Atyraý oblysynyń ákimi Serik Shápkenov Qulsary turǵyndarymen kezdesti. Bul týraly Ulys oblystyń TJ jónindegi jedel shtabyna silteme jasap habarlaıdy.
Óńir basshysy Qulsary turǵyndarymen kezdesip, olardyń usynys-talaptaryn tyńdap, sý tasqynynan zardap shekkenderge keltirilgen zalaldy óteý tártibin túsindirdi, dep habarlaıdy Tótenshe jaǵdaılar jónindegi jedel shtab.
Oblys ákimi Serik Shápkenov apatty turǵyn úıdi óteý týraly usynystardy tyńdap, múlki apatty dep tanylǵan zardap shekkenderge ótemaqy naryq quny boıynsha tólenetinin, Qulsary qalasy boıynsha zardap shekkenderdiń arnaıy nysanaly shottaryna shamamen 200-240 myń teńge tólenetinin habarlady.
Atyraý oblysy ákiminiń aıtýynsha, sý tasqyny kezinde zardap shekken Qulsary qalasynyń turǵyndary aqshalaı ótemaqylardy nysanaly maqsaty boıynsha - jańa turǵyn úı satyp alýǵa, turǵyn úı salýǵa nemese jóndeý-qalpyna keltirý jumystaryna jumsaýǵa tıis.
«Qazir birinshi kezekte sý tasqynynan zardap shekkender baǵalaý qorytyndysymen jáne múlikti tehnıkalyq saraptaý qorytyndylarymen tanysyp, aqshalaı qarajatty tóleýge óz kelisimin berýi tıis. Tólem eki apta ishinde júrgiziledi», - dedi Serik Shápkenov jınalǵandarǵa.
16 mamyr kúni Jylyoı aýdanynda 3613 otbasy 100 AEK mólsherinde birjolǵy tólem aldy. Tólengen qarajattyń jalpy somasy – 1 mlrd 387 mln teńge.
Sonymen qatar, keltirilgen materıaldyq zalal úshin ótemaqy tóleý úshin qujattar daıyndalady. Jyljymaıtyn múlikke tehnıkalyq tekserý jáne baǵalaý júrgizilýde. Qazir barlyǵy 2950 ótinish qabyldanyp, 2697 ótinish qaraýǵa jiberildi, 2624 úıge baǵalaý jáne 2671 úıge tehnıkalyq tekserý júrgizildi. 756 apatty úı anyqtaldy. 15 mamyrdan bastap alty mobıldi top Qulsarynyń 100-den astam turǵynynyń úılerine baryp, sý tasqynynan zardap shekken turǵyndardyń múlkine keltirilgen zalaldy baǵalaý jáne tehnıkalyq saraptama qorytyndylary boıynsha túsindirý jumystaryn júrgizdi.
15 mamyrda Qulsarynda jyljymaıtyn múlikti baǵalaý jáne tehnıkalyq saraptaý qorytyndylaryn jarıalaý boıynsha mobıldi toptardyń jumysy bastaldy. Jylyoı aýdanynyń 100-den astam turǵyny baǵalaý paraqtaryn aldy. Eki kún ishinde olar aqshalaı ótemaqy alýǵa ótinish jaza alady. Barlyq úıler boıynsha baǵalaý jumystaryn 10 kún ishinde aıaqtaý josparlandy.
Májilistiń jalpy otyrysynyń kýlýaryndaTótenshe jaǵdaılar mınıstri Shyńǵys Árinov sý tasqyny qaýpi bar aımaqta 23 eldi meken bar ekenin aıtty, dep habarlaıdy Ulys.
