«KazakhExport» ESK» AQ Ózbekstandyq iri sýpermarketter jelisimen yntymaqtastyq
týraly kelisimge qol qoıdy. Atalǵan shara búgin Tashkentte Ózbekstan men Qazaqstan
arasyndaǵy ekijaqty yntymaqtastyq jónindegi birlesken úkimetaralyq komısıasynyń
18-shi otyrysy sheńberinde júzege asty.
«KazakhExport» ESK» AQ baspasóz qyzmetiniń habarlaýynsha, «KazakhExport»
eksporttyq saqtandyrý kompanıasy» AQ «Makro» sýpermarketter jelisiniń menshik ıesi
bolyp tabylatyn «DARVOZA SAVDO» JSHQ aradaǵy yntymaqtastyq týraly kelisimge
qol qoıdy.
«Makro» - Ózbekstandaǵy iri sýpermarketter jelisi - Ózbekstan naryǵynda 2010
jyldan beri jumys isteıdi. Onyń el aýmaǵy boıynsha 53 sýpermarketi bar, 2019 jyldyń
sońyna deıin qosymsha 9 saýda orny iske qosylady.
Qol jetkizilgen kelisimniń arqasynda qazaqstandyq kásipkerler úshin óz ónimderin
tolyq kólemde Ózbekstan aýmaǵynda satýǵa jol ashylady.
«Biz qazaqstandyq óndirýshilerdi yntymaqtastyq jasaýǵa shaqyramyz. Ózbekstan
bankterimen jáne iri saýda jelisimen qol jetkizilgen kelisimderdiń arqasynda
qazaqstandyq óńdelgen ónim óndirýshiler úshin Ózbekstan aýmaǵyndaǵy saýda jelisi
qoljetimdi bolady. Biz ózbek seriktesterimen birlesip usynatyn qoldaý quraldary
Ózbekstan Respýblıkasynyń perspektıvalyq naryǵyna shyǵýdy aıtarlyqtaı
jeńildetedi», - dep atap ótti «KazakhExport» eksporttyq saqtandyrý kompanıasy» AQ
Basqarma tóraǵasy Rýslan Iskakov.
Sonymen qatar, «KazakhExport» ESK» AQ «Turonbank» AKB, «Ipoteka-bank»
AKIB jáne «TengeBank» AKB aradaǵy yntymaqtastyq týraly kelisimge qol qoıdy.
«KazakhExport» ESK» AQ men ózbek bankteri birlesip Ózbekstan men Qazaqstan
kásipkerlerine 70 mln. AQSH dollary shamasynda qarjylyq qoldaý kórsetýge
ýaǵdalasty.
Qol jetkizilgen ýaǵdalastyqtar Qazaqstannan Ózbekstanǵa shıkizattyq emes
eksportty damytýǵa múmkindik beredi jáne qazaqstandyq ónimdi ımporttaýshylar úshin
Ózbekstandaǵy arzan nesıe resýrstaryn qoljetimdi etedi.
2018 jyly KazakhExport Ózbekstanǵa kondıterlik ónimderdi, sirne, İQM etin jáne
qurylys materıaldaryn jetkizý boıynsha 6 qazaqstandyq eksporttaýshynyń
kelisimsharttaryna qoldaý kórsetti. 2019 jyldyń 5 aıy ishinde atalǵan ónimderden basqa,
Ózbekstanǵa kúnbaǵys maıyn, polımerlik ónimderdi, mıneraldy maqta, koks jetkizý
boıynsha KazakhExport usynatyn qoldaý baǵdarlamasyn 8 qazaqstandyq kásiporyn
paıdalandy. 2019 jylǵy kelisimsharttardyń somasy 3 mlrd. teńgeden asty.
Qazirgi ýaqytta KazakhExport Ózbekstan bankteriniń qatysýymen 6 mlrd.teńgeden
astam somaǵa eki eldiń kásipkerleri arasyndaǵy perspektıvalyq kelisimsharttardy júzege
asyrý jumysy júrgizilýde.
KazakhExport Ózbekstanda
Tashkentte KazakhExport sheteldik ókildigi jumys isteıdi. Onyń mindeti - Ózbekstan men
Qazaqstannyń bıznes-qoǵamdastyǵymen baılanys ornatý, sondaı-aq eki eldiń shıkizattyq
emes sektoryndaǵy kásipkerlerdi jáne qarjy qurylymdaryn bıznesti qoldaý quraldary
men damytý perspektıvalary týraly aqparattandyrý.
Ózbekstan bankterimen yntymaqtastyq
2019 jyldyń naýryz aıynan bastap Ózbekstanǵa jetkizý úshin Qazaqstannan ónim satyp
alatyn Ózbekstan bıznesmenderin qarjylandyrý jáne qazaqstandyq óndirýshilerdi
saqtandyrý salasynda uzaq merzimdi yntymaqtastyqqa baǵyttalǵan KazakhExport jáne
«Aloka Bank» AQ men «Kıshlok Kýrılısh Bank» AQ arasyndaǵy strategıalyq seriktestik
týraly kelisim áreket etedi.
Ózbekstanǵa eksporttaý
KazakhExport ózbek bankteriniń qoldaýymen eksporttyq saýdalyq qarjylandyrý aıasynda
krahmal sirnesin, kondıterlik ónimderdi, polımerlik ónimderdi, sondaı-aq Qazaqstanda
óndirilgen qurylys materıaldaryn Ózbekstan Respýblıkasyna jetkizý boıynsha
qazaqstandyq eksporttaýshylarǵa qoldaý kórsetti.