Valúta baǵamy
  • USD -

    479.5
  • EUR -

    525
  • RUB -

    5.45
Qyzylorda oblysynda  «Úlgili eldi meken» konkýrsy ótti
17 maýsym 2024
Qyzylorda oblysynda  «Úlgili eldi meken» konkýrsy ótti

Memleket basshysynyń bastamasymen júzege asyrylyp jatqan «Taza Qazaqstan» respýblıkalyq ekologıalyq aksıasy Syr óńirinde qarqyndy túrde jalǵasýda.
Aksıa aıasynda saıabaqtar, skverler men aleıalar aýmaqtaryn abattandyrý, qoqystardan tazartý, aǵash otyrǵyzý syndy jumystar belsendi júrgizildi.
 «Úlgili eldi meken» konkýrsy
Memleket basshysynyń «Aýyldyq aýmaqtardy damytý týraly» tapsyrmasyna sáıkes, oblystaǵy eldi mekender arasynda tazalyqqa, kórkeıtý kógaldandyrýǵa, abattandyrýǵa baǵyttalǵan «Úlgili eldi meken» oblystyq konkýrsy dástúrli túrde jyl saıyn ótkizilýde.
Baıqaý týǵan ólkeni jasyl-jelekke aınaldyryp, tabıǵatty aıalaýǵa jáne ekologıanyń jaqsarýyna óz úlesin qosatyn áleýmettik mańyzy bar erekshe joba.
2023 jyly konkýrs 2 márte kóktem jáne kúz aılarynda ótkizilip, oblystyq búdjetten 1 mlrd teńgege jýyq qarjy bólindi.
Aýyldyq aımaqtarǵa qajetti arnaıy tehnıkalar qaldyq tasymaldaýshy kóligi, jol tazalaǵysh, jer qazýshy, tıegish traktorlar, assenızator mashınasy, júk tasymaldaýshy kóligi sekildi 29 tehnıka jeńimpaz eldi mekenderge tabystaldy.
Alǵash ret ótkizilgen kóktemgi konkýrsqa 7 aýdan ortalyǵy, 24 aýyl qatysyp, «Úlgili aýdan ortalyǵy» nomınasıasy boıynsha 3 aýdan ortalyǵyna jáne «Úlgili aýyl» nomınasıasy boıynsha 3 aýylǵa arnaıy komýnaldyq tehnıkalar tabystaldy. Kúzgi konkýrsta da osyndaı talaptarǵa saı jeńimpazdar anyqtaldy.
Bıylǵy jyly da konkýrs jalǵasyn taýyp, oblystyq búdjetten
436 mln teńge bólindi. Oǵan 19 tehnıka satyp alynyp, konkýrs jeńimpazdaryna tabystalatyn bolady. Qazirgi tańda konkýrsqa qatysýshy eldi mekenderdiń qujattary jınaqtalýda.


