QORDAIDAǴY JANJALDA 8 ADAM KÓZ JUMǴAN

Saıasat

08 aqpan 2020

QORDAIDAǴY JANJALDA 8 ADAM KÓZ JUMǴAN

Búgin İshki ister mınıstri Erlan Turǵymbaev, Aqparat jáne qoǵamdyq damý mınıstri Dáýren Abaev pen Bas prokýrordyń orynbasary Bolat Dembaev Jambyl oblysy Qordaı aýdanynda bolǵan janjalǵa qatysty arnaı baspasóz máslıhatyn ótkizdi.

İshki ister mınıstri Erlan Turǵymbaevtyń aıtýynsha, oqıǵanyń oty keshe keshke tutanǵan. Keshki saǵat jetide Jambyl oblysy Polısıa departamentiniń kezekshi bólimine «Qordaı aýdany Masanshy aýylynda 70-ten astam adam tóbelesip jatyr» degen habarlama túsken. Zańsyz áreketterdi toqtatý úshin oqıǵa ornyna birden polısıa qyzmetkerleri jóneltiledi. Alaıda, oqıǵa ornynda júrgender tóbelesti vıdeoǵa túsirip, áleýmettik jelilerge taratqan. Ony kórip, basqa aýyldardan kelgen 300-den astam azamat klepi, tóbeles ulǵaıǵan. Eki jaq bir-birin taıaqpen uryp, tas laqtyryp, tipti qarý qoldandy. Aıaýsyzdyqpen jalǵasqan tóbeles sońynda 8 adam kóz jumyp, 40-tan astam adam jaraqat alǵan. Janjal barysynda aldyn ala málimet boıynsha 30 jekemenshik úı, 15 saýda nysany órtelip, 23 kólik qıratylǵan. «Qazirgi ýaqytta 47 adam ustalyp, polısıa bólimine jetkizildi. Olardan eki ańshy qarýy tárkilendi. QR Qylmystyq kodeksiniń 272-baby (Jappaı tártipsizdikti uıymdastyrý jáne soǵan qatysý) jáne 99-baby (Adam óltirý) boıynsha sotqa deıingi tergeý amaldary júrgizilip jatyr. Qoǵamdyq tártipti buzǵandardyń bári de zańǵa sáıkes jaýapkershilikke tartylady. Jaǵdaıdy turaqtandyrý úshin oqıǵa ornyna ishki ister organdarynyń qosymsha kúshteri jiberildi. Qoǵamdyq tártipti qadaǵalaý maqsatynda oqıǵa ornynda qazirgi ýaqytta polısıa qyzmetkerleri men Ulttyq ulan sarbazdary jumyldyryldy. Sonymen qatar, İshki ister mınıstriniń orynbasary men Bas prokýrordyń orynbasary sol jerge bardy. Jedel tergeý toby qurylyp, adam ólimi, buzaqylyq faktileri boıynsha birneshe qylmystyq is qozǵaldy. Qazirgi kúni jaǵdaı turaqty», - dedi Erlan Turǵymbaev.

