SIRIADAN 47 AZAMAT ELGE QAITARYLDY

ózge elder

09 qańtar 2019

SIRIADAN 47 AZAMAT ELGE QAITARYLDY

Búgin memleket basshysy Qazaqstan azamattaryn Sırıadan evakýasıalaý jónindegi gýmanıtarlyq sharanyń aıaqtalýyna baılanysty málimdeme jasady. Bul týraly Aqordanyń baspasóz qyzmeti málimet taratty.

«Bıylǵy 6 qańtarda meniń tapsyrmam boıynsha quqyq qorǵaý organdary men Syrtqy ister mınıstrligi júrgizgen gýmanıtarlyq shara nátıjesinde Sırıadan 47 azamatymyz, sonyń ishinde 30 bala elimizge qaıtaryldy. Olar daǵdarys jaılaǵan elge aldanyp baryp, terrorısterdiń tutqynynda boldy. Qazaqstanǵa kelgen soń áıelder men balalarǵa memleket tarapynan barlyq kómek kórsetildi. Osyndaı aýyr jaǵdaıǵa ushyraǵan bul kinásiz jandardyń qýanyshynda shek joq. Olar bir aı boıy beıimdeý ortalyǵynda bolyp, qajetti medısınalyq kómek alady. Atqarylǵan jumys mundaı keleńsiz jaǵdaılardyń aldyn alýǵa septigin tıgizedi», — dedi. Sonymen qatar, Qazaqstan óz azamattaryna qaı jerde júrse de árdaıym qoldaý kórsetetinin atap ótken ol: «Bizdiń negizgi mindetimiz – elimizdiń qaýipsizdigin, halqymyzdyń bereke-birligi men tutastyǵyn qamtamasyz etý. Qaqtyǵys aımaǵynda eriksiz júrgen balalardy qaıtarý jónindegi jumystardy jalǵastyra beretin bolamyz», - dedi.

Qazaqstan azamattaryn Sırıadan qutqarý operasıasy «Jýsan» dep ataldy. 5-6 qańtarda júzege asqan shara týraly dokýmentaldi arnaı vıdeorolık tómende, kóre alasyzdar.

Sýret: akorda.kz, bnews.kz saıtynan alyndy.

RELATED NEWS

ózge elder

25 qańtar 2019

BURYNǴY PREZIDENT SOTTALDY

«Ukrinform» aqparat agenttiginiń habarlaýynsha, Kıev soty Ianýkovıchke "memleketke opasyzdyq jasaý, basqynshylyq soǵysqa kómektesti" degen baptar boıynsha aıyp taǵyp, 13 jylǵa sottady. Negizgi dálelderiniń biri Ianýkovıchtiń Reseı prezıdenti Vladımır Pýtınge Ýkraınaǵa ásker kirgizýdi surap jazǵan haty boldy. Syrttaı úkim kesilgen prezıdent 2014 jyldan beri Reseıde bas saýǵalap júr. Reseıdiń Bas prokýratýrasy ony qaıtarý týraly Ýkraınanyń suraýynan bas tartqan bolatyn.

sýret: ukrinform.ru

https://www.ukrinform.ru/rubric-polytics/2626411-anukovic-put-k-izmene-i-kak-s-etim-pokoncit.html

ózge elder

19 maýsym 2024

Mekkede qajylyq kezinde aptap ystyqtan 500-den asa adam kóz jumdy

Saýd Arabıasyndaǵy Mekkege qajylyq sapary kezinde aptap ystyqtan júzden asa adam kóz jumdy, dep habarlady DW .

Kóz jumǵandardyń naqty sany belgisiz, biraq AFP agenttiginiń habarlaýynsha, tek qajylyq kezinde kem degende 550 adam mert bolǵan.

Onyń ishinde 323-i Mysyrdan kelgen.

Tunis Afrique Presse aqparat agenttiginiń habarlaýynsha, qurbandar arasynda Týnıstiń 35 azamaty bar.

Iordanıanyń Syrtqy ister mınıstrligi qajylyqqa Iordanıadan barǵandardy jerleýge 41 ruqsat berilgenin habarlady.

Irannyń IRNA aqparat agenttigi 11 ırandyqtyń qaza tapqanyn, taǵy 24-i aýrýhanaǵa jatqyzylǵanyn habarlady.

Sondaı-aq úsh Senegal azamaty men 144 Indonezıa azamatynyń qaıtys bolǵany aıtyldy.

Bul adamdardyń kópshiligi qatty aptap ystyqtan qaıtys boldy, dep habarlady týystary áleýmettik jelide.

ózge elder

27 mamyr 2024

Nıgerıada sodyrlar 160 adamdy urlap ketti

Nıgerıanyń ortalyǵyndaǵy Nıger shtatynda sodyrlardyń shabýylynan keminde 10 adam qaza taýyp, taǵy 160 adam urlanǵan, dep habarlaıdy BBC.

«Boko Haram» ıslamshyl tobynan bolýy múmkin qarýly sodyrlar juma kúni keshke Kýchı aýylyna kirdi, dep habarlady jergilikti keńes tóraǵasy Amıný Abdýlhamıd Najýme BBC World Service.

Onyń aıtýynsha, urlanǵandar arasynda negizinen áıelder men balalar, al qaza tapqandar arasynda aýdannyń qaýipsizdigin qamtamasyz etken jergilikti turǵyndar bar.

Málimetke qaraǵanda, sodyrlar aýylǵa motosıklmen kirip, onda eki saǵattan astam ýaqyt ótkizip, osy ýaqyt ishinde ózderine tamaq ázirlep úlgergen.

Osydan keıin olar úı-úıdi tonap, jergilikti turǵyndardy alyp ketken.

Amnesty International quqyq qorǵaý uıymy jappaı urlaýǵa qatty alańdaıtynyn habarlady.

Jańalyqtar

13 naýryz 2025