Sarapshy: Aýǵanstandy terorıstik toptar basyp alatyn bolsa, bul esirtki óndirisiniń ósýine alyp kelýi múmkin

Aýǵanstan

15 tamyz 2021

Sarapshy: Aýǵanstandy terorıstik toptar basyp alatyn bolsa, bul esirtki óndirisiniń ósýine alyp kelýi múmkin

Aýǵanstanda turaqsyzdyq ornap, terorıstik toptar bılikti basyp alatyn bolsa bul esirtki óndirisiniń odan da ósýine alyp kelýi ábden múmkin. Bul týraly Álemdik ekonomıka jáne saıasat ınstıtýtynyń sarapshysy Jumabek Sarabekov Ulys-qa bergen suhbatynda aıtty.

«Aýǵanstan álemde geroınnyń 85 paıyzyn óndiretin memleket jáne narkolaborotorıaǵa aınalǵany belgili. Eger aımaqta turaqsyzdyq ornap, terorıstik toptar bılikti basyp alatyn bolsa bul esirtki óndirisiniń odan da ósýine alyp kelýi ábden múmkin. Bul Qazaqstan úshin Ortalyq Azıa elderi úshin qaýipti. Sebebi óndirilgen esirtkini tasymaldaý joly soltústik mashrýt -Qazaqstan arqyly ótedi», - dedi Jumabek Sarabekov.

Reuters agenttigiń abarlaýynsha, búgin «Talıban» qozǵalysynyń (Qazaqstan aýmaǵynda tyıym salynǵan - avt.) ókilderi Aýǵanstan astanasy Kabýlǵa basyp kirdi. Buǵan deıin tálipter eldiń 90 paıyz aýmaǵyn basyp alyp, óziniń ústemdigin kórsetken bolady.

Aıta ketsek, Aýǵanstandaǵy jalpy jaǵdaı onyń Qazaqsanǵa áseri týraly taldaý maqalany myna jerden oqýǵa bolady.

Avtory: Saıagúl Jarylqasyn

RELATED NEWS

Aýǵanstan

16 tamyz 2024

Aýǵanstanda 1,4 mln oqýshy qyz orta bilim alý múmkindiginen aıyrylǵan

Talıban qozǵalysy (Qazaqstanda tyıym salynǵan uıym) basqaratyn Aýǵanstanda 1,4 mln qyz orta bilim alý múmkindiginen aıyrylǵan, dep habarlaıdy Ulys IýNESKO-ǵa silteme jasap.

2021 jyly Aýǵanstan bıligi altynshy synyptan keıin qyzdardyń bilim alýyna tyıym saldy. 15 tamyzda IýNESKO saıtynda osyndaı málimet jarıalandy.

"Eger atalǵan tyıymǵa deıin de mektepke barmaǵan qyzdardy qosa esepteıtin bolsaq, onda elde bilim alý quqyǵynan aıyrylǵan 2,5 mıllıonǵa jýyq qyz bar. Bul mektep jasyndaǵy aýǵan qyzdarynyń 80%-yn quraıdy", dep habarlaıdy IýNESKO.

Aýǵanstan

19 tamyz 2021

«Kópjyldyq janjaldy aýǵan halqy ózi sheshýi kerek» - Qazaqstannyń málimdemesi

Qazaqstan Aýǵanstandaǵy jaǵdaıǵa baılanysty málimdeme jasady, dep habarlaıdy Ulys QR SİM silteme jasap.

«Qazaqstan Aýǵanstandaǵy jaǵdaıdyń damý barysyn muqıat qadaǵalap otyr. Atalǵan eldiń tarıhynda taǵy bir sheshýshi sát kele jatyr. Kópjyldyq janjaldy aýǵan halqy ózi sheshýi kerek.

Qazaqstan barlyq taraptardy ishki turaqtandyrýdyń basty alǵysharty retinde bıliktiń beıbit tranzıtin qamtamasyz etýge shaqyrady. Biz BUU Qaýipsizdik Keńesiniń ınklúzıvti jáne ókildik úkimet qurý, ulttyq azshylyqtar men áıelderdiń quqyqtaryn qurmetteý, basqa memleketterge qaýip tóndiretin toptardyń bolýyna jol bermeý, halyqaralyq quqyqty saqtaý týraly málimdemesin qoldaımyz. Osy erejelerdi oryndaý Aýǵanstannyń jańa bıligimen dıalogty bastaý úshin qajetti shart bolýy tıis», - delingen málimette.

Aýǵanstan

16 tamyz 2021

67 el men EO Aýǵanstandaǵy jaǵdaıǵa baılanysty málimdeme jasady

67 el men Eýropalyq Odaq Talıban Aýǵanstandy basyp alǵannan keıin birlesken málimdeme jasady. Olar Aýǵanstannan ketkisi keletinderge barlyq joldy ashyq qaldyrýǵa shaqyrdy jáne aýǵan halqyna kómektesýge daıyn ekendikterin bildirdi. Bul týraly Ózbekstannyń memlekettik aqparat agenttigi habarlady.

Málimdemege qol qoıǵan taraptardyń qatarynda Eýropalyq Odaqtyń syrtqy ister jáne qaýipsizdik saıasaty jónindegi joǵary ókili, AQSH, Ulybrıtanıa, Kanada, Germanıa, Avstralıa, Polsha, Ýkraına, Ońtústik Koreıa, Afrıka jáne Latyn Amerıkasy bar. Alaıda Reseı bul elderdiń qatarynda joq.

«Aýǵanstannan ketkisi keletin aýǵandar men sheteldikterge mynaǵan ruqsat berý kerek: joldar, áýejaılar men shekaralar ashyq qalýy jáne beıbitshilik saqtalýy kerek. Aýǵan halqy qaýipsiz jáne abyroıly ómir súrýge laıyq. Biz olarǵa kómektesýge daıynbyz », - delingen AQSH Memlekettik departamentiniń saıtynda jarıalanǵan habarlamada.

Málimdeme avtorlary Aýǵanstanda qaýipsizdikti qamtamasyz etý úshin jumys jasap jatqanyn atap ótti. Olar «barlyq taraptardy Aýǵanstannan ketkisi keletinderdi qurmetteýge jáne olardyń qaýipsiz jáne tártippen shyǵýyn qamtamasyz etýge» shaqyrdy.

Eske salsaq, Aýǵanstanda bılik talıbterdiń qolyna ótti. Prezıdent Ashraf Ǵanı qantógis boldyrmaý úshin elden ketýge sheshim qabyldady.

Jańalyqtar

05 aqpan 2025