Al óz kezeginde Aqparat jáne qoǵamdyq damý mınıstri Dáýren Abaev «Jýrnalıserdi Qordaı aýdanynda bolǵan qaıǵyly jaǵdaı jóninde aqparat bergende obektıvti bolýǵa shaqyramyn. Azamattardy alańdatatyn, eldi shýlatatyn málimet bermeýdi suraımyn. Baıqasańyzdar, myna janjal eń basynda tek bir aýyl deńgeıinde bolǵan. Alaıda ýatsap, telegram sekildi messendjerler máseleni qozdyrǵan, jaǵdaıdy ýshyqtyrǵan. Nátıjesin kórip otyrsyzdar. Birneshe adam qaza taýyp, jaraqat aldy. Árbir taratqan aqparatqa jaýap baryn umytpaýlaryńyz kerek. Bul da aıtylǵan sóz sıaqty – qaıtara almaısyz. Sondyqtan aýdıo-vıdeony taratqan kezde abaı bolyńyzdar. Siz taratqan aqparattan kinásiz bireýdiń zardap shekpeýin oılaý qajet. Osy tusta tek jýrnalıserge ǵana emes, elimizdiń árbir azamatyna eskertkim keledi. Biz «Adamzattyń bárin súı, baýyrym dep» degen Abaıdyń elimiz ǵoı, aǵaıyn. Asyǵys sheshim qabyldamaıyq. Sabyr saqtaıyq. Bul janjaldy bastaǵandar eshqaıda qashyp qutyla almaıdy. Qazir ınternetke, barlyq áleýmettik jelige, messendjerge monıtorıń jasalýda. Ol jerde vıdeo-aýdıohabarlar – barlyǵy qadaǵalanady. Qazirdiń ózinde birneshe qoldanýshylar anyqtalyp otyr. Olar ultaralyq arazdyqty qozdyratyn habarlar taratyp, dezınformasıa týdyrǵan. Ol málimetter quqyq qorǵaý organdaryna beriledi. Bul janjandy bastaǵandar da, oǵan qosa barlyq provokatorlar da jaýapqa tartylady. Komısıa qazir Qordaı aýdanyna bara jatyr. Barlyq jaǵdaıdy komısıa habarlaıdy. Biz qazir QHA ókilderin, jergilikti aqsaqaldardy, qoǵam qaıratkerlerin, ımamdardy tarta otyryp, halyqty sabyrǵa shaqyramyz. Qazir eldi dúrliktiretindeı negiz joq. Jaǵdaı baqylaýda», - dedi Dáýren Áskerbekuly. Sonymen qatar, búgin Almatydaǵy baraholka bazarynda sanıtarlyq kún dep jarıalanýynyń atalǵan oqıǵamen baılanysy bar, joǵyn suraǵan jýrnalıserge Aqparat jáne qoǵamdyq damý mınıstri "Sizder túsinýlerińiz kerek. Sebebi, sonyń ishinde baraholka bazarynda qaqtyǵys jasaýǵa úndeý jasalǵan. Osyǵan sáıkes saqtyq sharalary kúsheıtildi", - dedi.

Al Bas prokýrordyń orynbasary Bolat Dembaev bolsa, «Qordaıdaǵy oqıǵa boıynsha birneshe qylmystyq is qozǵaldy. Vedomstvoaralyq jedel tergeý toby qurylady. İstiń barysy Bas prokýrordyń nazarynda. Qylmystyq qýdalaý organdary kinálilerdi taýyp, olardy jaýapkershilikke tartý úshin barlyq sharany júzege asyrady. Zardap shekkenderde qajetti quqyqtyq kómek beriledi. Qazirgi ýaqytta quqyq qorǵaý organdary zańdylyqty, qoǵamdyq qaýipsizdik pen quqyqtyq tártip saqtaý sharalaryn qamtamasyz etip otyr. Jeke adamdar bolǵan oqıǵany burmalap, jalǵan aqparat taratyp jatyr. Osyǵan baılanysty qoǵamdyq tártipti saqtap, eskertý úshin búkil elge - Qazaqstannyń Konstıtýsıasy ultaralyq kelisimdi buzarlyq kez kelgen áreketti tyıym salatynyn jetkizgimiz keledi. Konstıtýsıanyń atalǵan talabyn oryndamaýdyń saldary ultaralyq arazdyqty týǵyzý, jappaı tártipsizdikke uıymdastyrý, jalǵan aqparat taratý isteri boıynsha qylmystyq jaýapkershilikke ákep soǵady. Halyqty sabyr saqtaýǵa, provokasıaǵa berilmeı, shyndyqqa saı kelmeıtin aqparatty taratpaýǵa shaqyramyz. Tergeý amaldaryna qatysty barlyq aqparat İshki ister mınıstrligi men Bas prokýratýraǵa joldanyp otyrady. Osy vedomstvolardyń ınternet-saıttarynda jarıalanady, Al quqyq qorǵaý organdary kez kelgen tártip buzýshylyqtyń jolyn kesip, olarǵa jol bermeýdiń barlyq amalyn qarastyrady», — dedi.

photo:ortcom.kz

RELATED NEWS

Saıasat

12 sáýir 2025

Qazaqstannyń úsh qalasyna erekshe mártebe berilmek

TMD Syrtqy ister mınıstrleri keńesiniń otyrysynda Astana, Almaty, Qaraǵandy «1941-1945 jj. Eńbek dańqy qalasy» qurmetti ataǵyn berý týraly sheshim kelisildi, dep habarlaıdy Bul týraly SİM habarlady.

Kezdesýde Qazaqstan premer-mınıstriniń orynbasary – syrtqy ister mınıstri Murat Nurtileý TMD uıymyn odan ári damytýǵa baǵyttalǵan birqatar usynysty ortaǵa saldy. Osy turǵyda Qazaqstan bastamalaryn júzege asyrýda Dostastyq boıynsha seriktesterdiń qoldaýy erekshe atalyp ótti.