Konkýrs «Úlgili aýdan», «Úlgili aýyl» jáne «Úlgili eldi meken» nomınasıalary boıynsha ótkiziledi. «Úlgili eldi meken» nomınasıasy boıynsha ár aýdannan 1 jeńimpaz eldi meken anyqtalady jáne olarǵa abattandyrý jobalaryn qarjylandyrýǵa oblystyq búdjetten 15 mln teńgeden beriledi. «Úlgili aýdan» nomınasıasyna aýdandardaǵy kentter men qalalar, «Úlgili aýyl» nomınasıasyna tirek jáne seriktes eldi mekender, «Úlgili eldi meken» nomınasıasyna tirek jáne seriktes eldi mekenderden basqa, eldi mekender qatysady.
 «Úzdik aýla» konkýrsy
Qyzylorda qalasynda «Úzdik aýla» nomınasıasy boıynsha jyl saıyn dástúrli túrde konkýrs uıymdastyrylyp keledi.
Ótken jyly qala ákimdiginiń uıymdastyrýymen ótken konkýrs nátıjesimen Qyzylorda qalasy, Abdrahmanov kóshesindegi №19 kópqabatty úıdiń aýlasy «Úzdik aýla» nomınasıasynyń jeńimpazy atandy.
Kópqabatty úıdiń atalmysh nomınasıanyń jeńimpazy atanýyna osy úıdiń turǵyny, zeınetker Berdiqoja Kenjebaevtyń úlesi zor. Ol óz kúshimen kópqabatty turǵyn úıdiń aýlasyna sońǵy jyldary 100-ge jýyq aǵash otyrǵyzyp, aýlanyń jasyl jelekke aınalýyna septigin tıgizdi.
Qoqys óńdeý polıgony
Qyzylorda qalasy aýmaǵyndaǵy qoqys polıgonyna Koreıa Respýblıkasynan ınvestor tartylyp, qoqysty qaıta óńdeý zaýytyn salý josparlanýda.
Búgingi tańda ońtústik koreıalyq ınvestormen Qyzylorda oblysy ákimdigi tarapynan memorandýmǵa qol qoıylyp, tıisti qujattar ázirlenýde.
Zaýytqa 8 mlrd teńge shamasynda qarjy salynyp, jylyna 300 myń tonna qaldyq suryptalyp, qaıta óńdeletin bolady.
Nysan 2025 jyldyń İİ toqsanyna paıdalanýǵa beriledi dep kútilýde.
«Qyzylorda tazalyǵy» mekemesi
Búginde Qyzylorda qalasynyń tazalyǵy men abattandyrylýyna jaýapty «Qyzylorda tazalyǵy» mekemesi eki aýysymmen jumys atqarýda. Tazalyq jumystaryna bir mezette 75 arnaıy tehnıka men 200-den astam jumysshy shyǵarylady.
Sońǵy 2 jylda mekemeniń materıaldyq-tehnıkalyq bazasyn jańǵyrtý maqsatynda 2 mlrd 153 mln teńge bólinip, oǵan qajetti tehnıkalar alyndy.
Aıta ketý kerek, komýnaldyq salanyń jumysshylaryna qoldý bildirý maqsatynda olarǵa qoǵamdyq kólikterde tegin júrý qarastyrylǵan jáne jylyna bir ret shıpajaılarǵa tegin joldama beriledi.
Budan bólek, qalany kógaldandyrý jumystaryna qatysty bıylǵy jyldyń basynda qalada arnaıy «Jasyl Qyzylorda» komýnaldyq memlekettik mekemesi qurylyp, qaladaǵy ortalyq kósheler, skver, aleıalardy kórkeıtý men qalanyń kógaldandyrý jumystaryn júrgizýde.
«Jasyl el» eńbek jasaqtary
Búgin óńirde respýblıkalyq «Taza Qazaqstan» jalpyulttyq ekologıalyq aksıasy aıasynda «Jasyl el» jastar eńbek jasaqtarynyń kezekti eńbek maýsymynyń ashylý saltanaty ótti.
Sharaǵa eńbekshi jastarmen qatar, volonterler, qala turǵyndary qatysty. «Jasyl el» qozǵalysy jastardy eńbekke baýlyp qana qoımaı, ortaq ıdeıalar tóńireginde toptastyrýda. Jastardy irikteý kezinde halyqtyń áleýmettik osal toptarynan shyqqan balalarǵa ózderin kórsetýge, demalys kezeńinde qosymsha tabys tabýyna nazar aýdarylyp keledi.
«Jasyl el» jobasy aıasynda bıyl 1871 jas maýsymdyq jumyspen, ornalastyrý, qajetti ekıpırovkamen, belgilengen mólsherde eńbekaqymen qamtamasyz etiledi.
Qozǵalys múshelerimen oblys kóleminde ornalasqan mádenı-demalys oryndarynda, aleıa, skver, alańdar men parkterderde kógaldandyrý, aýmaqtardy qoqystan tazalaý sharalary atqarylady.
Búgingi sharada 100-ge jýyq eńbekshi jastar Qyzylorda qalasyndaǵy «B.Shókenov saıabaǵynda» tazalaý, syrlaý, ákteý jumystaryn júrgizip, respýblıkalyq «Taza Qazaqstan» jalpyulttyq ekologıalyq aksıasyna óz úlesterin qosty.
Aıta ketý kerek, Memleket basshysynyń bastamasymen júzege asyrylǵan ekologıalyq aksıaǵa barlyǵy 191 myńnan asa eriktiler, qoǵam qaıratkerleri, búdjet salasy men kásiporyn qyzmetkerleri qatysty.
Nátıjesimen, 8 myń tonnadan (8426) astam qoqys qaldyqtary shyǵarylyp, eldi mekenderdegi 505 skverler men parkter, 225 tarıhı mádenı eskertkishter, 791 áleýmettik nysandar, 1130 ónerkásip jáne bıznes nysandary, 289 sý obektileri, 24 445 aýlalar men kóshelerdiń boıy tazartylyp, 900-ge jýyq tehnıka jumyldyrylyp, 129 myńnan asa (129 358) óńirdiń klımatyna sáıkes jersinetin qaraǵash, terek jáne syrtalynyń kóshetteri egildi.

