Respýblıka kúni qarsańynda Prezıdent Jarlyǵymen bir top azamat memlekettik nagradalarmen marapattaldy, dep habarlaıdy Aqorda.
Ulttyq mereke – Respýblıka kúni qarsańynda Prezıdent Qasym-Jomart Toqaevtyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqty nyǵaıtýǵa qosqan eleýli úlesi men belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda bilim berý, densaýlyq saqtaý, mádenıet jáne ǵylym qaıratkerleri, óndiris, bıznes salalarynyń kórnekti ókilderi, depýtattar, memlekettik jáne quqyq qorǵaý organdarynyń qyzmetkerleri, áskerı qyzmetshiler, sportshylar jáne eńbek ardagerleri bar.
«Qazaqstannyń Eńbek Eri» ataǵy otandyq ǵylymdy damytýdaǵy aıryqsha jetistikteri, sondaı-aq qoǵamdyq qyzmettegi asa úzdik eńbegi úshin Prezıdent janyndaǵy Qazaqstan Respýblıkasy Ulttyq ǵylym akademıasynyń vıse-prezıdenti A.Jumadildaevqa, eldiń áleýmettik-gýmanıtarlyq damýyndaǵy asa úzdik jetistikteri úshin Almaty qalasy №4 arnaıy mektep-ınternatynyń muǵalimi G.Nurpeıisovaǵa, Oral qalasy A.Taımanov atyndaǵy №34 mektep-gımnazıasynyń muǵalimi E.Traısovaǵa jáne óndiristik qyzmettegi erekshe eńbegi úshin Qaraǵandy oblysy «Shahterskoe» jaýapkershiligi shekteýli seriktestiginiń dırektory G.Prokopqa berildi.
«Otan» ordenimen Kardıohırýrgıa jáne transplantologıa ǵylymı-klınıkalyq ortalyǵynyń dırektory S.Joshybaev pen kórnekti aqyn, Memlekettik syılyqtyń laýreaty N.Orazalın marapattaldy.
İ dárejeli «Barys» ordeni Parlament Májilisi Tóraǵasynyń orynbasary A.Raýǵa, R.Baǵlanova atyndaǵy «Qazaqkonsert» memlekettik akademıalyq konserttik uıymynyń ártisi N.Ónerbaıǵa, eńbek ardagerleri Q.Jaqypovqa, Ó.Ozǵanbaevqa, V.Redkokashınge jáne S.Shákiratqa, Almaty qalasy «Persona» halyqaralyq klınıkalyq reprodýktologıa ortalyǵynyń basshysy V.Lokshınge, İİ dárejeli «Barys» ordeni Qazaqstannyń Germanıa Federatıvtik Respýblıkasyndaǵy Tótenshe jáne Ókiletti elshisi N.Onjanovqa jáne eńbek ardageri J.Sháripovke, İİİ dárejeli «Barys» ordeni Premer-Mınıstrdiń orynbasary T.Dúısenovaǵa, shahmattan álem chempıony B.Asaýbaevaǵa, Qyzylorda oblysynyń ákimi N.Nálibaevqa, Taraz qalalyq Qoǵamdyq keńesiniń tóraǵasy S.Seıdázimovke tabystaldy.
Sonymen qatar bir top belgili ǵalym, mádenıet, bilim salasynyń qaıratkerleri jáne óndiris ókilderi, memlekettik qyzmetkerler «Parasat» ordeniniń ıegeri atandy. Olardyń qatarynda Almaty qalasy «Akýsherlik, gınekologıa jáne perınatologıa ǵylymı ortalyǵy» aksıonerlik qoǵamy Dırektorlar keńesiniń tóraǵasy Z.Amanjolova, Qyzylorda oblysy Shıeli aýdanyndaǵy «Arǵymaq» jaýapkershiligi shekteýli seriktestiginiń dırektory O.Baıdilda, «Qazaqstan avtorlar qoǵamy» respýblıkalyq qoǵamdyq birlestiginiń bas dırektory B.Esenálıev, Qazaq ulttyq óner ýnıversıtetiniń profesory H.Qalılambekova, S.Seıfýllın atyndaǵy Qaraǵandy oblystyq qazaq drama teatrynyń akteri K.Kemalov, M.Áýezov atyndaǵy ádebıet jáne óner ınstıtýtynyń bas dırektory K.Matyjanov, Túrkistan oblysynyń ákimi D.Satybaldy, «Maǵjan» ádebı-kórkem jýrnalynyń bas redaktory J.Súleımenov, Shymkent qalasynyń ákimi Ǵ.Syzdyqbekov, M.Áýezov atyndaǵy Qazaq ulttyq drama teatrynyń aktrısasy D.Temirsultanova bar.
