Qordaıda sel júrip, 700-ge jýyq mal basyn sý aǵyzyp ketken

Oqıǵa

Foto: instagram.com/p/C9jMgjuotDQ/ 18 shilde 2024

Qordaıda sel júrip, 700-ge jýyq mal basyn sý aǵyzyp ketken

Jambyl oblysy Qordaı aýdanyna qarasty Betqaınar aýylynda tolassyz jaýǵan jańbyrdyń arty selge ulasyp, 700-ge jýyq mal basyn sý aǵyzyp ketken, dep habarlaıdy Ulys ákimdikke silteme jasap.

Jambyl oblysy ákimdiginiń resmı saıtynda habarlanǵandaı, sý taýly jerlerden aqqan. Resmı aqparatqa súıensek, aýyldaǵy «Bereke» sharýa qojalyǵyndaǵy 671 bas usaq mal men 10 bas jylqyny sý aǵyzyp áketken.

Ákimdiktiń aqparatyna súıensek, aǵyn sý saldarynan «Soǵandy-Betqaınar» avtojolyndaǵy kópir búlingen. Úılerde elektr jaryǵy óship, 219 úı men 2 áleýmettik nysan gazdan ajyraǵan.

«Qatty jel saldarynan 18 jastaǵy turǵynǵa eski saraıdyń qabyrǵasy qulaǵany anyqtaldy. Ol aýdandyq aýrýhanaǵa jatqyzyldy», - dep habarlady ákimdik.

Qordaı aýdanyndaǵy jaǵdaı Jambyl oblysy ákiminiń jeke baqylaýynda.

RELATED NEWS

Oqıǵa

13 naýryz 2025

Túrkistanda 50-den astam adam sýshı men pıssadan ýlandy

Túrkistanda 57 adam tamaqtan ýlanyp, kómekke júgingen, dep habarlaıdy Ulys.

Túrkistan qalasynda dámhanadan pıssa, sýshı, chıken taǵamyn satyp alyp, ýlanǵandar sany 57 adamǵa jetti. Olardyń 28-i - kámelet jasqa tolmaǵan balalar. Barlyǵy 22 adam aýrýhanaǵa jatqyzylǵan, qalǵany ambýlatorlyq em qabyldap jatyr. Buǵan deıin jan saqtaý bólimine jatqyzylǵan úsh adam jalpy bólimge aýystyrylǵan.

Polısıa qaýlysymen atalǵan dámhana jabylyp, qylmystyq is qozǵaldy.

Resmı aqparatqa qaraǵanda, ýlanǵandardyń bári Túrkistan qalasyndaǵy dámhanadan pıssa, sýshı, chıken taǵamyn úıine tapsyryspen alyp, tamaqtanǵan. Kóp ótpeı olardyń ishi ótip, qusyp, basy aınalyp, kózi kirtıip, aıaq-qoly muzdap, erni kógergen. Barlyǵy jedel járdemmen aýrýhanaǵa jetkizilgen.

Oqıǵa

14 aqpan 2025

Astanada poıyz jolynda jarylys boldy

14 aqpanǵa qaraǵan túni Astanadaǵy temirjol vokzalyna poıyz arqyly jetkizilgen konteıner jaryldy, dep habarlaıdy Ulys.

Jarylys túngi saǵat 00:25-te Astana stansasyndaǵy irikteý alańynyń 12-jolaǵynda boldy. Elordaǵa poıyz arqyly jetkizilgen júk konteıneri jarylǵan. Bir adam qolynan jeńil jaraqat aldy, alaıda aýrýhanaǵa jatqyzýdy qajet etpedi.

Polıseıler jolaýshylar men jaqyn mańdaǵy turǵyndarǵa qaýip tónbegenin habarlady.

«Kóliktegi polısıa departamenti bul oqıǵa boıynsha «Temir jol kóligin paıdalaný nemese qozǵalys qaýipsizdigi erejelerin buzý» baby boıynsha qylmystyq is qozǵady. Oqıǵa ornyna dereý departament basshylyǵy jetken. Arnaıy jedel top quryldy, olar oqıǵanyń barlyq mán-jaıyn anyqtaýǵa kirisip ketti», - dep habarlady Kóliktegi PD.

QTJ jarylǵan konteınerdiń jeke kompanıaǵa tıesili ekenin habarlady. Aldyn ala málimet boıynsha ishinde elektr jabdyqtary – transformatorlar men generatorlar bolǵan.

Oqıǵa

27 naýryz 2025

Koreıada jol apatynan Qazaqstannyń 4 azamaty mert boldy

Ońtústik Koreıanyń Sohean avtomagıstralinde Qazaqstannyń 4 azamaty mingen kólik jardan qulap, salonda bolǵan barlyǵy mert boldy. Bul jaıynda Korea JoongAng Daily basylymy habarlaıdy.

Ońtústikkoreılik basylymnyń jazýynsha, 4 adam otyrǵan Mercedes-Benz kóligi jergilikti ýaqyt boıynsha shamamen 00:30-da Kengıdo ólkesiniń Hvason qalasynda joldyń oń jaq betindegi qorshaýǵa soǵylǵan. Sodan keıin kólik birneshe metr tómen qulap, órtengen.

Jol-kólik oqıǵasy týraly habar alysymen órt sóndirýshiler sol jerge shuǵyl attanǵan. Olar apattan keıingi 30 mınýttyń ishinde órtti sóndirgen. Qıraǵan kólikten 4 adamnyń máıiti tabylǵan.

Mert bolǵandardyń aty-jóni ázirge belgisiz. Polısıa apattyń naqty neden bolǵanyn anyqtap jatyr.

Jańalyqtar

01 mamyr 2025