RELATED NEWS
Vandalızmmen kúres jan-jaqty júrgizilýde
12 maýsym 2024
Vandalızmmen kúres jan-jaqty júrgizilýde

«Taza Qazaqstan» road-estafetasynyń İİ-shi kúninde vandalızmmen kúres jalǵasyn tapty, dep habarlaıdy Ulys.

«AMANAT» partıasy janyndaǵy «Jastar Rýhy» jastar qanatynyń bastamasymen «Taza Qazaqstan» jalpyulttyq naýqany aıasyndaǵy road-estafeta jalǵasýda.

Búgin road-estafetanyń ekinshi kúninde Astanadan shyqqan aldyńǵy top pen Qaraǵandy belsendileri «Spassk» memorıaldyq kesheniniń aýmaǵyn qoqystan jáne vandalızm izderinen tazartty. Olar Aqsý-Aıýly men Shet aýdanynyń aýmaǵyn júrip ótip, Balqashqa qaraı bet aldy. 

«Jastar Rýhy» jastar qanatynyń tóraǵasy Aqerke Iskanderova road-estafeta aıasynda jan-jaqty jumys júrgiziletinin aıtty. 

«Búgin road-estafetanyń ekinshi kúninde qoqyspen birge vandalızmmen kúresýdemiz. Qaraǵandy-Balqash baǵytynda kezdesken eskertkishterdi de retke keltirýdemiz. Ózderińiz bilesizder, vandaldyq áreketterdiń jıilep ketýine baılanysty qylmystyq kodekske arnaıy bap engizilip, quqyq buzýshylyqtardy jazalaý sharalary kúsheıtildi. Bul vandaldarmen kúreste qoldanylatyn jaqsy tásilge aınaldy. Byltyr qazan aıynda bastaý alǵan vandalızmmen kúres respýblıkalyq aksıasy road-estafetada da kórinis tabýda. Aýa-raıynyń qolaısyzdyǵyna qaramastan belsendilerdiń kóńil-kúıi jaqsy. Keshe Astana-Qaraǵandy tas jolynda 1 kúnniń ózinde 13 tonna qoqys jınadyq. Avtokólikpen jol boıynda ketip bara jatqanda qoqystar kózge kórinbeıdi. Al shyn máninde qorshaǵan ortamyzda qoqys óte kóp. Sondyqtan jastar atynan barlyǵyńyzdy tazalyqqa, sanaly ekologıalyq orta qurýǵa shaqyramyn», - dedi ol óz sózinde.