«Elimizdiń usynysy boıynsha búgingi tańda Volontórler forýmy, Dostastyq jármeńkesi, TMD Akademıalyq astanasy jáne basqa da kóptegen joba birlesken kúsh-jigerdiń arqasynda iske asyrylyp jatyr nemese jaqyn bolashaqta ótkizýge josparlanǵan», – dep málimdedi syrtqy ister mınıstri.

Jeńistiń 80 jyldyǵy qarsańynda TMD elderiniń birqatar qalasyna, sonyń ishinde Astana, Almaty, Qaraǵandy jáne basqa da qalalarǵa «1941-1945 jj. Eńbek dańqy qalasy» qurmetti ataǵyn berý týraly sheshim kelisildi.

Syrtqy ister mınıstrleri keńesiniń kelesi otyrysy 2025 jylǵy qazan aıynda TMD Memleket basshylary samıti qarsańynda Dýshanbe qalasynda ótedi.

Saıasat

28 sáýir 2025

Aqordada Qonaev jáne Alataý qalalaryn damytý máseleleri aıtyldy

Memleket basshysy Almaty oblysynyń ákimi Marat Sultanǵazıevti qabyldady. Qasym-Jomart Toqaevqa Almaty oblysynyń 2025 jyldyń birinshi toqsanyndaǵy áleýmettik-ekonomıkalyq damýy týraly esep berildi. Bul týraly Aqorda habarlaıdy.

Marat Sultanǵazıev ekonomıkanyń negizgi sektorlarynda ósim baıqalatynyn baıandady. Atap aıtqanda, ónerkásiptik óndiris kólemi 507,9 mıllıard teńgeni, aýyl sharýashylyǵy ónimi 97,4 mıllıard teńgeni quraǵan. Shaǵyn jáne orta bıznes sýbektileriniń sany 146,2 myńǵa jetip, 7,7 paıyzǵa artqan.

Prezıdentke jyl basynan beri 12 jańa ónerkásip jobasynyń iske qosylǵany týraly málimet berildi. Onyń ishinde «GALANZ bottlers» óndiris alańynyń keńeıýi, «Bartoǵaı GES-28» jáne Sharyn ózenindegi shaǵyn GES kaskadynyń qurylystary sıaqty aýqymdy jobalar bar. Jalpy, óńirde quny 2,4 trıllıon teńgeni quraıtyn 122 joba júzege asyrylyp jatyr. Nátıjesinde 36 776 jumys orny ashylady.

Memleket basshysyna Qonaev jáne Alataý qalalaryn damytý barysy jóninde aıtyldy. Jańa bas josparǵa sáıkes, oblys ortalyǵynda «Smart Qonaev» qalany basqarýdyń biryńǵaı júıesi engizilýde. Alataý qalasynyń bas josparyna túzetýler jasaý jáne kólik-ınjenerlik ınfraqurylymdy jobalaý jumystary bastaldy.

Oblys ákiminiń aıtýynsha, «Jaıly mektep» ulttyq jobasy aıasynda 17 bilim ordasynyń qurylysy qolǵa alynǵan. Budan bólek, óńirdegi úsh aýysymdy oqý máselesin sheshý úshin memleket-jekemenshik áriptestik negizinde 19 mektep salý josparlanǵan. 2025-2027 jyldary 91 oqý oshaǵynda kúrdeli jóndeý jumystary júrgiziledi.

Memleket basshysy Qonaev jáne Alataý qalalaryn, jalpy Almaty aglomerasıasyn damytýǵa qatysty barlyq belgilengen maqsattardy sapaly ári ýaqtyly oryndaýdyń mańyzyn atap ótti. Prezıdent ındýstrıaldy aımaqtar men Alatau AEA-nyń áleýetin nyǵaıtýǵa, sondaı-aq komýnaldyq jáne eldi mekenderdegi joldardyń qurylysyna basa mán berýdi tapsyrdy.

Saıasat

30 qyrkúıek 2024

Toqaev: Prezıdent – halyq jaldaǵan memlekettik qyzmetker

QR Prezıdenti Qasym-Jomart Toqaev «Eýrazıa keńistigindegi ornyqty damý jáne qaýipsizdik» konferensıasyna qatysty, dep habarlaıdy Aqorda.

Prezıdent óz sózinde buryn-sońdy bolmaǵan geosaıası turaqsyzdyq jaǵdaıynda dıplomatıa sheshýshi rólge ıe bolǵanyn atap ótti.

