Dáýren Qosanov Qorǵanys mınıstriniń orynbasary qyzmetine taǵaıyndaldy, dep habarlaıdy Aqora.
«Memleket basshysynyń ókimimen Dáýren Jumataıuly Qosanov Qazaqstan Respýblıkasy Qorǵanys mınıstriniń orynbasary — Qarýly Kúshteri Áýe qorǵanysy kúshteriniń bas qolbasshysy bolyp taǵaıyndaldy, ol burynǵy atqarǵan laýazymynan bosatyldy», — dep jazylǵan qujatta.
Dáýren Qosanov buǵan deıin Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy boldy.
1990 jyly Armavır joǵary áskerı avıasıalyq ushqyshtar ýchılıshesin, Áskerı-áýe akademıasyn bitirgen.
1969 jyly 14 qazanda Pavlodar oblysy, QazKSR, Krasnokýt aýdany, Novotroıskoe aýylynda dúnıege kelgen.
Úsharal jaýyngerlik polkinde qyzmet etti.
Taldyqorǵandaǵy «Sý-27» eskadrılıasynyń komandıri boldy.
Qaraǵandy avıabazasy shtabynyń bastyǵy;
Shymkent avıabazasynyń komandıri;
Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy;
Aqtóbe qalasyndaǵy Áýe qorǵanysy kúshteri Áskerı ınstıtýtynyń dırektory qyzmetterin atqarǵan.