Jastarǵa Qazaqstan Respýblıkasy Parlamenti Májilisiniń depýtaty Jarqynbek Amantaıuly qosylyp, vandalızmge ushyraǵan eskertkishterdi olarmen birge retke keltirdi.   

«Aksıanyń paıdasy zor. Mysaly kúni keshe 3 qap qoqys jınadym. Búgin jastardyń qataryna qosyldym. Vandaldardan keıingi qalǵan izdi joıyp, tas joly aýmaǵy men oǵan qarasty aımaqtardy qoqystardan tazartýdamyz. Sondaı-aq Aqsý-Aıýly halqymen de kezdesip úlgerdik», - dedi Jarqynbek Amantaıuly. 

Depýtat Aqsý-Aıýlyda azamattardy qabyldap, halyqtyń ózekti máselelerine qulaq asty.

Sondaı-aq belsendiler Qaraǵandy-Balqash tas joly men onyń aýmaǵyn qoqystan tazartyp, suryptaýda. Jınalǵan qoqys qaptarǵa suryptalyp, «QazAvtojol» mashınalaryna tıelip, qoqys polıgondaryna shyǵarylady.  Qatty qaldyqtar «Qazaqstannyń qaıtalama shıkizat óńdeýshiler qaýymdastyǵy» basqarmasynyń qoldaýymen qaıta óńdeýge jiberiletin bolady. 

«Óte jaqsy bastamanyń kýágeri bolyp otyrmyz. Ekologıamyz úshin qoqysty suryptaý óte mańyzdy. Ózderińiz biletindeı, damyǵan elder turmystyq qaldyqtardy qaıtadan óńdep, barynsha kádege jaratýda. Bul úrdis bizge de asa qajet. Suryptaý – qoqys kólemin azaıtýǵa, tabıǵı resýrstardy únemdeýge jáne eldegi ekologıalyq jaǵdaıdy jaqsartýǵa múmkindik beredi. Sondyqtan Jastar qanatynyń bul bastamasyna biz qýana qoldaý bildirýdemiz», - deıdi qaýymdastyq tóraǵasy Batyrbek Áýbákirov.

Eske sala keteıik, byltyr 20 qazanda «Jastar Rýhy» jastar qanaty Qazaqstannyń tarıhı, mádenı jáne tabıǵı murasyn vandalızmnen saqtaýǵa baǵyttalǵan respýblıkalyq aýqymdy aksıany bastady. 2500-den astam «Jastar Rýhy» belsendisi men volonteri 500-den asa tarıhı, mádenı eskertkishterdi tazartty. Aksıa barysynda «Tańbaly tas» petroglıfterin, «Aqbaýyr» shatqalyn, Sh. Qudaıberdiulynyń, S. Seıfýllınniń, Bógenbaı batyr, Kenesary han eskertkishterin, «Tekturmas» kesenesin, «Ybyqty saı» shatqalyn, Qoja Ahmet Iassaýı kesenesi mańyndaǵy  qorǵanyn, «Shaqpaq ata», «Sultan Úpi», «Qaraman ata» jerasty meshitterin qoqystar men jazýlardan tazartty. Aksıa kúni búginge deıin respýblıkanyń barlyq aımaqtarynda jalǵasýda.

 

 

Jambyldyq kelinder «Eń taza aýla» konkýrsyna qatysty
10 maýsym 2024
Jambyldyq kelinder «Eń taza aýla» konkýrsyna qatysty

Jambyl aýdany Ernazar aýylynyń kelinderi arasynda «Eń taza aýla» konkýrsy uıymdastyrylady, dep habarlaıdy  Ulys.

Búginde daryndy mektep oqýshylary da «Taza Qazaqstan» aksıasyna óz úlesterin qosýda. Bul kúni Taraz qalasy bilim bóliminiń tehnıkalyq shyǵarmashylyq ortalyǵynyń 600-den astam tárbıelenýshisi qoqys qaldyqtarynan jasaǵan qolóner buıymdaryn kópshilik nazaryna usynady.

