Valúta baǵamy
  • USD -

    452.9
  • EUR -

    490.5
  • RUB -

    5.09
Qostanaı oblysynda ekologıalyq aksıa jalǵasýda
28 mamyr 2024
Qostanaı oblysynda ekologıalyq aksıa jalǵasýda

Qostanaı oblysynyń árbir aýdany el prezıdenti Qasym-Jomart Toqaevtyń bastamasymen «Taza Qazaqstan» aksıasyna belsendi qatysady. Búginde Áýlıekól aýdanynda qorshaǵan ortaǵa qamqorlyq jasaýǵa baǵyttalǵan is-sharalar jalǵasýda.
Áýlıekól aýylynda «Taza Qazaqstan» aksıasy aıasynda aýyldy sanıtarlyq tazartý júrgizildi, aksıa aıasynda 180-den astam adam qatysty, onyń ishinde memlekettik jáne búdjettik uıymdardyń qyzmetkerleri, sondaı-aq eriktiler, aýyl turǵyndary, kásipkerler týǵan ólkeni abattandyrýǵa umtylystaryn qajyrly eńbekpen kórsetti, sondaı-aq 2 birlik tehnıka tartyldy.
Olar búgingi senbilikti Áýlıekól aýylynyń soltústik bóligindegi orman-saıabaq aımaǵyn jınaýǵa arnady, aýyl turǵyndarynyń demalys aımaǵyn tazalaýmen qamtyldy.  
Memleket basshysy «Taza Qazaqstan» jalpyulttyq naýqanyn ótkizýdiń mańyzdylyǵyn Qazaqstan halqy Assambleıasynyń jyl saıynǵy «Birlik. Jasampazdyq. Órleý».    El Prezıdenti qorshaǵan ortanyń jaı-kúıi ortaq jaýapkershilik ekenine erekshe nazar aýdardy.


 «Birgemiz Taza Qazaqstan» jalpy respýblıkalyq aksıasy aıasynda Áýlıekól aýdanynyń turǵyndary memlekettik qyzmetshiler, qoǵam qaıratkerleri, jastar, bıznes qurylymdar orman alqabyn tazartý boıynsha senbilikke belsendi qatysty. Biz Qazaqstan Respýblıkasyndaǵy ortaq úıimizge qamqorlyq jasaýymyz kerek. Bul ómir saltyna aınalýy kerek. Bul bizdiń astanamyzdyń nemese iri qalalarymyzdyń máselesi ǵana emes, ol shaǵyn qalalarǵa, aýdandarǵa, aýyldarǵa da qatysty», - deıdi Áýlıekól aýdanynyń Qoǵamdyq keńesiniń tóraǵasy Almıra Jansúgirova. 

RELATED NEWS
Sý tasqynynan zardap shekken kásipodaq músheleri marapattaldy
30 mamyr 2024
Sý tasqynynan zardap shekken kásipodaq músheleri marapattaldy

Kásipodaqtar federasıasynyń tóraǵasy BQO-da sý tasqynynan zardap shekken kásipodaq múshelerine sertıfıkattar tabystady

 

 

 

Qazaqstan Respýblıkasy Kásipodaqtar federasıasynyń tóraǵasy Satybaldy Dáýletalınniń sý basqan aımaqtarǵa jumys sapary Batys Qazaqstan oblysynda jalǵasty.

 

29 mamyrda Oralda QRKF tóraǵasy kásipodaq múshelerimen – sý tasqyny kezeńinde apattyń qaýipti deńgeıge jetken aýdandardyń turǵyndarymen kezdesti.

 

Satybaldy Dáýletalın jıynǵa qatysýshylar aldynda sóz sóılep, tabıǵı apat ákelgen shyǵyn men zalaldyń aýqymy zor ekenin aıtty. Kásipodaqtar federasıasynyń tóraǵasy búkil el úshin kúrdeli kezeńde memleket pen qoǵam kórsetken áleýmettik jaýapkershiliktiń mańyzdylyǵyn atap ótti. Satybaldy Dáýletalın áleýmettik seriktester tarapynan qabyldanyp jatqan sharalarǵa toqtala kele, qazirgi tańda Prezıdenttiń tapsyrmasy boıynsha Úkimet sý tasqynynyń saldaryn joıý jáne zardap shekken qazaqstandyqtarǵa kómek kórsetý boıynsha aýqymdy jumystar atqaryp jatqanyn eske saldy.

