashyn mólsheri aılyq normadan eki jáne odan da kóp túsedi dep kútilip otyr. Mysaly, Astanada birinshi onkúndiktiń ózinde aılyq jaýyn-shashyn mólsheri tústi»,
— dep atap ótti Erlan Nysanbaev.

Sý tasqyny

08 tamyz 2024

Sý tasqynymen kúres: 5 myńnan asa otbasy qonys toıyn toılady

Sý tasqynynan zardap shekken 5 239 otbasyǵa arnaıy salynǵan jáne satyp alynǵan úıler men páterler berildi, dep habarlady Úkimettiń baspasóz qyzmeti.

Úkimet sý tasqynynan zardap shekken otbasylarǵa turǵyn úı salý jáne satyp alý, sondaı-aq olarǵa jan-jaqty kómek kórsetý boıynsha óńirlerde júrgizilip jatqan jumystardy turaqty baqylaýda ustap otyr.

Qıraǵan baspanasynyń ornyna 4769 otbasy jańa úıler men páterlerge ıe boldy. Sonymen qatar zardap shekken óńirlerde 2568 jańa úıdiń qurylysy qarqyndy túrde júrgizilip jatyr, onyń ishinde 470 nysan boıynsha jumystar tolyǵymen aıaqtalyp, turǵyndarǵa kiltter tabystaldy.

Soltústik Qazaqstan oblysynda qurylysy aıaqtalǵan 285 úı, Qostanaı oblysynda 57, Batys Qazaqstan oblysynda 80, Aqtóbe oblysynda 43 jáne Pavlodar oblysynda 5 úı paıdalanýǵa berildi.

Barlyq oblysta sý basqan turǵyn úılerdi tekserý jáne baǵalaý jumystary 100% aıaqtaldy. Jalpy somasy 49,3 mlrd teńgege 8 853 otbasy turǵyn úıdi jóndeýge jáne qalpyna keltirýge tıisti tólem aldy.

34 216 otbasyǵa 12,6 mlrd teńgege 100 AEK mólsherinde birjolǵy ótemaqy tólendi. Sondaı-aq joǵalǵan birinshi qajettiliktegi zattaryn satyp alý úshin 150 AEK-ke deıin qosymsha tólemder berilýde. Búgingi tańda 9,9 mlrd teńgege 21 869 otbasy osyndaı kómek aldy.

Zardap shekken bızneske keltirilgen zalaldy óteý jumystary jalǵasýda. Óńirlik komısıalar jalpy somasy 7,9 mlrd teńgege SHOB sýbektileriniń 455 ótinimin qarap, maquldady.

Sýǵa ketken mal úshin berilgen memlekettik kómek kólemi 2,8 mlrd teńgeden asty.

Jańalyqtar

24 maýsym 2025