Máselen, ortalyq shákirtteri ustazdarymen birge jınalǵan qoqys qaldyqtarynan 200-den asa túrli kartına, qýyrshaqtar men ydystar ázirlegen. Oqýshylar mundaı jumystardy aldaǵy ýaqytta da jalǵastyrýdy kózdep otyr.

Sonymen qatar bilim berý uıymdarynyń jas ǵalymdary ekologıany jaqsartyp, adamdardyń turmys-tirshiligin arttyrýǵa baǵyttalǵan jobalar ázirlegen. Atap aıtqanda, Taraz qalasy №7 mektep-gımnazıasynyń oqýshysy D.Tarasenkonyń «Jaıaý júrginshiler ótkelderiniń qaýipsizdigin arttyrý», Merki aýdany M.Áýezov atyndaǵy mektep-lıseıiniń oqýshysy J.Jeńisqannyń «Taza qala sizden bastalady», Jýaly aýdany Á.Bókeıhan atyndaǵy №15 mektep-lıseıiniń oqýshysy A.Ońdasynnyń «Aqyldy Eso-jylyjaı», Merki aýdany №44 mektebiniń oqýshylary A.Erkinqyzy men Ó.Eńsebektiń «Ekinshi ómir syıla!» atty qoqys óńdeıtin zaýyt jobalary «Kóne Taraz» etno-mádenı keshenindegi «Kórme» zalynda tanystyrylady.

Jambyl aýdany Ernazar aýylynyń kelinderi arasynda «Eń taza aýla» konkýrsy uıymdastyrylady. Baıqaýǵa 35 jasqa deıingi 9 kelin qatysady. Konkýrstyń maqsaty – tazalyqty saqtaý, turǵyndar arasynda ekologıalyq mádenıetti qalyptastyrý, halyqtyń birligin, tatýlyǵyn arttyryp, urpaqtar sabaqtastyǵyn jarasymdy jalǵastyrý.

Arnaıy qurylǵan komısıa konkýrsqa qatysýshylardyń jumystaryna baǵa berip, jeńimpazdardy syılyqtarmen marapattaıdy.

Sondaı-aq oblystyń barlyq aýdanynda «Eń taza kóshe», «Eń taza aýla», «Eń belsendi volonter» konkýrstary ótkiziledi. Atap aıtqanda, Baızaqta «Eń úzdik volonter», Sarysý, Qordaı aýdanynda «Eń úzdik aýla», T.Rysqulovta «Eń belsendi turǵyn», Talasta «Eń úzdik kóshe», Shýda «Eń úzdik aýla sypyrýshy» konkýrsy uıymdastyrylady.

Sonymen qatar volonterlerdiń, belsendi azamattardyń, turǵyndardyń qatysýymen Taraz qalasy men aýdandarda senbilikter, tazalyq jumystary ótkiziledi. Atap aıtqanda, Taraz qalasyndaǵy «Mamyr» saıabaǵynda 200-den astam qala turǵynynyń qatysýymen sanıtarlyq-tazalyq jumystary, Talas ózeniniń boıynda, Aısha bıbi kóshesinde tazalyq jumystary, B.Momyshuly kóshesindegi aıaldamalardy boıaý, jýý jumystary, «Uly dala» shaǵyn aýdanynda «Bizdiń aýla» atty tazalyq jumysy, «Qarasý» shaǵyn aýdanyndaǵy «Áýlıe bulaq» kanalyn tazalaý jumystary júrgiziledi.

Osyndaı aksıalar barlyq aýdanda uıymdastyrylady. Atap aıtqanda, Baızaq aýdanynyń ortalyq saıabaǵynda, Jambyl aýdany Aısha bıbi kesenesiniń mańynda, Qordaı aýdanynyń ortalyǵynda, Merki aýdanynda «Sypataı batyr», Sarysý aýdanynda «Shoqaı Datqa» keseneleriniń mańynda, Shý qalasy temirjolshylar saıabaǵynda ótedi.

