Qyrǵyzstan prezıdenti Sadyr Japarovtyń jıeni Ulan Japarov ustaldy. Endi ol iri alaıaqtyq jasady degen kúdikke ilindi, dep habarlaıdy Ulys.
Kaktus saıtynyń habarlaýynsha, Prezıdenttiń jıeni Qyrǵyzstan prezıdentiniń oblystaǵy ókiletti ókili bolýǵa ýáde berip, 100 myń dollardan astam syıaqy alǵan, biraq ol eshqashan ýádesin oryndamaǵan, dep jazdy agenttik.
Eldiń Ulttyq qaýipsizdik memlekettik komıtetiniń (UQK) qyzmetkerleri ony ustady. Ulan Japarovqa qatysty 2024 jyldyń 19 tamyzyna deıin qamaýǵa alý túrindegi bultartpaý sharasy qoldanyldy. Oǵan "Asa iri kólemdegi alaıaqtyq" baby boıynsha aıyp taǵylyp otyr.