 

Búginde Batys Qazaqstan oblysynda sý tasqyny jaǵdaıy turaqtalyp, 8,5 myńnan astam adam úılerine oraldy. Oblysta sý tasqynynyń zardaptaryn joıý jumystary jalǵasýda. 8 882 adam jalpy somasy 3,3 mlrd. teńgege 100 AEK mólsherinde birjolǵy áleýmettik kómek aldy. Qazaqstan boıynsha barlyǵy 100 AEK mólsherinde birjolǵy tólemderdi 11 mlrd teńgeden astam somaǵa 30 770 otbasy aldy. Búgingi tańda 432 otbasyǵa qıraǵan turǵyn úıdiń ornyna jańa úıler men páterler berildi, 1862 jańa úıdiń qurylysy júrgizilýde, onyń 394-i Batys Qazaqstan oblysynda salynýda.

 

Elimizdiń barlyq salalary men óńirlerinen Kásipodaqtar federasıasy men onyń fılıaldary tótenshe jaǵdaı kezinde memleketpen birtutas maıdan bolyp, zardap shekkenderge kómek kórsetýge birden kiristi.

 

"Sý tasqyny zalalyn joıý – barlyq kúshter men resýrstardy biriktirýdi talap etetin ortaq mindet. Elimizde tabıǵı apat bolǵan alǵashqy kúnnen bastap kásipodaqtar memlekettik organdarmen tyǵyz baılanysta jumys istep, apattyń saldarymen kúresý jumystaryn atqardy. Kásipodaqtar qarajat jınaýdy, gýmanıtarlyq kómekti uıymdastyryp, ýaqytsha baspanamen qamtamasyz etýge kómektesti», - dep atap ótti Qazaqstan Respýblıkasy kásipodaqtar federasıasynyń tóraǵasy.

 

Kásipodaqtar zardap shekkenderge kómek retinde 225 mıllıon teńge materıaldyq kómek pen 14 mıllıon teńgege jýyq taýarlyq kómek kórsetti.

 

Sonymen qatar, Qazaqstan Respýblıkasy Kásipodaqtar federasıasy kásipodaq shıpajaılarynan muqtaj jandarǵa 269 oryn bólý týraly sheshim qabyldady. QRKF shıpajaılaryna 179 adam ornalastyryldy, olarǵa em qabyldaýǵa, psıhologıalyq jáne qajetti quqyqtyq kómek alýǵa múmkindik berildi.

 

Óz kezeginde BQO Kásipodaq ortalyǵynyń tóraǵasy Aıgúl Esekenova habarlaǵandaı, TJ kezinde Batys Qazaqstan oblysynyń "Aqjaıyq" shıpajaıynda sý tasqynyna qarsy jumystardy júrgizýge kelgen 100 áskerı qyzmetshi ornalastyryldy.

 

Onyń aıtýynsha, aımaqtyq kásipodaq jetekshileri men kásipodaq belsendileri oblystyq qoǵamdyq shtab pen eriktiler qozǵalysynyń jumysyna belsene atsalysty. Kásipodaq uıymdarynan BQO halqyn qoldaýǵa shamamen 14 mln. teńge gýmanıtarlyq jáne 5 mln. teńgeden astam materıaldyq kómek tústi.

 

Kezdesýde QRFB basshysy kásipodaqtyń 45 múshesine turmystyq tehnıkany satyp alýǵa 100 myń teńge nomınaldy sertıfıkattar tabystady. Olardyń qatarynda bilim berý, densaýlyq saqtaý, mádenıet, TKSH, sondaı-aq energetıka jáne mashına jasaý salalarynyń qyzmetkerleri bar.

