Qazaqstannyń burynǵy qorǵanys mınıstri SHYU bas hatshysy boldy

Taǵaıyndaý

Kazinform 04 shilde 2024

Qazaqstannyń burynǵy qorǵanys mınıstri SHYU bas hatshysy boldy

Nurlan Ermekbaev SHYU bas hatshysy bolyp saılandy. Ol 2025-2027 jyldar aralyǵynda bas hatshy qyzmetin atqaratyn bolady, dep habarlaıdy Ulys.

Nurlan Ermekbaev 1963 jyly 1 qańtarda Shymkent qalasynda dúnıege kelgen. 1986 jyly KSRO Qorǵanys mınıstrliginiń Áskerı Qyzyl Tý ınstıtýtyn úzdik támamdaǵan. 1996 jyly Qazaq memlekettik sáýlet-qurylys akademıasyn ınjener-ekonomıst mamandyǵy boıynsha bitirgen.

Qazaqstan Respýblıkasy táýelsizdik alǵannan bastap 1991-1996 jyldar aralyǵynda Qazaqstan Respýblıkasynyń Eýropa jáne Azıa elderindegi syrtqy-ekonomıkalyq ókildikterinde jumys istedi.

Saıası ǵylymdarynyń kandıdaty. «Qurmet» jáne «Parasat» ordenderimen, «Lokaldi janjaldarǵa qatysýshyǵa. Angola», «Syrtqy barlaýǵa qosqan úlesi úshin» medaldarymen jáne basqa da medaldarymen marapattalǵan.

1996 jyldan 2001 jylǵa deıin elimizdiń jetekshi saýda-qarjy qurylymdarynda basshylyq qyzmet atqardy.

2001-2014 jyldary dıplomatıalyq qyzmette bolyp, Qazaqstan Respýblıkasynyń QHR, Vetnam, KHDR, Sıngapýrdaǵy elshilikterin basqardy. QR Prezıdentiniń halyqaralyq máseleler jónindegi keńesshisi, kómekshisi, QR Syrtqy ister mınıstriniń orynbasary boldy.

2016-2018 jyldary – Qazaqstan Respýblıkasynyń Din isteri jáne azamattyq qoǵam mınıstri. 2014-2016 jyldar aralyǵynda jáne 2018 jylǵy sáýir-tamyz aralyǵynda Qazaqstan Respýblıkasy Prezıdentiniń kómekshisi - Qaýipsizdik keńesiniń hatshysy bolyp jumys istedi.

2018 jyldary Qazaqstan Respýblıkasynyń Qorǵanys mınıstri bolyp bolǵan.

RELATED NEWS

Taǵaıyndaý

16 mamyr 2024

Memleket basshysy syrtqy saıasattaǵy birqatar kadrdy aýystyrdy

QR Prezıdenti birqar aýys-túıis jasady, dep habarlaıdy Ulys Aqordaǵa silteme jasap.

Memleket basshysynyń Jarlyǵymen Janar Seıdaqmetqyzy Aıtjan Dúnıejúzilik saýda uıymy men halyqaralyq ekonomıkalyq uıymdar janyndaǵy Qazaqstan Respýblıkasynyń Turaqty ókili laýazymynan bosatyldy. Al onyń ornyna Qaırat Omarov taǵaıyndaldy.

«Memleket basshysynyń Jarlyǵymen Qaırat Ermekuly Omarov Qazaqstan Respýblıkasynyń Birikken Ulttar Uıymy janyndaǵy Turaqty ókili bolyp taǵaıyndaldy, ol burynǵy atqarǵan laýazymynan bosatyldy», - delingen habarlamada.

Sonymen qatar Memleket basshysynyń ókimimen Aqan Aqasuly Rahmetýllın Qazaqstan Respýblıkasy Syrtqy ister mınıstriniń birinshi orynbasary laýazymyna taǵaıyndaldy. Prezıdenttiń taǵy bir Jarlyǵymen Tımýr Qaldybaıuly Tilegenov Halyqaralyq azamattyq avıasıa uıymy janyndaǵy Qazaqstan Respýblıkasynyń Turaqty ókili laýazymyna taǵaıyndaldy.

Budan bólek Áset Armanuly Erǵalıev Dúnıejúzilik saýda uıymy men halyqaralyq ekonomıkalyq uıymdar janyndaǵy Qazaqstan Respýblıkasynyń Turaqty ókili bolyp taǵaıyndaldy, ol burynǵy atqarǵan laýazymynan bosatyldy.

Taǵaıyndaý

06 mamyr 2024

Jaslan Mádıev Mýsınniń ornyna mınıstr bolyp taǵaıyndaldy

Foto: primeminister.kz

Jaslan Mádıev Sıfrlyq damý, ınovasıalar jáne aeroǵarysh ónerkásibi mınıstri bolyp taǵaıyndaldy.

«Memleket basshysynyń Jarlyǵymen Jaslan Hasenuly Mádıev Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstri laýazymyna taǵaıyndaldy», - delingen Aqordanyń habarlamasynda.

Jaslan Mádıev 1983 jyly Almaty qalasynda dúnıege kelgen.

Ál-Farabı atyndaǵy Qazaq ulttyq ýnıversıtetin, Kolýmbıa ýnıversıtetin, Massachýsets tehnologıalyq ınstıtýtyn támamdaǵan.

Eńbek jolyn 2004 jyly «Aláns Bank» AQ Halyqaralyq qatynastar departamentiniń Halyqaralyq qarjy ınstıtýttarymen jumys basqarmasynyń mamany bolyp bastaǵan.

2007-2008 jyldary — «Qazyna» turaqty damý qory» AQ korporatıvtik qarjylandyrý departamentiniń bas menedjeri.

2008 jyly Qazaqstan Respýblıkasy Prezıdenti Ákimshiliginiń Strategıalyq taldaý jáne zertteýler ortalyǵynda, «Samuryq-Qazyna» ulttyq ál-aýqat qory» AQ-da jumys istedi.

2009-2010 jyldary — «KAZYNA CAPITAL MANAGEMENT» AQ basqarma tóraǵasynyń orynbasary.

2010-2014 jyldary — «Qazaqstannyń damý banki» AQ basqarýshy dırektory-múshesi, basqarma tóraǵasynyń orynbasary.

2014-2015 jyldary QR Ulttyq bankiniń qurylymynda basshylyq laýazymdardy atqardy.

2017-2018 jyldary — «Qazaqstan temir joly» ulttyq kompanıasy» AQ vıse-prezıdentiniń mindetin atqarýshy, qarjy jónindegi vıse-prezıdenti.

2018 jyly «Qazaqstan temir joly» ulttyq kompanıasy» AQ qarjy jónindegi basqarma tóraǵasy bolyp taǵaıyndaldy.

2019-2020 jyldary — Qazaqstan Respýblıkasynyń Ulttyq ekonomıka vıse-mınıstri.

2020 jylǵy qazannan bastap 2022 jyldyń qańtaryna deıin Qazaqstan Respýblıkasynyń Strategıalyq josparlaý jáne reformalar jónindegi agenttigi tóraǵasynyń orynbasary qyzmetin atqardy.

Taǵaıyndaý

30 sáýir 2024

Baǵdat Mýsın qyzmetinen ketti

Memleket basshysynyń Jarlyǵymen Baǵdat Batyrbekuly Mýsın Qazaqstan Respýblıkasynyń Sıfrlyq damý, ınovasıalar jáne aeroǵarysh ónerkásibi mınıstri laýazymynan bosatyldy, dep habarlaıdy Aqorda.

Jańalyqtar

11 qazan 2024