Qarjylyq monıtorıń agenttiginiń tóraǵasy Dmıtrıı Malahov bastaǵan delegasıa "Kiristerdi jylystatýǵa jáne terorızmdi qarjylandyrýǵa qarsy is-qımyldyń ózekti máseleleri" Halyqaralyq ǵylymı-praktıkalyq forýmynyń jumysyna qatysýda.  Bul týraly Ulys agenttikke silteme jasap habarlaıdy.

Aýqymdy is-shara aǵymdaǵy jyldyń 24-26 sáýirinde Nıjnıı Novgorod qalasynda (RF) ótýde. Forým aıasynda Reseı Federasıasy, BAÁ, QHR, Egıpet, Brazılıa, Kýba, Armenıa Respýblıkasy, Belarýs Respýblıkasy, Qyrǵyz Respýblıkasy, Ózbekstan Respýblıkasy, Tájikstan Respýblıkasy jáne basqa da elderdiń qarjylyq barlaý bólimsheleri osy saladaǵy barlyq elderge ortaq qaýipterdiń aldyn alý maqsatynda halyqaralyq yntymaqtastyqtyń tetikterin, onyń ishinde jańa tehnologıalardy qoldana otyryp, KJ/TQQ-nyń ózekti táýekelderi men qaýipterin talqylaıdy.

Forýmda QMA ókilderi Qazaqstan Respýblıkasyndaǵy QJ/TQ-da vırtýaldy aktıvterdi paıdalanýǵa qarsy is-qımyl tájirıbesimen, sondaı-aq qylmystyq aktıvterdi qaıtarý boıynsha el júrgizip jatqan jumysymen bólisedi.

D.Malahov sonymen qatar qarjylyq barlaý bólimsheleri basshylary keńesiniń 26-shy otyrysyna qatysty.

QBBBK-ǵa qatysýshy elderdiń qarjylyq barlaý basshylary Keńestiń jáne onyń jumys toptarynyń aǵymdaǵy jylǵa arnalǵan josparlaryn bekitti, KJ/TQQ salasyndaǵy óńirdegi jedel jaǵdaıdy, sondaı-aq KJ/TQ baılanysty táýekelderdi azaıtý jónindegi odan ári sharalardy talqylady.

Aıta keteıik, QBBBK – Qazaqstan, Reseı, Armenıa, Belarýs, Qyrǵyzstan, Ózbekstan jáne Tájikstan sıaqty elderdi qamtıtyn TMD-nyń salalyq organy. Keńes azamattardyń, qoǵamnyń, TMD – ǵa qatysýshy memleketterdiń Qylmystyq jolmen alynǵan kiristerdi zańdastyrý jáne terorızmdi qarjylandyrý nátıjesinde týyndaıtyn qaýipterden qorǵalýyn qamtamasyz etýge arnalǵan.

Sonymen qatar, forým aıasynda qazaqstandyq delegasıanyń shet memleketterdiń QBB basshylarymen birqatar ekijaqty kezdesýleri ótkizildi, olardyń barysynda yntymaqtastyqtyń ózekti máseleleri talqylandy.