– Geosaıasat pen geoekonomıkadaǵy túbegeıli ózgerister, jahandyq deńgeıdegi klımattyq jáne demografıalyq syn-qaterler, pandemıanyń jańa qaýpi, qarýlaný básekesiniń órshı túsýi, tehnologıalyq progres, sonyń ishinde jasandy ıntellektini engizý jaǵdaıynda strategıalyq turaqtylyq pen ornyqty damý máseleleri barshamyz úshin ózekti bola tústi. Budan shyǵatyn qorytyndy anyq: halyqaralyq qoǵamdastyq syndarly dıalogqa tyń serpin berýi úshin kún tártibine oń ózgeris jasaýy qajet. Sondyqtan birtutas eýrazıalyq qaýipsizdik ıdeıasy kóppolárly, ádiletti jáne ornyqty álemdik tártipti qalyptastyrýǵa tujyrymdamalyq negiz bola alady, – dedi Qasym-Jomart Toqaev.

Memleket basshysy konferensıa qatysýshylaryna qoǵamdyq ómirdiń barlyq salasynda júzege asyrylyp jatqan Qazaqstandaǵy aýqymdy ózgerister jóninde málimet berdi.

Qasym-Jomart Toqaevtyń pikirinshe, saıası reformalardyń eń basty jańalyǵy – Konstıtýsıada Prezıdent mandatyn 7 jyldyq bir merzimmen shekteý týraly erejeniń bekitilýi.

– Mundaı norma postkeńestik elderdiń, tipti odan tysqary memleketterdiń eshqaısysynda joq. Meniń oıymsha, Prezıdentti bir ret jeti jylǵa saılaý – onyń saılaýaldy baǵdarlamasy men reformalaryn júzege asyrýǵa jetkilikti ýaqyt. Oǵan qosa Prezıdent – halyq jaldaǵan memlekettik qyzmetker. Elimizde Zań men Tártip ústemdik qurýǵa tıis ekenine senimdimin. Tek sonda ǵana reformalardy júzege asyrýǵa, sondaı-aq Qazaqstan ekonomıkasyna ınvestısıa tartýǵa qajetti jaǵdaı jasaı alamyz. Zań men Tártip – Ádiletti Qazaqstannyń negizi. Ádildikke qashan da, qaı jerde de muqtajdyq bar. Bizdiń elde de solaı. Qolǵa alǵan reformalardy iske asyrý qanshalyqty qıyn bolsa da, dittegen maqsatymyzǵa jetpeı qoımaımyz. Ony eshkim toqtatpaq turmaq, baǵytynan jańyldyra almaıdy, – dedi Memleket basshysy.

Qasym-Jomart Toqaev Qazaqstan men Reseı halyqtary arasyndaǵy dostyq baılanystardy nyǵaıtýda bilim salasynyń mańyzy zor ekenin atap ótti. Prezıdenttiń aıtýynsha, qazir Reseıde 60 myńnan astam qazaqstandyq stýdent oqıdy.

– Búginde elimizde Reseıdiń tanymal joǵary oqý oryndarynyń fılıaldary tabysty jumys istep keledi. Qazaqstanda Máskeý memlekettik halyqaralyq qatynastar ınstıtýtynyń fılıalyn ashý josparlanyp otyr, – dedi Qasym-Jomart Toqaev.

Plenarlyq otyrysta Reseı Prezıdentiniń kómekshisi Vladımır Medınskıı konferensıa qatysýshylaryna Vladımır Pýtınniń sálemin jetkizdi.

Máskeý memlekettik halyqaralyq qatynastar ınstıtýtynyń rektory Anatolıı Torkýnov oqý ornynyń 80 jyldyǵyna oraı osynaý is-sharany uıymdastyrǵany úshin Qazaqstan tarapyna alǵys aıtty.

– Biz konferensıa taqyrybyn kezdeısoq tańdaǵan joqpyz. Munyń aıasynda ekonomıka jáne qaýipsizdik salasyndaǵy kópjaqty yntymaqtastyqtyń dástúrli máseleleri klımattyq kún tártibindegi jańa syn-qaterlermen, sondaı-aq Eýrazıa keńistiginde energetıka jáne kólik ınfraqurylymyn damytýdyń jaı-japsarymen birge qaraldy, – dedi Anatolıı Torkýnov.

Jıynǵa Qazaqstan men Reseıdiń kórnekti ǵalymdary, dıplomatıalyq qyzmet ardagerleri, memlekettik organdar men mekemelerdiń basshylary, saıasattanýshylar jáne jastar uıymdarynyń ókilderi qatysty.

Jańalyqtar

25 qarasha 2025