«Sátti Juldyz» lotereıasynda qazaqstandyq úsh azamat birden jeńimpaz atanyp, qymbat syılyqtarǵa ıe boldy. Endi eki úı qonys toıyn toılap, bir úı jańa avtokóligin «jýady». Baǵy janǵan azamattar lotereıadan qanjyǵasyn maılap, ómirdiń jarqyn betin ashty dep habarlaıdy ulys.kz tilshisi.
Árbir adam lotereıa bıletin satyp alarda úsh uıyqtasa da túsine kirmes syılyqty utyp alsam dep armandaıtyny anyq. Sol arman keı kezde oryndalyp, adamdy oılamaǵan qymbat syılyqqa qoljetkizedi. Bir sózben aıtqana lotereıadan utys alyp, sáttilik serik bolyp jatatyndar jetkilikti.
Utystan páter alý óte qýanyshty jańalyqtyń biri. Onyń qunyn páterge dep jyldap aqsha jınap nemese aı saıyn 15-20 jylǵa sozylǵan ıpoteka tóleıtin árbir qazaqstandyq óte joǵary baǵalaıdy. Lotereıadan páter utyp alamyn degen oı Pavlodar qalasynyń turǵyny Jumabektiń úsh uıyqtasa túsine kirmegen edi. Ol «Sátti Juldyz» lotereıasynyń bes bıletin satyp alyp, páter ıesi atandy. Bul onyń alǵashqy iri jeńisi. Jalpy Jumabek 20 jyldan astam ýaqyt boıy lotereıa bıletterin satyp alyp keledi.
«Men lotereıa bıletterin 20 jyldan beri satyp alyp kele jatyrmyn. Ózimniń qandaı da bir kúni baǵym janatynyn jáne oılamaǵan utysqa ıe bolatynyma sendim. Biraq páter bolady dep oılamadym», – deıdi Jumabek qýanyshyn jasyrmaı.
Osyǵan uqsaıtyn taǵy bir bir baqytty jaǵdaı Óskemen qalasynyń turǵyny Pavel Sarafanovtyń basynan ótti. Ol da «Sátti Juldyz» lotereıa bıletin satyp alyp, páterli boldy. Pavel eki jyl boıy bılet satyp alyp, tek shaǵyn utystarǵa ıe bolǵan. Alaıda bul joly oǵan úlken olja buıyrdy.
«Men utystan páter alǵanymdy estigen kezde tipti telefonymdy qolynan túsirip aldym. Áıelim birden dostarym men týystaryma habarlasyp, qýanyshpen bólisti. Muny estigen dostarym men týystarym onyń ádet «frank» dep oılady. Keıin onyń shyn ekenin bilip, bizdi quttyqtap jatty. Jalpy men eki jyldan beri lotereıa bıletin satyp alyp, ony ádetke aınaldyrǵanmyn. Buryndary 5-7 myń teńge kóleminde syılyqtar utyp júrgenmin. Tek sáttilikke sený kerek. Osy joly meniń baǵym jandy», – dedi Pavel.
Ulttyq lotereıada taǵy bir azamat Ahmettiń baǵy jandy. Almaty qalasynda turatyn zańger ári kásipker Ahmet TeleBingo nemese LOTO 6/49 lotereıa bıletin bir jyldan asa ýaqyt aptasyna 1-2 ret satyp alady. Ol jýyrda 10 mıllıon teńge turatyn avtokólik utyp aldy. Bul qýanyshty jaǵdaı oǵan kútpegen tosynsyı boldy.
«Shynymdy aıtsam osy utysqa jubaıymyz ekeýmiz óte qatty qýandyq! Kútpegen ári oılamaǵan qazyna boldy. Bizde avtomobıl bar bolǵandyqtan, onyń ornyna aqsha alýdy sheshtik. Biz bul qarajatty qalaı jumsaıtynymyzdy áli sheshken joqpyz. Alaıda ony qandaı da bir jaqsy iske, naqtylap aıtqanda balalarymyzdyń bolashaǵyn jarqyn etýdi qamtamasyz etýge jumsaımyz dep otyrmyz. Men ómirde kezdeısoq sáttilikter degen uǵymǵa qatty senemin. Senim men úmit bolǵan jerde mindetti túrde jaqsylyq bolady. Osy rette aıta ketsem, men Sátti Juldyz Ulttyq lotereıasyna tolyq senem. Sondyqtan basqa da qatysýshylarǵa sáttilik serikterińiz bolsyn dep aıtqym keledi», dedi Ahmet.
Ómirde barlyq adam ómirde bir ǵajaıyptyń bolatynyna senýi tıis. Ony ár adam ár túrli kútedi. Biraq lotereıadan mıllıondar utyp alsam degen qıal men arman ár adamda bolatyny shyndyq. Kóbi ol armanǵa jetýdiń múmkindikteri bar ekenin de bilip, únemi lotereıadan bılet alyp, óziniń juldyzdy sátin kútedi.
Osy rette aıta keteıik 16 aqpanda taǵy bir páter utysy ótedi. Oǵan qatysý úshin TeleBingo lotereıasynyń «Kvartıra» Loto jıyntyǵyn satyp alý qajet. Ár Loto jıyntyq 5 bıletti quraıly. Bir qatysýshyǵa arnalǵan Loto jıyntyq sany shektelmegen. Bılet neǵurlym kóp bolsa, jeńiske jetý múmkindigi soǵurlym joǵary.
Sondaı-aq, ár qatysýshy 551 264 000 teńgeni quraıtyn djekpotty utyp alý múmkindigine ıe. Utys oıyny 16 aqpan, jeksenbi kúni saǵat 10:00-de «31 arna» telearnasynyń tikeleı efırinde ótedi.