 

Sý tasqyny saldaryn joıý barysynda qutqarýshylar men eriktilerdiń janqıarlyq úlesi Kásipodaqtar federasıasynyń «Eńbek ozaty» medalimen erekshe atalyp ótildi. BQO TJD avarıalyq-qutqarý jasaǵynyń basshysy Asqar Qylyshev, oblystyq kópsalaly aýrýhananyń jansaqtaý jáne anestezıologıa bólimshesiniń medbıkesi Rıta Ýalıtdenova, Terekti aýdany Ańqaty orta mektebiniń ekonomıkalyq bóliminiń meńgerýshisi Sabyrjan Aralbaev, Báıterek aýdanynyń jeke kásipkeri Oleg Túrın, Báıterek aýdany Ianvarsevo aýyldyq okrýgi ákimi apparatynyń júrgizýshisi, erikti Samat Jantýlın, Terekti aýdany «Senim» Otbasy ortalyǵynyń»  tóraǵasy Anar Qaırekenova, Oral sport kesheniniń ádiskeri Janboz Baıdáýlet, Oral qalasyndaǵy kitaphana meńgerýshisi Gandı Shamkelova, Terekti aýdandyq balalar men jasóspirimder sport mektebiniń sportshysy Qanat Ermuhanov, sonymen qatar M.Ótemisov atyndaǵy Batys Qazaqstan ýnıversıtetiniń №3 jataqhana komendanty Álfıa Ǵumarova QRKF marapatyna ıe boldy.

 

Jıynǵa qatysýshylar Kásipodaqtar federasıasynyń tóraǵasy Satybaldy Dáýletalınge qıyn kezeńde qoldaý kórsetip, qyzmetterin laıyqty baǵalaǵany úshin alǵystaryn bildirdi.

 

Batys Qazaqstan oblysy qoǵamdyq shtabynyń basshysy Erbol Salyqov QRKF Tóraǵasy men búkil kásipodaq qoǵamdastyǵyna alǵysyn bildirip, jan-jaqty qoldaý kórsete otyryp, kásipodaqtar ózderiniń kúsh-qýaty men birligin kórsetip, qıyn kezeńderde birlese áreket etý mańyzdy ekenin rastady.

 

«Tótenshe jaǵdaı bastalǵaly bizdiń otandastarymyz, kásipodaqtar, kásipkerler jáne basqa da qurylymdar kómek qolyn sozdy. Osy ýaqyt ishinde óńirge 2000 tonnadan astam gýmanıtarlyq kómek jetkizildi», - dedi ol.

Jıyn sońynda Qazaqstan Respýblıkasy Kásipodaqtar federasıasynyń tóraǵasy Satybaldy Dáýletalın sý basqan eldi mekenderdegi ómirdiń tez arada qalpyna keltirilip, adamdardyń burynǵy ómirine oralatynyna senimdi ekenin jetkizdi. Ol óz tarapynan Kásipodaqtar federasıasy aldaǵy ýaqytta da qarapaıym eńbekshilerdiń ómir súrý sapasyn jaqsartýǵa baǵyttalǵan jumystardy jalǵastyra beretinin málimdedi.

«Búgingi maqsatymyz – jumysshylarǵa laıyqty eńbek jaǵdaıyn jasaý. QRKF Bas keńesi 2024 jyldy «Laıyqty eńbek jyly» dep jarıalady. Búgingi tańda laıyqty eńbek jaǵdaılary – bul laıyqty jalaqy, qaýipsiz eńbek jáne turaqty jumyspen qamtý. Kásipodaqtar federasıasy laıyqty jaǵdaılar men eńbekaqyny qamtamasyz etýge baǵyttalǵan birqatar sharalarǵa bastamashy boldy, eń tómengi jalaqyny retteýdiń jáne halyqtyń tabysyn arttyrýdyń jańa tetikterin usyndy. Elimizde Kásipodaqtar federasıasynyń bastamasymen eń tómengi jalaqy deńgeıi kóterilip, eń tómengi jalaqyny esepteý ádistemesi jáne 2030 jylǵa deıingi Qaýipsiz eńbek tujyrymdamasy qabyldandy. Memlekettiń bul qadamdary eńbekshilerdiń ál-aýqatyn arttyrýǵa baǵyttalǵan kásipodaq bastamalaryna qoldaý kórsetýdiń bir kórinisi boldy», - dedi Satybaldy Dáýletalın.