«Bul statısıkany mamandar beredi. Keıbir depýtattar osy óńirdiń barlyǵyn sý basady dep shoshyp jatyr eken. Olaı bolmaıdy. Belgili bir jumys júrgizemiz. Keıbir óńirden ol qaýipter joıyldy. Al óńirler boıynsha sý tasqyny qaýpi tónip turǵan TOP-5 aımaqty aıtatyn bolsaq, BQO, Qaraǵandy, Aqmola, Shyǵys Qazaqstan jáne Soltústik Qazaqstan oblystary bolyp otyr», - dedi Shyńǵys Árinov
Úkimet otyrysynda ekologıa jáne tabıǵı resýrstar mınıstri Erlan Nysanbaev el aýmaǵynyń 71%-ynda qar jatqanyn habarlady.
Ol 11 naýryzdaǵy jaǵdaı boıynsha qar astynda jatqan aýmaq 71%-dy quraıtynyn, degenmen bul ótken aptaǵa qaraǵanda 15%-ǵa az ekenin atap ótti. Elimizdiń ońtústiginde: Qyzylorda, Túrkistan jáne Jambyl oblystarynda, batysynda: Batys Qazaqstan, Atyraý jáne Mańǵystaý oblystarynda qar erip jatyr.
«Naýryz aıynda temperatýra kóterilip, jaýyn-shashyn kóp bolsa erigen qar sýynan taý ózenderinde tasqyn júrýi múmkin. Ortalyq, soltústik jáne shyǵys aımaqtarda qar qalyń, naýryz aıynda jaýyn-shashyn mólsheri aılyq normadan eki jáne odan da kóp túsedi dep kútilip otyr. Mysaly, Astanada birinshi onkúndiktiń ózinde aılyq jaýyn-shashyn mólsheri tústi»,
— dep atap ótti Erlan Nysanbaev.
Sý tasqynynan zardap shekken 5 239 otbasyǵa arnaıy salynǵan jáne satyp alynǵan úıler men páterler berildi, dep habarlady Úkimettiń baspasóz qyzmeti.
Úkimet sý tasqynynan zardap shekken otbasylarǵa turǵyn úı salý jáne satyp alý, sondaı-aq olarǵa jan-jaqty kómek kórsetý boıynsha óńirlerde júrgizilip jatqan jumystardy turaqty baqylaýda ustap otyr.
Qıraǵan baspanasynyń ornyna 4769 otbasy jańa úıler men páterlerge ıe boldy. Sonymen qatar zardap shekken óńirlerde 2568 jańa úıdiń qurylysy qarqyndy túrde júrgizilip jatyr, onyń ishinde 470 nysan boıynsha jumystar tolyǵymen aıaqtalyp, turǵyndarǵa kiltter tabystaldy.
Soltústik Qazaqstan oblysynda qurylysy aıaqtalǵan 285 úı, Qostanaı oblysynda 57, Batys Qazaqstan oblysynda 80, Aqtóbe oblysynda 43 jáne Pavlodar oblysynda 5 úı paıdalanýǵa berildi.
Barlyq oblysta sý basqan turǵyn úılerdi tekserý jáne baǵalaý jumystary 100% aıaqtaldy. Jalpy somasy 49,3 mlrd teńgege 8 853 otbasy turǵyn úıdi jóndeýge jáne qalpyna keltirýge tıisti tólem aldy.
34 216 otbasyǵa 12,6 mlrd teńgege 100 AEK mólsherinde birjolǵy ótemaqy tólendi. Sondaı-aq joǵalǵan birinshi qajettiliktegi zattaryn satyp alý úshin 150 AEK-ke deıin qosymsha tólemder berilýde. Búgingi tańda 9,9 mlrd teńgege 21 869 otbasy osyndaı kómek aldy.
Zardap shekken bızneske keltirilgen zalaldy óteý jumystary jalǵasýda. Óńirlik komısıalar jalpy somasy 7,9 mlrd teńgege SHOB sýbektileriniń 455 ótinimin qarap, maquldady.
Sýǵa ketken mal úshin berilgen memlekettik kómek kólemi 2,8 mlrd teńgeden asty.
