Semeı ormanyndaǵy órt: Dırektor men 20-dan astam qyzmetker ustaldy

Sybaılas jemqorlyq

vıdeodan alynǵan kadr 11 shilde 2024

Semeı ormanyndaǵy órt: Dırektor men 20-dan astam qyzmetker ustaldy

«Semeı ormany» memlekettik orman tabıǵı rezervaty fılıalynyń dırektory men jıyrmadan astam qyzmetkerin polısıa ustap áketti, dep habarlaıdy Ulys İİM silteme jasap.

Olar ormandaǵy aǵashty zańsyz kesip, zańsyz satty, sondaı-aq para aldy degen kúdikke ilindi.

«2024 jyldyń 9 shildesinde Abaı oblysynyń aýmaǵynda «Semeı ormany» memlekettik orman tabıǵı rezervaty fılıalynyń dırektory basshy boldy degen qylmystyq top ustaldy. Orman aǵashyn zańsyz kesip, zańsyz satty degen kúdikpen polısıaǵa jıyrmadan astam adam jetkizildi. Tintý ótip, urlanǵan aǵash, aǵash kesetin stanok, aqsha jáne qujattar tárkilendi. Fılıal dırektory men qylmysqa qatysy bar degen kúdiktiler ýaqytsha ustaý ızolátoryna qamaldy», – dedi İİM uıymdasqan qylmysqa qarsy kúres departamentiniń ókili Qýandyq Alpys.

RELATED NEWS

Sybaılas jemqorlyq

25 jeltoqsan 2024

«Kaspıı» fýtbol klýbyna qatysty aqsha bopsalaǵandar destrýktıvti din ókilderi - agenttik

OKQ ótken baspasóz máslıhatynda Sybaılas jemqorlyqqa qarsy is-qımyl agentiginiń resmı ókili Danıar Bıgaıdarov «Kaspıı» fýtbol klýbynda jasalǵan jemqorlyq jaıly aıtty, dep habarlaıdy Azattyq Rýhy.

«Mańǵystaý oblysy boıynsha Sybaılas jemqorlyqqa qarsy qyzmet «Kaspıı» fýtbol klýby» SHJQ MKK burynǵy dırektory men destrýktıvti dinı orta ókilderine qatysty sotqa deıingi tergeý júrgizýde. Olar zorlyq-zombylyq qoldana otyryp, asa iri mólsherde aqsha bopsalady degen kúdikke ilinip otyr», - dedi Bıgaıdarov.

Onyń aıtýynsha, Mańǵystaý oblysy prokýratýrasynyń úılestirýimen úsh kúdikti QPK-niń 128-baby negizinde ustalyp, ýaqytsha ustaý ızolátoryna qamaldy.

«Qazirgi ýaqytta burynǵy dırektordyń oqý-jattyǵý jıyndaryn uıymdastyrý úshin fýtbol klýbyna bólingen búdjet qarajatyn jymqyrý faktisine qatysty ma, joq pa tekserip jatyrmyz. Tergeý jalǵasyp jatyr», - dedi resmı ókil.

Sybaılas jemqorlyq

13 jeltoqsan 2024

Qaıyrymdylyqqa bólingen aqshany jymqyrdy degen qoǵam belsendisiniń 1 sómkesi 25 mln teńge turady - agenttik

Kóktemgi sý tasqynynan zardap shekkenderge kómek retinde jınalǵan qaıyrymdylyq aqshany urlady degen kúdikpen qamaýǵa alynǵan Perızat Qaırat brend sómkeler men zergerlik buıymdarǵa qumar bolǵan. Qarjy monıtorıńi agenttigi taratqan aqparat boıynsha, Perızat Qaırattyń bir sómkesiniń ózi 25 mln teńge turady, dep habarlaıdy Ulys.

Qaıyrymdylyq qorynyń basshysy sý tasqynynan zardap shekkenderge jáne Palestına halqyna gýmanıtarlyq kómek kórsetý maqsatynda jınalǵan 1,7 mlrd teńgeni jymqyrdy degen kúdikke ilingen.

Búgin Qarjy monıtorıńi agenttigi Perızat Qaırattan tárkilengen múlikterdi kórsetti.

«Perızat Qaırattyń turǵylyqty jerin tintý barysynda qaıyrymdylyqqa jınalǵan qarajatqa satyp alynǵan qymbat tehnıka, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jáne taǵy basqa tanymal álemdik brendterdiń kıim, aıaq kıim, zergerlik buıymdary, sómkeleri tárkilendi», - delingen habarlamada.

Kúdiktiden tárkilengen qymbat zergerlik buıymdardyń jalpy quny 70 mln teńgeden asady. Máselen, Graff brendiniń syrǵa-alqalary 10 mln teńgeden bastalsa, Rolex saǵatyn 7 mln teńgege satyp alǵan. Al Bulgari saǵaty 6 mln 750 myń teńge turady eken.

Budan bólek, Perızat Qaırattyń brend sómkelerge degen mahabbaty da erekshe bolǵan syńaıly. Quqyq qorǵaý organdary kúdiktiniń úıinen jalpy quny 110 mln teńgeden asatyn ondaǵan sómke tapqan.

Brend sómkelerdiń eń arzany 1 mln teńge tursa, eń qymbaty da 25 mln 600 teńge bolyp shyqty. 2 mln, 4 mln, 14 mln teńgege satyp alǵan sómkeleri de bar.

QMA Perızat Qaırattyń jıyrma shaqty brend sómkesiniń sýreti men baǵalaryn jarıalady. Perızat Qaırat barlyq sómkesine P.K dep aty-jóniniń bas áripterin jazdyrǵan.

Sybaılas jemqorlyq

18 jeltoqsan 2024

QazAvtoJol-dyń burynǵy basshysy 200 mln teńge jymqyrǵan

«QazAvtoJol» kompanıasynyń burynǵy tóraǵasy búdjet qarajatyn jymqyrǵany úshin 8 jylǵa sottaldy, dep habarlaıdy Ulys Bas kólik prokýratýrasyna silteme jasap.

«QazAvtoJol» UK» AQ-nyń burynǵy tóraǵasy men bas merdigerge qatysty «Jaqsy-Esil-Býzýlýk» avtojolyn kúrdeli jóndeýge, sonyń ishinde Esil ózeni arqyly ótetin kópirdi salýǵa bólingen 200 mln teńge kóleminde memleket qarajatyn jymqyrǵan.

«Kelisimsharttyń buzýshylyqtarmen jasalǵandyǵy jáne berilgen avanstyń ysyrap etilgendigi dáleldendi. Joba boıynsha jumys bastalmaǵan. Sottalǵandar 8 jylǵa bas bostandyǵynan aıyryldy. Sonymen qatar, sot memleketke keltirilgen zalaldy óndirip aldy. Sot úkimi zańdy kúshine engen joq», - delingen Bas kólik prokýratýrasy habarlamasynda.

Jańalyqtar

14 qańtar 2025