«Qazposhta» kasırleri 80 mln teńgeden astam qarjy jymqyrǵan

Qylmys

Foto: ashyq kózden 26 qyrkúıek 2024

«Qazposhta» kasırleri 80 mln teńgeden astam qarjy jymqyrǵan

Almaty oblysynyń prokýratýrasy kórsetilgen memlekettik qyzmetter úshin qarajattyń túsýine júrgizilgen taldaý qorytyndysy boıynsha «Qazposhta» AQ-da búdjet qarajatyn jymqyrý faktilerin anyqtady, dep habarlaıdy Ulys.

Osy fakti boıynsha prokýratýra sotqa deıingi tergep-tekserýdi bastady, is júrgizý Almaty oblysynyń Ekonomıkalyq tergep-tekserý departamentine berildi.

Tergeý barysynda «Qazposhta» AQ kasırleri túbirtekterdi burmalaý arqyly tólengen memlekettik baj salyǵynyń bir bóligin zańsyz ıemdengeni anyqtaldy. Qylmystyq sqema 2021 jyldan 2023 jylǵa deıin tólqujattar men jeke kýálikterdi rásimdeý kezinde júrgizilgen.

Keltirilgen zalal somasy 80 mln teńgeden asady. Sot úkimimen 2 kasır asa iri mólsherde (QK-niń 189-baby 4-bóliginiń 2-tarmaǵy) bóten múlikti ıemdenip alǵany úshin kináli dep tanylyp, bas bostandyǵynan aıyrý jáne materıaldyq jaýapty, sondaı-aq basshylyq qyzmetterdi atqarýǵa tyıym salý túrindegi jaza taǵaıyndaldy.

RELATED NEWS

Qylmys

26 naýryz 2025

Pavlodarda týysqan qaryndasyn zorlaǵan jetkinshek 10 jylǵa sottaldy

Byltyr jazda Pavlodar oblysy Sharbaqty aýdanyndaǵy aýyldardyń birinde týysqan aǵasy zorlap, artynan júkti bolǵan qyz bosanǵan edi. Búgin Pavlodar oblysynda osy iske qatysty sot ótti, dep habarlaıdy Ulys.

Kúdikti bolǵan 17 jastaǵy bala kámelet jasyna tolmaǵandyqtan, sot ony 10 jylǵa bas bostandyǵynan aıyrdy. Sottyń búgingi sheshimi ázirge zańdy kúshine engen joq.

Jazda oqýshy qyzdyń bosanǵany belgili bolǵan soń Pavlodao oblysyndaǵy bala quqyqtary jónindegi ýákil Sáýle Shákenova 12 jasar qyzdyń aýylyna barǵan. Qyz bala otbasymen Pavlodar oblysy Sharbaqty aýdany Galkıno aýylynda ómir súrip jatyr. Atajurtqa kóship kelgen qandastardy Qazaqstanǵa erte kóship kelgen týystary osy aýylǵa qonystandyrǵan kórinedi.

Qylmys

04 naýryz 2025

Aqmola oblysynda ájesi nemeresin óltirip, denesin úıdiń aýlasynda kómgen

Aqmola oblysynyń Shýchınsk qalasynda asyrap alynǵan balanyń ólimine baılanysty sot úkimi shyqty, dep habarlaıdy Ulys.

HALYQSTAN habarlaýynsha, bes jylǵa jýyq ýaqyt boıy jan túrshigerlik qylmystyń izderi jasyrýly bolyp kelgen. Bul atyshýly is boıynsha bala asyrap alǵan anasy men ájesi sot aldynda jaýap berdi.

Bes jasar balanyń denesi úıdiń baqshasyna jerlengen, al bul sumdyq oqıǵa tek ótken kóktemde ǵana anyqtaldy. Qylmystyń beti kútpegen qateliktiń arqasynda ashylǵan.

Asyrap alǵan anasy basqa balasyn denesi kógerip júrgendikten aýrýhanaǵa alyp kelgen, alaıda qujattardy shatastyryp alǵan. Keıinirek onyń tórt jyl boıy qaıtys bolǵan balaǵa tıesili týý týraly kýálikti qoldanyp júrgeni anyqtaldy.

Basty kúdikti 65 jastaǵy ájesi birden qamaýǵa alynsa, 29 jastaǵy asyrap alǵan anasy da ýaqytsha ustaý ızolátoryna jiberildi.

Sot jabyq esik jaǵdaıynda ótip, úkim shyqty. Balanyń ájesi – 21 jylǵa, ógeı anasy 4 jylǵa bas bostandyǵynan aıyryldy.

Qylmys

09 qańtar 2025

Qazaqstandaǵy dropperlerdiń 90 paıyzy sheteldikter

2024 jyly Qazaqstandaǵy «dropperlerdiń» 90 paıyzy rezıdent emes adamdar. Bul týraly Qarjy monıtorıń agenttiginen málim etti, dep habarlaıdy Ulys Qarjylyq monıtorıń agenttigine silteme jasap.

Qylmystyq kiristerdi zańdastyrý úshin bıyl osyndaı 6,2 myń adamnyń kartasy qoldanylǵan eken.

«Bul kartalar arqyly aınalymnyń jalpy somasy 24 mıllıard teńgege jetti. Aqshany zańsyz jylystatqysy kelgender úshinshi tulǵalarǵa tirkelgen baılanys operatorlarynyń SIM kartalaryn paıdalanǵan. Kóbinese «drop-kartalar» esirtki saýdasy, kıberalaıaqtyq, zańsyz qumar oıyndar jáne basqa da qylmystyq áreketterge baılanysty sqemalarda qoldanylǵan», - dep habarlaıdy QMA.

Jańalyqtar

24 maýsym 2025