2024 jyly óńirdegi jól jóndeý jumystaryna 23,1 mlrd teńge bólindi. 469,6 shaqyrym jol jóndeý jumystary atqarylady. Onyń ishinde, 155,3 shaqyrym jergilikti mańyzy bar avtojol, 286,2 shaqyrym eldi meken kósheleri men 28,1 shaqyrym jaıaý júrginshiler joly. Taraz qalasynda 140 shaqyrymnan asa jol ortasha jóndeýden ótedi. Onyń ishinde 67,8 shaqyrymdy quraıtyn 117 kóshe, 20,2 shaqyrym jaıaý júrginshiler joly, 73,8 shaqyrym bolatyn shaǵal joldy jóndeý josparlanǵan.

Eske sala keteıik, «Taza Qazaqstan» aksıasy bastalǵannan beri óńirde 1 770 senbilik ótip, oǵan 220 myń adam qatysty.

Nátıjesinde 60 tarıhı-mádenı eskertkish, 143 saıabaq pen skver, 816,6 shaqyrym kanaldar men aryqtar, 3,1 myń shaqyrym kóshe men 109,1 myń aýla tazartyldy. 11,4 myń tonna qoqys shyǵaryldy. 60 myńǵa jýyq kóshet otyrǵyzylyp, 49 sýburqaq iske qosyldy.

2024 jylǵa abattandyrý, kógaldandyrý jáne sanıtarlyq tazalaý jumystaryna jalpy 10,3 mlrd teńge qarastyrylǵan.

Aksıa jyl sońyna deıin jalǵasyp, turǵyn úıler, joldar, demalys saıabaqtary abattandyrylyp, jóndeletin bolady.

Sý tasqynynan zardap shekken kásipodaq músheleri marapattaldy
30 mamyr 2024
Sý tasqynynan zardap shekken kásipodaq músheleri marapattaldy

Kásipodaqtar federasıasynyń tóraǵasy BQO-da sý tasqynynan zardap shekken kásipodaq múshelerine sertıfıkattar tabystady

 

 

 

Qazaqstan Respýblıkasy Kásipodaqtar federasıasynyń tóraǵasy Satybaldy Dáýletalınniń sý basqan aımaqtarǵa jumys sapary Batys Qazaqstan oblysynda jalǵasty.

 

29 mamyrda Oralda QRKF tóraǵasy kásipodaq múshelerimen – sý tasqyny kezeńinde apattyń qaýipti deńgeıge jetken aýdandardyń turǵyndarymen kezdesti.

 

Satybaldy Dáýletalın jıynǵa qatysýshylar aldynda sóz sóılep, tabıǵı apat ákelgen shyǵyn men zalaldyń aýqymy zor ekenin aıtty. Kásipodaqtar federasıasynyń tóraǵasy búkil el úshin kúrdeli kezeńde memleket pen qoǵam kórsetken áleýmettik jaýapkershiliktiń mańyzdylyǵyn atap ótti. Satybaldy Dáýletalın áleýmettik seriktester tarapynan qabyldanyp jatqan sharalarǵa toqtala kele, qazirgi tańda Prezıdenttiń tapsyrmasy boıynsha Úkimet sý tasqynynyń saldaryn joıý jáne zardap shekken qazaqstandyqtarǵa kómek kórsetý boıynsha aýqymdy jumystar atqaryp jatqanyn eske saldy.

