Astanada QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń 25 jyldyǵyna arnalǵan Qazaqstan áıelderiniń forýmy ótti. Bul týraly Mádenıet jáne aqparat mınıstrligi habarlady.

Memleket basshysy ulttyq komısıanyń 25 jyldyǵyna oraı quttyqtaý joldady.

«Komısıa genderlik tendikti qamtamasyz etý, otbasy ınstıtýtyn nyǵaıtý jáne ana men balany korǵaý isinde erekshe ról atqaryp keledi. Bul qurylym ýákiletti organdardyń, azamattyq sektordyń jáne bıznestiń kúsh-jigerin toǵystyratyn tıimdi minberge aınaldy. Sizderdiń eseli eńbekterinizdiń arqasynda Qazaqstan birqatar halyqaralyq konvensıany ratıfıkasıalap, genderlik teńsizdikti joıý jónindegi barlyq mindettemelerin oryndap keledi. Biz áıelderdiń qoǵamdaǵy mártebesin kóterý jene otbasy qundylyqtaryn dáripteý úshin júıeli sharalardy jalǵastyryp, barshaǵa birdeı múmkindik beretin memleket – Ádiletti Qazaqstandy qurý jolynda naqty qadamdar jasaımyz», – delingen Prezıdenttiń quttyqtaý sózinde.

Forým barysynda Parlament depýtattary, halyqaralyq uıymdar men azamattyq sektor men halyqaralyq uıymr ókilderi otbasylyq-demografıalyq saıasat, áıelderdiń qazirgi qoǵamdaǵy róli, otbasylardy áleýmettik jáne ekonomıkalyq qoldaý, balalardyń quqyqtary jáne basqa da kóptegen mańyzdy máselelerdi talqylady.

25 jyl ishinde Ulttyq komısıa otbasylyq jáne genderlik saıasattaǵy ózekti máseleler boıynsha tıimdi jumys júıesin qura aldy. Komısıa men seriktesterdiń birge atsalysýynyń arqasynda áıelder, otbasy jáne balalar quqyqtaryn qorǵaýǵa baǵyttalǵan júzdegen tabysty jobalar men bastamalar júzege asyryldy. Komısıa osy sala boıynsha mańyzdy sheshimder shyǵaryp, olardy iske asyrýǵa belsendi aralasatyn biregeı organǵa aınaldy.

«Amanat» partıasynyń hatshysy, Qazaqstan Respýblıkasy Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń múshesi Sholpan Karınova, BUU-nyń Qazaqstandaǵy turaqty úılestirýshisi Mıkaela Frıberg-Storı jáne basqa da spıkerler komısıanyń róli aıtarlyqtaı erekshe ekenin atap ótti.

İs-sharaǵa qatysýshylar áıelder quqyqtary men otbasylyq qundylyqtardy qorǵaý salasyndaǵy odan ári yntymaqtastyq ornatyp, birlesip jumys atqarýǵa daıyn ekendigin atap ótti.

Qorytyndylaı kele, Aıda Balaeva búgingi forým otbasy mártebesin arttyrýǵa, genderlik teńdikti saqtaý jumystaryn odan ári damytýǵa, jetistikter men perspektıvalarǵa jol ashyp, birlesken jumysqa jańa serpin beretinine senim bildirdi.

Qazaqstanda 700 myńnan asa múgedektigi bar jandar turady. Eldiń ár túpkirinde múmkindigi shekteýli adamdarǵa arnalǵan dene shynyqtyrý jáne sport bólimderin ashý kópshilik jaǵdaıda úkimettik emes uıymdardyń bastamasymen júrgizilýde. Osy baǵytta aýyz toltyryp jumys jasap júrgen «Qazaqstan bochcha federasıasy» respýblıkalyq qoǵamdyq birlestigi men «Teń  múmkindikter  álemi» qoǵamdyq qory. Bul uıymdardyń qajyrly eńbekteriniń arqasynda myńnan asa múmkindigi shekteýli balalar men jastar sportpen shuǵyldanyp, ómirde óz ornyn tabýda.

