Qostanaı oblysynyń túkpir-túkpirindegi turǵyndar senbilikke shyqty, dep habarlaıdy Ulys.
Ekologıalyq is-sharalarǵa júzdegen qatysýshylar jınaldy, olardyń arasynda jergilikti bılik, qoǵamdyq uıymdar, stýdentter, belsendiler jáne qarapaıym turǵyndar bar.
Adamdardy ortaq úıimizdi taza jáne ádemi etý, ekologıa máselelerine nazar aýdaryp, qorshaǵan ortaǵa uqypty qaraý sıaqty ortaq maqsat biriktirdi. Barlyǵy 20-dan astam túrli aksıa, fleshmob pen chellendj ótti.
Máselen, Qostanaı qalasynda «Taza Qazaqstan» respýblıkalyq aksıasy aıasynda «Taza oıyndar» jastar ekologıalyq aksıasy ótti. Uıymdastyrýshylar – «Neco» kologıalyq qory» qoǵamdyq qorymen birge «Qostanaı oblysynyń jastar resýrstyq ortalyǵy» ( JRO).
«Búgingi basty mindetimiz – jastardy ekologıalyq bastamalarǵa tartý jáne aýqymdy aksıany belsendi qoldaý», - deıdi oblystyq MRK basshysy Abaı Dúısekov. - Aksıa balalarǵa óte unady. «Taza oıyndardyń» logıkalyq jalǵasy bolady dep oılaımyn. Mundaı is-sharalar týǵan qalanyń nemese aýyldyń ekologıalyq jaǵdaıyn jaqsartýǵa septigin tıgizip qana qoımaı, sonymen qatar turǵyndardyń qorshaǵan ortaǵa degen jaýapkershilikpen qaraýyn oıata alatynyna senimdimin».
«Taza oıyndar» aksıasyna «Jasyl el» jastar eńbek jasaqtarynyń jaýyngerleri, JRO qyzmetkerleri men eriktileri, «Jastar Assambleıasy» RQB Qostanaı oblysy boıynsha ókildiginiń volonterleri jáne t.b. qatysty.
Halyq arasynda ortaq ekologıalyq mádenıetti qalyptastyrý estafetasyn Arqalyq qalasy men Sarykól óńiriniń turǵyndary da qoldady. «Demalys» ortalyq saıabaǵynda Arqalyq JRO qyzmetkerleri men eriktileri «Taza Arqalyq» fleshmobyn uıymdastyrdy.
Sarykóldikter de «Menshe mýsora - menshe problem» degen taqyryppen uıymdastyrylǵan aksıaǵa belsene qatysty. Qatysýshylar otbasymen jáne dostarymen ýaqyt ótkizgendi unatatyn jerleri – saıabaqtardan, alańdardan jáne jaǵalaýdaǵy aýmaqtardaǵy qoqystardy tazartty. Sharaǵa 50-den astam adam qatysty, onyń ishinde jergilikti turǵyndar, qoǵamdyq uıymdardyń ókilderi jáne eriktiler bar.
Denısov aýdanyn dene shynyqtyrý jáne sport mekemeleriniń sportshylary men qyzmetkerleri sport nysandaryn abattandyrý aksıasyna qatysyp, sol arqyly chellendj bastady.
«Sharanyń maqsaty – oblysymyzdaǵy jáne jalpy elimizde tazalyq ornatýǵa azamattardyń nazaryn aýdarý», - deıdi sport bóliminiń basshysy Natalá Fılatova qulshynyspen. – Biz bárimiz Qazaqstannyń azamatymyz, al Denısov aýdanynyń sportshylary «Taza Qazaqstan» respýblıkalyq aksıasynan qalys qala almady. Seksıalarda jastaıynan balalardyń ekologıalyq tárbıesine kóp kóńil bólinedi, tárbıeshiler olardyń boıynda Otanǵa degen qurmet sezimin oıatady».
Óz kezeginde Fedorov aýdanynda «Taza Qazaqstan» aıasynda «Eń taza balalar alańy» aksıasy ótkizilip, nátıjesinde jastar uıymdary men eriktiler aýyldardaǵy balalar men sport alańdaryn abattandyrdy.
«Birge bir kún jumys istep, trenajerlardy jóndedik, jańa oryndyqtar ornatyp, qoqys jáshikterin ornattyq», - dep atap ótti «Fedorov aýdanynyń jastar resýrstyq ortalyǵy» KMM dırektory Ahmechın Musatafa. Balalar arasynda ekologıalyq taqyryptarda saıystar men vıktorınalar uıymdastyrylyp, oıyn alańdarynda tazalyq pen tártipti saqtaýdyń mańyzdylyǵy týraly áńgimeler ótkizildi».