 

Búginde Batys Qazaqstan oblysynda sý tasqyny jaǵdaıy turaqtalyp, 8,5 myńnan astam adam úılerine oraldy. Oblysta sý tasqynynyń zardaptaryn joıý jumystary jalǵasýda. 8 882 adam jalpy somasy 3,3 mlrd. teńgege 100 AEK mólsherinde birjolǵy áleýmettik kómek aldy. Qazaqstan boıynsha barlyǵy 100 AEK mólsherinde birjolǵy tólemderdi 11 mlrd teńgeden astam somaǵa 30 770 otbasy aldy. Búgingi tańda 432 otbasyǵa qıraǵan turǵyn úıdiń ornyna jańa úıler men páterler berildi, 1862 jańa úıdiń qurylysy júrgizilýde, onyń 394-i Batys Qazaqstan oblysynda salynýda.

 

Elimizdiń barlyq salalary men óńirlerinen Kásipodaqtar federasıasy men onyń fılıaldary tótenshe jaǵdaı kezinde memleketpen birtutas maıdan bolyp, zardap shekkenderge kómek kórsetýge birden kiristi.

 

"Sý tasqyny zalalyn joıý – barlyq kúshter men resýrstardy biriktirýdi talap etetin ortaq mindet. Elimizde tabıǵı apat bolǵan alǵashqy kúnnen bastap kásipodaqtar memlekettik organdarmen tyǵyz baılanysta jumys istep, apattyń saldarymen kúresý jumystaryn atqardy. Kásipodaqtar qarajat jınaýdy, gýmanıtarlyq kómekti uıymdastyryp, ýaqytsha baspanamen qamtamasyz etýge kómektesti», - dep atap ótti Qazaqstan Respýblıkasy kásipodaqtar federasıasynyń tóraǵasy.

 

Kásipodaqtar zardap shekkenderge kómek retinde 225 mıllıon teńge materıaldyq kómek pen 14 mıllıon teńgege jýyq taýarlyq kómek kórsetti.

 

Sonymen qatar, Qazaqstan Respýblıkasy Kásipodaqtar federasıasy kásipodaq shıpajaılarynan muqtaj jandarǵa 269 oryn bólý týraly sheshim qabyldady. QRKF shıpajaılaryna 179 adam ornalastyryldy, olarǵa em qabyldaýǵa, psıhologıalyq jáne qajetti quqyqtyq kómek alýǵa múmkindik berildi.

 

Óz kezeginde BQO Kásipodaq ortalyǵynyń tóraǵasy Aıgúl Esekenova habarlaǵandaı, TJ kezinde Batys Qazaqstan oblysynyń "Aqjaıyq" shıpajaıynda sý tasqynyna qarsy jumystardy júrgizýge kelgen 100 áskerı qyzmetshi ornalastyryldy.

 

Onyń aıtýynsha, aımaqtyq kásipodaq jetekshileri men kásipodaq belsendileri oblystyq qoǵamdyq shtab pen eriktiler qozǵalysynyń jumysyna belsene atsalysty. Kásipodaq uıymdarynan BQO halqyn qoldaýǵa shamamen 14 mln. teńge gýmanıtarlyq jáne 5 mln. teńgeden astam materıaldyq kómek tústi.

 

Kezdesýde QRFB basshysy kásipodaqtyń 45 múshesine turmystyq tehnıkany satyp alýǵa 100 myń teńge nomınaldy sertıfıkattar tabystady. Olardyń qatarynda bilim berý, densaýlyq saqtaý, mádenıet, TKSH, sondaı-aq energetıka jáne mashına jasaý salalarynyń qyzmetkerleri bar.

