Qyrǵyzstanmen shekarada qoımalar salynady

Qyrǵyzstan

15 mamyr 2024

Qyrǵyzstanmen shekarada qoımalar salynady

Saýda jáne ıntegrasıa vıse-mınıstri Qaırat Tórebaev Jambyl oblysynyń Qordaı aýdanynda qurylysy josparlanǵan qoıma keshenine qatysty túsinik berdi. Bul týraly Kazinform habarlaıdy.

«Keshen birneshe óndiristik, saýda jáne logıstıkalyq alańdardan turady. Bul nysannyń Jambyl oblysynyń Qordaı aýdanynda ornalasýy shıkizattyń aıtarlyqtaı kólemine jáne damyǵan ınfraqurylymǵa baılanysty naqtylandy. Sút, et, kókónis, toqyma jáne farmasevtıkalyq ónimder óndirisi boıynsha kooperasıa jobalaryn iske asyrý úshin jaǵdaı jasalady. Sondaı-aq qurylatyn keshen Qyrǵyz Respýblıkasymen saýda-logıstıkalyq ınfraqurylymdy damytýǵa baǵyttalǵan», — dedi Q. Tórebaev Parlament Májilisinde ótken baspasóz máslıhatynda.

Onyń aıtýynsha, joba tolyǵymen búdjetten tys qarajat esebinen júzege asyrylady.

«2024 jyldyń 28 naýryzynda Jambyl oblysynyń ákimdigi keshendi basqaratyn ınvestordy tańdaýǵa konkýrs jarıalady. Sáýirdiń 19-y kúni qaıtalama konkýrs jarıalandy, biraq áli kúnge deıin ınvestor anyqtalmady. Sondyqtan taǵy da irikteý ótkiziledi. Investorǵa keshenniń qurylysymen qatar, ınjenerlik ınfraqurylymmen qamtamasyz etý boıynsha sharttar belgilendi», — dedi vıse-mınıstr.

Aıta ketsek, búgin Májilistiń jalpy otyrysynda «Qazaqstan Úkimeti men Qyrǵyzstan Mınıstrler kabıneti arasyndaǵy «Qarasý» men «Aq-tilek» avtojol ótkizý pýnktteri aýdanyndaǵy ındýstrıalyq saýda-logıstıkalyq keshenniń qyzmetin qurý jáne retteý týraly kelisimdi ratıfıkasıalaý týraly» Zańy qabyldandy.

RELATED NEWS

Qyrǵyzstan

13 qarasha 2024

Qyrǵyzstanda bılikti basyp almaq bolǵan adamdar ustaldy

Qyrǵyzstanda bılikti basyp alý maqsatynda jappaı tártipsizdik uıymdastyrmaq bolǵan 7 adam qamaýǵa alyndy. Bul týraly Qyrǵyz İİM habarlady.

Málimetterge qaraǵanda, bul uıymdasqan top jappaı tártipsizdikter uıymdastyryp, bılikti kúshpen basyp alý maqsatynda qurylǵan.

«Ulttyq sport oıyndaryn ótkizemiz degen syltaýmen kúdiktiler 2024 jylǵy 17 qarashada ótetin jergilikti keńes saılaýy kúni kúsh kórsetýge úndep, konstıtýsıaǵa qaıshy shaqyrýlardy nasıhattap, keıinnen bılikti kúshpen basyp alý arqyly jaǵdaıdy turaqsyzdandyrýdy kózdegen, – delingen habarlamada.

Osy is boıynsha jappaı tártipsizdikter uıymdastyrýǵa daıyndalý faktisi boıynsha qylmystyq is qozǵalǵan.

Tergeý barysynda bul toptyń 7 múshesi ustaldy. Olardyń arasynda sheteldik azamattar da bar.

Qyrǵyzstan

06 qarasha 2024

Toqaev Qyrǵyzstan prezıdentimen kezdesti

Memleket basshysy Qasym-Jomart Toqaev Bishkektegi «Yntymaq Ordo» ǵımaratyna bardy. Bul týraly Aqordanyń baspasóz qyzmeti habarlaıdy.

Qasym-Jomart Toqaevty Qyrǵyzstan prezıdenti Sadyr Japarov qarsy aldy.

Sálden keıin Túrki memleketteri uıymynyń samıti bastalady. Shara «Ekonomıkalyq ıntegrasıa, turaqty damý, sıfrlyq bolashaq jáne qaýipsizdik» taqyrybynda ótedi.

Qyrǵyzstan

10 qańtar 2025

Qazaqstanǵa Qyrǵyzstannyń mınıstri keldi

Memleket basshysy Qyrǵyzstannyń Syrtqy ister mınıstri Jeenbek Kýlýbaevty qabyldady, dep habarlaıdy Aqorda.

Prezıdent Qyrǵyzstan Syrtqy ister vedomstvosynyń basshysyna iltıpat bildire otyryp, berik dostyq pen tatý kórshilik baılanystarǵa arqa súıegen qazaq-qyrǵyz qarym-qatynasy strategıalyq seriktestik jáne odaqtastyq sıpatynda qarqyndy ári dáıekti damyp kele jatqanyn atap ótti.

Qasym-Jomart Toqaev buǵan deıin joǵary deńgeıde qol jetkizilgen ýaǵdalastyqtardy tolyqqandy iske asyrýdyń mańyzdylyǵyna nazar aýdardy. Onyń pikirinshe, bul kelisimder strategıalyq sıpatqa ıe ári memleketaralyq yqpaldastyqty aıtarlyqtaı nyǵaıtady.

Jeenbek Kýlýbaev Memleket basshysyna eki eldiń syrtqy ister vedomstvosy basshylarynyń arasynda ótken kelissózderdiń nátıjesi men ekijaqty yntymaqtastyqty tereńdetý boıynsha birlese atqaratyn jumystyń negizgi baǵyttary jóninde málimet berdi.

Kezdesý barysynda saýda-ekonomıkalyq yqpaldastyqty arttyrýǵa, kólik-logıstıka ınfraqurylymyn damytýǵa, ózara ınvestısıalar jáne mádenı-gýmanıtarlyq baılanystardy odan ári jandandyrýǵa aıryqsha mán berildi.

Sondaı-aq halyqaralyq jáne óńirlik kún tártibindegi ózekti máseleler talqylandy.

Jańalyqtar

20 tamyz 2025