Sporttyq gımnastıkadan Azıa chempıonatynda qazaqstandyq Mılad Karımı kúmis medal jeńip aldy.
Ulttyq olımpıada komıtetiniń málimetinshe, Karımı kópsaıystan 84.632 upaı jınap, jalpy esepte ekinshi orynǵa taban tiregen.
Altyn medaldi álem chempıonatynyń birneshe dúrkin júldegeri, fılıppındik Karlos Iýlo enshiledi.
Ózbekstandyq Abdýlla Azımov 82.431 upaımen týrnırdiń qola medalin ıelenip qana qoımaı, Parıj Olımpıadasyna joldama aldy.
Karımı de, Iýlo da joldama máselesin sheship qoıǵandyqtan, kvota ózbek gımnastyna beriledi.
Qazaqstandyq Dmıtrıı Patanın 79.598 upaımen kópsaıysta júldege ilige almaı, tıisinshe, Olımpıadaǵa irikteýden ótken joq.
Eske sala keteıik, Mılad Karımı Azıa chempıonatynda kópsaıystan kúmis medal alý arqyly tarıhı jetistikti tirkep otyr.
Buǵan deıin otandyq gımnastar jekelegen snarádtarda júlde alǵanyman, qurlyq dodasynda kópsaıys qorytyndysy boıynsha tuǵyrǵa shyqpaǵan.
Tashkenttegi Azıa birinshiliginde Parıj Olımpıadasynyń joldamasyn alǵan Narıman Kýrbanov ta baq synaıdy.