Qyrǵyzstan basshysy Japarov keshe Astanaǵa keldi. Eki el basshylary eki kúndik kezdesýde ekonomıkalyq, kólik-logıstıkalyq, mádenı jáne basqa baılanysty arttyrý boıynsha kelissózder ótkizip, kelisimder jasasýda.

Qyrǵyzstan qazirgi alapat sý tasqynynda alǵash bolyp kómek qolyn sozǵan el. “Kómek suramasa da kómektesimiz” dep, gýmanıtarlyq júk jiberdi. Artynsha taǵy da fýralar kelip jatty. Qazaqstan da Qyrǵyzstanǵa jyl saıyn gýmanıtarlyq kómek kórsetýmen keledi. Myńdaǵan tonna un, qurylys materıaldary, oq-dári jáne basqa berip kelemiz. Iaǵnı eki el bir-birine qol ushyn sozýmen keledi, bul jaqsy úrdis.

Qazaqstanǵa Qyrǵyzstanmen jaqsy baılanys kerek, Qyrǵyzstanǵa Qazaqstanmen jaqsy baılanys kerek.

Qazir elimizde sý tasqyny. Biraq aldaǵy 2-3 aıda jaǵdaı 180 gradýsqa ózgerýi yqtımal, sóıtip tasqyndy tapshylyq basýy múmkin. Sý tapshylyǵy. Sol úshin qazirden bastap jazdaǵy jaǵdaıdy oılap, kelisimderdi bir qýattap alý qajet. Ótken jazda Jambyldyń, ońtústiktiń kenezesi keýip qalyp edi. Bishkek “sý máselesi bıyl bolmaıdy” dedi. Bolmasyn. Boldyrmaý úshin osyndaı baýyrlastyq formattaǵy kezdesýler kerek. Qazaqstan Qyrǵyzstandaǵy sý stansıalaryn modernızasıalaý jobalaryna qatysyp keledi, basty maqsat bizge beriletin sýdy azaıtyp almaý.

Al Qyrǵyzstan úshin shekarada másele bolmaýy qajet. Ol úshin de osyndaı kezdesýler qajet. Qazaqstan - Qyrǵyzstannyń “ekonomıkalyq qaqpasy” degen sóz tegin aıtylmaıdy ǵoı. Qazaqstan Qyrǵyzstannyń azyq-túlik qaýipsizdiginde de mańyzdy ról oınaıdy. Ásirese astyq boıynsha. Sý tasqyny astyqty ólkemizde bolyp jatyr ǵoı, soǵan da alańdaýshylyq tanytyp otyrǵany anyq.

Qysqasy qazaq-qyrǵyz baılanysy, dostyǵy arta bersin!

Derekkózi: paranoiakz