Italıanyń barlyq aımaǵynda sý tasqynyna baılanysty eskertý jarıalandy, al Fransıanyń halqy jaryqsyz qaldyrdy, dep habarlaıdy Euronews.

Italıadaǵy tolassyz jaýyn elde laı tasqyndaryn týdyrdy. Eń qatty zardap shekken aımaq — Emılıa-Romaná. Bolonáda tabıǵat apat saldarynan bir bala qaıtys boldy, ony tasqyn sý avtokólikpen birge aǵyzyp áketken.

Al Fransıanyń ortalyq bóligindegi sý tasqyndary úlken shyǵyn ákelip, elektr energıasyn óshirdi. Fransıa bıliginiń habarlaýynsha keıbir aımaqtarynda 48 saǵat ishinde 700 mm jaýyn-shashyn jaýǵan, bul Parıjdegi jyldyq normadan da kóp.

Fransıanyń İshki ister mınıstrligi Parıjdiń zardap shekken aımaqtarǵa qosymsha 1500 qutqarýshy jibergenin habarlady.

Ortalyq Eýropa elderinde qatty daýyl, nóser jańbyr saldarynan Chehıa, Polsha Avstrıanyń aýmaǵyn sý basyp, Rýmynıanyń aýyldary tutastaı sýǵa ketken, dep habarlaıdy BBC.

Qazirge deıin 16 adamnyń denesi tabylǵan.

 Polsha EO-dan kómek suramaq. Týsk úkimeti tótenshe jaǵdaı jarıalady.

Elde myńdaǵan adamdar evakýasıalandy. Kóptegen joldardy sý basyp, poezdar júrisin toqttatty.

Dýnaı ózeni tasyp, Slovakıanyń kóne qalasy Bratıslava sýǵa ketti. Jergilikti BAQ-tyń habarlaýynsha, sýdyń bıiktigi 9 metrge jetken, alda budan da ary kóteriledi deıdi.

Dýnaıdyń tómengi aǵysynda ornalasqan Vengrıa aldaǵy kúnderi bolatyn sý tasqynyna daıyndalyp jatyr. Dýnaıdyń jaǵasyndaǵy 500 shaqyrymdaı aýmaqty sý basý qaýpi bar. Ózen táýlik saıyn bir metrge bıikteýde.

Býdapesht merıasy mıllıon qapshyqqa qum toltyryp sý tasqynynan qorǵaý sharalaryn jasady. Vengrıanyń premer-mınıstri Vıktor Orban búkil sheteldik saparlaryn keıinge shegerdi. Chehıanyń Esenık qalasyna ótken beısenbiden beri ortasha aılyq normadan 5 ese kóp jaýyn-shashyn jaýdy. Avstrıanyń Sankt-Pólten  qalasyna 4 kúnde 1950 jyldyń kúzinen beri jaýmaǵan kóp jańbyr jaýdy. Rýmynıanyń shyǵysyndaǵy aýyldar tutastaı sýǵa ketti.

Memleket basshysy Qasym-Jomart Toqaevtyń shaqyrýymen Germanıanyń Federaldy kansleri Qazaqstanǵa resmı saparmen keldi. Astana qalasynyń áýejaıynda Olaf Sholsti Qazaqstan Premer-Mınıstri Oljas Bektenov qarsy aldy. 

Germanıanyń Federaldy kansleri Olaf Shols «Ortalyq Azıa + Germanıa» ekinshi samıtine qatysady, onyń sheńberinde saýda-ekonomıkalyq ózara is-qımyl men birlesken ınvestısıalyq jobalardy iske asyrýdy qosa alǵanda, keń aýqymdy baǵyttar boıynsha strategıalyq yntymaqtastyq pen áriptestik máselelerin talqylaý josparlanýda.

Germanıa Qazaqstannyń mańyzdy saýda jáne ınvestısıalyq seriktesi sanalady. Bıylǵy 7 aıda ózara saýda kólemi 2023 jyldyń sáıkes kezeńimen salystyrǵanda 13%-ǵa ósip, $2,3 mlrd-ty qurady. Ótken jyldyń qorytyndysy boıynsha Germanıadan Qazaqstanǵa tikeleı ınvestısıalar kólemi 64%-ǵa ulǵaıyp, $770 mln-ǵa jetti. Qarajattyń negizgi bóligi basymdyq berilip otyrǵan ekonomıkanyń shıkizattyq emes sektoryn damytýǵa baǵyttalǵan.