Ultaralyq beıbitshiliktiń damýyna sińirgen eleýli eńbegi úshin «El birligi» ordenimen Qazaqstan halqy Assambleıasynyń múshesi S.Geroev, kúrdterdiń «Barbang» qaýymdastyǵynyń tóraǵasy A.Alıev, «Mısva» qaýymdastyǵynyń tóraǵasy A.Baron jáne «Dınar-Elektromash» jaýapkershiligi shekteýli seriktestiginiń teń quryltaıshysy S.Vıshnák marapattaldy.
Elimizdiń damyp, órkendeýine eleýli eńbegi sińgen bir top azamat, sonyń ishinde Almaty qalasyndaǵy «Baldáýren» balalardy ońaltý ortalyǵy» KMK dırektory Sh.Abesov, «Astana» halyqaralyq qarjy ortalyǵynyń basqarýshysy R.Bekturov, Astana qalalyq Jas kórermender teatrynyń aktrısasy S.Eslámova, skrıpkashy J.Serkebaeva, Qosshy qalasyndaǵy mektep-gımnazıanyń dırektory D.Asqarova «Qurmet» ordenimen marapattaldy.
Budan bólek, ónerkásip, transport, qurylys, aýyl sharýashylyǵy jáne basqa da óndiris salalarynyń jumysshylary men eńbekkerleri İİ jáne İİİ dárejeli «Eńbek dańqy» ordenin ıelendi. «Qazaqstannyń eńbek sińirgen qaıratkeri» qurmetti ataǵy ǵylym jáne mádenıettiń kórnekti ókilderine tabystaldy.
Qazaq ádebıetiniń kórnekti ókilderi, aqyn-jazýshylar T.Medetbek, V.Mıhaılov jáne I.Saparbaı «Qazaqstannyń halyq jazýshysy» ataǵyna ıe boldy. «Qazaqstannyń halyq ártisi» qurmetti ataǵy elimizdiń kórnekti mádenıet qaıratkerleri: teatr jáne kıno akterleri K.Jumabekovke, L.Kádenge, O.Korjevaǵa, I.Lebsakqa, R.Mahpırovaǵa, G.Shyntemirge jáne Á.Ydyryshevqa, opera ánshileri M.Muhamedqyzy men J.Baspaqovaǵa, dırıjer A.Muhıtdınov pen kúıshi S.Turysbekke, sondaı-aq belgili ánshi M.İlıasovaǵa berildi.
Sonymen qatar bıyldan bastap qurmetti ataqtar qataryna «Qazaqstannyń eńbek sińirgen dárigeri» ataǵy qosyldy. «Ulttyq ǵylymı medısınalyq ortalyǵy» aksıonerlik qoǵamynyń bas dırektory A.Baıgenjın, «Ulttyq ǵylymı onkologıa ortalyǵy» jaýapkershiligi shekteýli seriktestigi gematologıa ortalyǵynyń basshysy V.Kemaıkın jáne Qaraǵandy oblystyq klınıkalyq aýrýhanasynyń dárigeri B.Shaı jańa qurmetti ataqtyń alǵashqy ıegerleri atandy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigi men qorǵanys qabiletin nyǵaıtý kezinde kórsetken erligi úshin áskerı qyzmetshiler men quqyq qorǵaý organdary ókilderiniń bir toby İ jáne İİ dárejeli «Dańq» ordenimen, İİ jáne İİİ dárejeli «Aıbyn» ordenimen, «Erligi úshin» jáne «Jaýyngerlik erligi úshin» medaldarymen marapattaldy. Atap aıtqanda, sýǵa batyp bara jatqan adamdy qutqarǵany úshin R.Qoshqarbaev atyndaǵy İİİ dárejeli «Aıbyn» ordenimen Ulttyq ulannyń «Shyǵys» óńirlik qolbasshylyǵynyń aǵa jaýyngeri J.Permabek, «Erligi úshin» medalimen Pavlodar oblysy polısıasynyń ýchaskelik aǵa ınspektory E.Qoıken, Aqtóbe qalasynyń polısıa ınspektory F.Nurmanov, Taldyqorǵan qalasynyń polısıa ınspektory S.Serikqalıuly, jasóspirimdi órtten qutqarǵany úshin Atyraý qalasy polısıasynyń ýchaskelik ınspektory D.Qorǵanbaev nagradtaldy.
Jalpy bıylǵy memlekettik nagradalardy taǵaıyndaýda qarapaıym jumysshylardyń mártebesin asyrýǵa, eńbek áýletteriniń qoǵamdaǵy abyroı-bedelin arttyrýǵa aıryqsha mán berildi. Marapat ıeleriniń qatarynda 450-den astam jumysshy, 137 pedagog, 80-nen asa ǵalym, 100-ge jýyq qutqarýshy men erikti bar.
Eńbek dınastıalaryn marapattaý dástúri bıyl da jalǵasyn tapty. Bul joly muǵalimder, óndirisshiler, temirjolshylar áýletteri qurmetke bólendi.