Qarabalyq aýdanynda ekologıa jáne qorshaǵan ortany qorǵaý máselelerine arnalǵan «Jastar Taza Qazaqstan úshin» fleshmoby ótti. Ekologıalyq kvestter men baıqaýlar uıymdastyrylyp, qatysýshylar ekologıa jáne qorshaǵan ortany qorǵaý boıynsha bilimderi men daǵdylaryn kórsete aldy. Jastarǵa tazalyqty saqtaý jáne qaldyqtardy durys basqarý mańyzdylyǵy týraly aıtyldy. Dárister qaldyqtardy suryptaý jáne bir rettik plasmassalardy paıdalanýdy azaıtý boıynsha praktıkalyq keńesterdi qamtydy.
Al Uzynkól aýdanynda «Jasyl aımaq» kúni ortalyq saıabaqta baǵaly aǵash túrleriniń 250 kósheti otyrǵyzyldy. Bul ekologıalyq aksıaǵa «Ershovskoe-2» JSHS dırektory Sábıt Aǵaıdarov qarjylaı qoldaý kórsetti.
«Qamqorlyq, jerlesterdiń ómirin jaqsartý, eńbek pen turmysqa qolaıly jaǵdaı jasaýǵa umtylý – jergilikti aýylsharýashylyq taýar óndirýshileri men kásipkerlerine tán qasıet», - deıdi Ershov aýyldyq okrýginiń ákimi Marıa Goıan. – Jumystar men is-sharalardyń negizgi kólemin «Ershovskoe-2» JSHS atqardy. Sonyń nátıjesinde saıabaqta brýschatka, túrli demalys oryndary, júgirý joldary, ádemi óńdelgen kógaldar paıda boldy. Sondaı-aq, búdjet qarajatyna jaryqtandyrý jáne beınebaqylaý kameralary, basketbol alańy ornatyldy, balalar oıyn alańy jabdyqtaldy».
Aýyldyq okrýg basshysynyń aıtýynsha, bıyl Ershovkaǵa taǵy da balalar oıyn alańy men syrǵanaq ornatýdy josparlap otyr.
Aýyldyq okrýg basshysynyń aıtýynsha, bıyl Ershovkaǵa taǵy da balalar oıyn alańy men syrǵanaq ornatýdy josparlap otyr.
Rýdnyı qalasynda «sporttyq ekosaıahat» uıymdastyryldy. Jastar eńbek jasaqtarynyń qatysýymen osyndaı ataýmen komanda quryldy. Jastar eńbek jasaqtary Rýdnyı qalasynyń kórikti jerlerin aralap, tabıǵatty tamashalap qana qoımaı, ormandy jáne jaǵalaýdaǵy qoqystardy tazartty. Shara aıasynda estafetalyq jarystar, fýtbol jáne voleıbol jarystary, sporttyq baǵdarlaý sharalary uıymdastyryldy, sonymen qatar qatysýshylar ekologıalyq minez-qulyq negizderi boıynsha sheberlik sabaqtaryn ótkizdi, qaldyqtardy durys suryptaýdy úırendi jáne olardyń tabıǵatqa tıgizetin áserin barynsha azaıtý joldaryn bildi.
«Bul is-shara bárimizdi biriktirdi, biz komandalyq rýhty sezindik», - dep óz áserimen bólisti tımbıldıngtiń qatysýshysy jáne uıymdastyrýshysynyń biri Rýdnyı JRO dırektory Shohova Aqbilek.
Aıta ketsek, bıyl eldi mekenderdi abattandyrýǵa 11 mıllıard teńgeden astam qarjy bólingen.
Josparlanǵan 130 myńnan astam kóshettiń 51,4 myńnan astamy otyrǵyzyldy. Kósheler 90%, jaryqtandyrylyp, 108 aýylǵa 129 shaqyrym qorshaý ornatylady.
Aǵymdaǵy kezeńde (a.j. 10 sáýirinen 13 maýsymǵa deıin) tazartý jumystaryna memlekettik organdar men jeke uıymdar, sharýa qojalyqtary, jastar, volonterlik jáne úkimettik emes uıymdar, máslıhat depýtattary, PIK, MIB ókilderi tartyldy. Barlyǵy 249,6 myń adam qatysyp, 106 ruqsat etilmegen qoqys alańdary joıyldy, skver abattandyrylyp, 127,0 myń tonna qoqys shyǵaryldy, 51,4 myńnan astam aǵash otyrǵyzyldy.
