Semeı qalasynda jańa ákim taǵaıyndaldy. Jańa qala ákimi laýazymyna Talǵat Muratov keldi, dep habarlaıdy Ulys qalalyq ákimdikke silteme jasap.
Burynǵy Semeı qalasynyi ákimi Nurbol Nursaǵatov jumysynan ketetinin shyrshany bezendirý kezinde jaraqat alǵan pedagog oqıǵasymen baılanysty emes. Qala ákimdigi taǵaıyndaý men muǵalim oqıǵasynyń bir-birine esh qatysy joq dep habarlady.
«Shyrshadan qulap jaraqat alǵan muǵalimniń oqıǵasy Nurbol Tólegenuly Nursaǵatovtyń qyzmetinen bosatylýyna esh qatysy joq. Ol oqıǵadan bir apta buryn óz erkimen jumysynan ketý týraly ótinish bergen», - dep habarlady Semeı ákimdigi.
Sondaı-aq, vedomstvo qasaqana jalǵan aqparat taratqany úshin jaýapkershilikti eskertti.
Aıta keteıik, Jańa jyldyq shyrshany bezendirýge atsalysqan ustazdardyń biri jaraqat alyp, aýrýhanaǵa tústi. Tergeýden keıin mektep dırektorlaryna qatań sógis jarıalanyp, qalalyq bilim bóliminiń basshysy qyzmetinen bosatyldy.