 

Sý tasqyny saldaryn joıý barysynda qutqarýshylar men eriktilerdiń janqıarlyq úlesi Kásipodaqtar federasıasynyń «Eńbek ozaty» medalimen erekshe atalyp ótildi. BQO TJD avarıalyq-qutqarý jasaǵynyń basshysy Asqar Qylyshev, oblystyq kópsalaly aýrýhananyń jansaqtaý jáne anestezıologıa bólimshesiniń medbıkesi Rıta Ýalıtdenova, Terekti aýdany Ańqaty orta mektebiniń ekonomıkalyq bóliminiń meńgerýshisi Sabyrjan Aralbaev, Báıterek aýdanynyń jeke kásipkeri Oleg Túrın, Báıterek aýdany Ianvarsevo aýyldyq okrýgi ákimi apparatynyń júrgizýshisi, erikti Samat Jantýlın, Terekti aýdany «Senim» Otbasy ortalyǵynyń»  tóraǵasy Anar Qaırekenova, Oral sport kesheniniń ádiskeri Janboz Baıdáýlet, Oral qalasyndaǵy kitaphana meńgerýshisi Gandı Shamkelova, Terekti aýdandyq balalar men jasóspirimder sport mektebiniń sportshysy Qanat Ermuhanov, sonymen qatar M.Ótemisov atyndaǵy Batys Qazaqstan ýnıversıtetiniń №3 jataqhana komendanty Álfıa Ǵumarova QRKF marapatyna ıe boldy.

 

Jıynǵa qatysýshylar Kásipodaqtar federasıasynyń tóraǵasy Satybaldy Dáýletalınge qıyn kezeńde qoldaý kórsetip, qyzmetterin laıyqty baǵalaǵany úshin alǵystaryn bildirdi.

 

Batys Qazaqstan oblysy qoǵamdyq shtabynyń basshysy Erbol Salyqov QRKF Tóraǵasy men búkil kásipodaq qoǵamdastyǵyna alǵysyn bildirip, jan-jaqty qoldaý kórsete otyryp, kásipodaqtar ózderiniń kúsh-qýaty men birligin kórsetip, qıyn kezeńderde birlese áreket etý mańyzdy ekenin rastady.

 

«Tótenshe jaǵdaı bastalǵaly bizdiń otandastarymyz, kásipodaqtar, kásipkerler jáne basqa da qurylymdar kómek qolyn sozdy. Osy ýaqyt ishinde óńirge 2000 tonnadan astam gýmanıtarlyq kómek jetkizildi», - dedi ol.

Jıyn sońynda Qazaqstan Respýblıkasy Kásipodaqtar federasıasynyń tóraǵasy Satybaldy Dáýletalın sý basqan eldi mekenderdegi ómirdiń tez arada qalpyna keltirilip, adamdardyń burynǵy ómirine oralatynyna senimdi ekenin jetkizdi. Ol óz tarapynan Kásipodaqtar federasıasy aldaǵy ýaqytta da qarapaıym eńbekshilerdiń ómir súrý sapasyn jaqsartýǵa baǵyttalǵan jumystardy jalǵastyra beretinin málimdedi.

«Búgingi maqsatymyz – jumysshylarǵa laıyqty eńbek jaǵdaıyn jasaý. QRKF Bas keńesi 2024 jyldy «Laıyqty eńbek jyly» dep jarıalady. Búgingi tańda laıyqty eńbek jaǵdaılary – bul laıyqty jalaqy, qaýipsiz eńbek jáne turaqty jumyspen qamtý. Kásipodaqtar federasıasy laıyqty jaǵdaılar men eńbekaqyny qamtamasyz etýge baǵyttalǵan birqatar sharalarǵa bastamashy boldy, eń tómengi jalaqyny retteýdiń jáne halyqtyń tabysyn arttyrýdyń jańa tetikterin usyndy. Elimizde Kásipodaqtar federasıasynyń bastamasymen eń tómengi jalaqy deńgeıi kóterilip, eń tómengi jalaqyny esepteý ádistemesi jáne 2030 jylǵa deıingi Qaýipsiz eńbek tujyrymdamasy qabyldandy. Memlekettiń bul qadamdary eńbekshilerdiń ál-aýqatyn arttyrýǵa baǵyttalǵan kásipodaq bastamalaryna qoldaý kórsetýdiń bir kórinisi boldy», - dedi Satybaldy Dáýletalın.

 

 

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.