 

 

Almaty oblysynda «Taza Qazaqstan» aksıasy jalǵasýda
24 mamyr 2024
Almaty oblysynda «Taza Qazaqstan» aksıasy jalǵasýda

Búgin Almaty oblysynyń 9 aýdanynda, 2 qalasynda abattandyrý, kógaldandyrý, qorshaǵan ortany qorǵaý, turǵyndar arasynda ekologıalyq mádenıetti qalyptastyrý boıynsha senbilikter uıymdastyryldy. 

Oblys kólemindegi aýqymdy senbilikterdiń biri Talǵar aýdanynyń «Qotyrbulaq» kóliniń jáne «Oı-Qaraǵaı» taýly kýrortynda 200-ge jýyq adamnyń qatysýymen ótti.

Jalpy qazirgi tańda Almaty oblysynyń ákimdigi jyl sońyna deıin «Taza Qazaqstan» aksıasynyń keshendi jospary jasaqtalyp, bekitiletin bolady.

Bul bir aılyq naýqan emes, júıeli jumysqa, oblys turǵyndarynyń ekogologıalyq mádenıetin artyratyn negizgi bastama aınalatyn bolady.

Jalpy, búgingi aksıaǵa oblys boıynsha 2 myńnan astam adam óz úlesin qosty.

Qostanaı oblysynda ekologıalyq aksıa jalǵasýda
28 mamyr 2024
Qostanaı oblysynda ekologıalyq aksıa jalǵasýda

Qostanaı oblysynyń árbir aýdany el prezıdenti Qasym-Jomart Toqaevtyń bastamasymen «Taza Qazaqstan» aksıasyna belsendi qatysady. Búginde Áýlıekól aýdanynda qorshaǵan ortaǵa qamqorlyq jasaýǵa baǵyttalǵan is-sharalar jalǵasýda.
Áýlıekól aýylynda «Taza Qazaqstan» aksıasy aıasynda aýyldy sanıtarlyq tazartý júrgizildi, aksıa aıasynda 180-den astam adam qatysty, onyń ishinde memlekettik jáne búdjettik uıymdardyń qyzmetkerleri, sondaı-aq eriktiler, aýyl turǵyndary, kásipkerler týǵan ólkeni abattandyrýǵa umtylystaryn qajyrly eńbekpen kórsetti, sondaı-aq 2 birlik tehnıka tartyldy.
Olar búgingi senbilikti Áýlıekól aýylynyń soltústik bóligindegi orman-saıabaq aımaǵyn jınaýǵa arnady, aýyl turǵyndarynyń demalys aımaǵyn tazalaýmen qamtyldy.  
Memleket basshysy «Taza Qazaqstan» jalpyulttyq naýqanyn ótkizýdiń mańyzdylyǵyn Qazaqstan halqy Assambleıasynyń jyl saıynǵy «Birlik. Jasampazdyq. Órleý».    El Prezıdenti qorshaǵan ortanyń jaı-kúıi ortaq jaýapkershilik ekenine erekshe nazar aýdardy.


 «Birgemiz Taza Qazaqstan» jalpy respýblıkalyq aksıasy aıasynda Áýlıekól aýdanynyń turǵyndary memlekettik qyzmetshiler, qoǵam qaıratkerleri, jastar, bıznes qurylymdar orman alqabyn tazartý boıynsha senbilikke belsendi qatysty. Biz Qazaqstan Respýblıkasyndaǵy ortaq úıimizge qamqorlyq jasaýymyz kerek. Bul ómir saltyna aınalýy kerek. Bul bizdiń astanamyzdyń nemese iri qalalarymyzdyń máselesi ǵana emes, ol shaǵyn qalalarǵa, aýdandarǵa, aýyldarǵa da qatysty», - deıdi Áýlıekól aýdanynyń Qoǵamdyq keńesiniń tóraǵasy Almıra Jansúgirova. 

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.