Azamattyq qorǵaý qyzmetterimen 97 myńnan astam adam, onyń ishinde 32 myńnan astam bala qutqaryldy jáne evakýasıalandy. Qazirgi ýaqytta ýaqytsha ornalastyrý pýnktterinde 7 173 adam, onyń ishinde 3 494 bala ornalastyryldy. Bul týraly QR TJM Azamattyq qorǵanys jáne áskerı bólimder komıtetiniń aǵa ofıseri Saıpash Erasyl OKQ brıfıńinde habarlady.
TJM jáne jergilikti atqarýshy organdardyń kúshterimen 8,8 mln astam tekshe metr erigen qar sýy tartyldy, 1,4 mln astam qapshyq jáne 1,1 mln tonna ınertti materıal tóseldi.
«Avarıalyq-qutqarý jumystaryna 27 myńnan astam adam jáne 3 myńǵa jýyq birlik tehnıka men 15 áýe kemesi jumyldyryldy. Elimizdiń 8 óńirinde Aqtóbe, Qostanaı, Batys Qazaqstan, Ulytaý, Aqmola, Qaraǵandy, Atyraý jáne Soltústik Qazaqstan oblystarynda jergilikti aýqymdaǵy 29 TJ áreket etedi», – dedi spıker.