Bochcha sport Qazaqstanda endi ǵana damyp, múgedektigi bar azamattar, onyń ishinde balalar men jastardyń arasynda qarqyn alyp kele jatyr. Bul aýyr tirek qımyl apparat zaqymdalǵan jandarǵa arnalǵan paralımpıadalyq sport túri.

«Týrızm jáne sportty qoldaý qorynyń  qoldaýymen 2023 jyldyń ishinde bochcha sportshylary 3 halyqaralyq jarystarǵa qatysap, álemdik reıtıńte alǵash upaılardy jınaı bastady. «Teń  múmkindikter  álemi» qoǵamdyq qory  «Salamatty bolashaq» atty áleýmettik jobany  Qazaqstannyń 23 qalada iske asyrýda. Bul joba Qazaqstanda beıimdelgen dene shynyqtyrý men sportty damytýǵa, onyń ishinde múgedektigi bar balalarǵa arnalǵan ıntegrasıalanǵan nysandaǵy sport seksıalarynyń jelisin qurý arqyly járdemdesý jónindegi sharalar kesheni. Joba 2018 jyldan bastap  «Samruk-Kazyna Trust»   qorynyń   qarjylandyrýymen   iske asyrylýda», - deıdi «Teń múmkindikter álemi» qoǵamdyq birlestiginiń  dırektory, Qazaqstan bochcha federasıasynyń bas hatshysy Nurgúl Uljekova.

Onyń aıtýynsha «Salamatty bolashaq» jobasynyń  basty  maqsaty  erekshe balalar men  olardyń  ata-analarynyń  armanyn  oryndaý. Munda   erekshe   balalarǵa   arnalǵan    bochcha,   golbol,   adaptıvti   júzý,   adaptıvti  karate,  adaptıvti taekvondo,  adaptıvti dzúdo, adaptıvti pıonerbol,   adaptıvti fýtbol, beıimdeletin   jeńil   atletıka,   ınklúzıvti   horeografıa   sekildi   sporttyń   ártúri  qarastyrylǵan.   Qymbat  turatyn  ońaltý  sharalaryna  qaraǵanda  jyl   boıy sportpen  shuǵyldaný  ereksheligi  bar  balalar   úshin  anaǵurlym  paıdaly.  Olar  sport  úıirmelerinen   naǵyz   dostar   taýyp, ózderine   degen   senimdilikterin    nyǵaıtady.

Sheshen jýrnalıs Saıd Bısoev Qazaqstan halqyn kóktemniń alǵashqy kúnindegi alǵys aıtý kúnimen quttyqtady, dep habarlaıdy "Adyrna"  portaly. 

Saıd Bısoev qazaqstandyqtarǵa izgi tilegin arnady:

"Sizderdi kóktemniń osy tamasha merekesi – Alǵys aıtý kúnimen quttyqtaımyn. Biz 1944 jyly Qazaqstan panalaǵan repressıaǵa ushyraǵan ıngýsh sheshenderdiń tikeleı urpaǵymyz. Biz birneshe saıası qasiretti kezeńdi birge ótkergen eldermiz.  Stalındik terrordyń aýyr zardaptarynan áli aıyǵa qoımaǵan qazaqstandyqtar Kavkaz halqyna kómek qolyn sozdy. Qazaqstandaǵy «stalındik terror» qurbandarynyń jalpy sany birneshe mıllıonnan asady. Biraq dana qazaq sheshen, ıngýsh jáne basqa jer aýdarylǵan halyqtardyń ózderi sıaqty qurban bolǵanyn túsindi. Sondyqtan múmkindiginshe kómektesip, qoldaý kórsetýge tyrysty, bul ondaǵan myń adamdy ajaldan aman alyp qaldy" dep jazdy jýrnalıs óziniń áleýmettik jelidegi paraqshasynda.

Sondaı-aq, ol qazaqstandyqtardyń janashyrlyǵyn eshqashan umytpaıtynyn aıtty:

"Ǵasyrlar ótse de, qazaqtyń erligi, batyldyǵy men tektiligi urpaqtan-urpaqqa jalǵasyp, júregimizde saqtalady. Biz qazirden bastap birge bolýǵa laıyqpyz! Baýyrlas halyq bolýǵa daıynbyz! Raqmet, qazaq eli!" dedi ol.