Tótenshe jaǵdaılar mınıstrliginiń sońǵy deregi boıynsha sý tasqynyna baılanysty qazirgi ýaqytta elimizde 63 927 adam qutqaryldy jáne evakýasıalandy. Bul týraly TMJ Tótenshe jaǵdaılardy joıý departamentiniń bastyǵy Qaharman Orazalın Ortalyq komýnıkasıalar alańynda ótken brıfıńte aıtty.
Osy ýaqytqa deıin Aqtóbe, Qostanaı, Pavlodar, Aqmola, Atyraý, Soltústik Qazaqstan oblystarynda 3 391 jeke turǵyn úı, 1059 saıajaı úıi, túrli maqsattaǵy 79 ǵımarat sý astynda qaldy.
Qazirgi tańda 63 927 adam qaýipsiz jerge evakýasıalandy, onyń ishinde 45 múmkindigi shekteýli adam, 15 283 bala bar. Ýaqytsha ornalastyrý pýnktterinde 13 328 adam, onyń ishinde 6 742 bala bar. Psıhologtar jumys istep jatyr. Barlyq qajetti kómek kórsetilýde, - dedi Kaharman Orazalın.