Valúta baǵamy
  • USD -

    539.9
  • EUR -

    629.5
  • RUB -

    6.69
Qazaqstandyq jýrnalısi Kıevte atyp ketti: Toqaev pikir bildirdi
Aqorda 19 maýsym 2024
Qazaqstandyq jýrnalısi Kıevte atyp ketti: Toqaev pikir bildirdi

Búgin Aqordada ótken saltanatty marapattaý rásimi kezinde Qasym-Jomart Toqaev Kıevte Qazaqstan jýrnalısine jasalǵan qastandyq áreketke pikir bildirdi, dep haabarlaıdy Aqorda.

— Elimizde zań ústemdigin nyǵaıtyp jatyrmyz, ıaǵnı barlyq salada, eń aldymen, Zań ústemdigin qamtamasyz etý — basty mindet. Bul másele boıynsha meniń kózqarasym — aıqyn. Muny ózderińiz de jaqsy bilesizder. Qazaqstanda Zań men tártip bárinen bıik turýǵa tıis. Sondyqtan qoǵamdaǵy barlyq qarama-qaıshylyqtar men kelispeýshilikterdi tek qana quqyqtyq turǵydan, ıaǵnı tıisti zańnamaǵa jáne negizgi halyqaralyq normalarǵa sáıkes sheshý qajet. Keshe Qazaqstan azamaty Aıdos Sadyqovqa qatysty Kıevte bolǵan qylmysqa da dál osy ustanym turǵysynan qaraǵan jón. Men dıplomatıalyq arnalar men quqyq qorǵaý organdary arqyly osy oqys oqıǵa boıynsha Ýkraına tarapyna resmı suratý jiberý týraly naqty tapsyrma berdim. Sondaı-aq qajet bolǵan jaǵdaıda Qazaqstannyń resmı organdary istiń aqıqatyna jetýge járdem berý úshin tergeý jumysyna qatysýǵa daıyn ekenin aıtqym keledi, — dedi Prezıdent. 

Aıta keteıik, keshe Ýkraınanyń Kıev qalasynda sol elde bosqyn esebinde turyp jatqan jýrnalıs Aıdos Sadyqovty áldebireýler kóliginde atyp ketken bolatyn. Onyń  jaǵdaıy aýyr dep baǵalanýda. 

RELATED NEWS
Koreıada jol apatynan Qazaqstannyń 4 azamaty mert boldy
27 naýryz 2025
Koreıada jol apatynan Qazaqstannyń 4 azamaty mert boldy

Ońtústik Koreıanyń Sohean avtomagıstralinde Qazaqstannyń 4 azamaty mingen kólik jardan qulap, salonda bolǵan barlyǵy mert boldy. Bul jaıynda Korea JoongAng Daily basylymy habarlaıdy.

Ońtústikkoreılik basylymnyń jazýynsha, 4 adam otyrǵan Mercedes-Benz kóligi jergilikti ýaqyt boıynsha shamamen 00:30-da Kengıdo ólkesiniń Hvason qalasynda joldyń oń jaq betindegi qorshaýǵa soǵylǵan. Sodan keıin kólik birneshe metr tómen qulap, órtengen.

Jol-kólik oqıǵasy týraly habar alysymen órt sóndirýshiler sol jerge shuǵyl attanǵan. Olar apattan keıingi 30 mınýttyń ishinde órtti sóndirgen. Qıraǵan kólikten 4 adamnyń máıiti tabylǵan.

Mert bolǵandardyń aty-jóni ázirge belgisiz. Polısıa apattyń naqty neden bolǵanyn anyqtap jatyr.

 

Astanada feldsherdi soqqyǵa jyqqan er adam sottalyp tyndy
28 mamyr 2025
Astanada feldsherdi soqqyǵa jyqqan er adam sottalyp tyndy
 
Astanada jedel járdem qyzmetkerin soqqyǵa jyqqan er adam sottalyp ketti, dep habarlaıdy Ulys.

2025 jylǵy 29 qańtarda Astanada jedel járdem feldsherine shabýyl jasalyp, ol jabyq bas-mı jaraqatyn alǵan. Oqıǵa shaqyrtýǵa kelgen jedel járdem brıgadasy men naýqastyń týystarynyń biri arasynda bolǵan.

Feldsher sotqa aryz jazyp, densaýlyǵyna keltirilgen zalal úshin materıaldyq ótemaqy talap etti. Prokýror shabýyl jasaǵan er adamǵa 1 jylǵa bas bostandyǵyn shekteýdi surady. Al jábirlenýshi bul jazany 3 jylǵa deıin uzartýdy ótindi.

Aıyptalýshy kinásin tolyq moıyndady, áreketine ókinish bildirdi, sondaı-aq onyń kishkentaı balasy barekeni eskerildi. Aýyrlatatyn jaǵdaılar anyqtalǵan joq.

Sot Qazaqstan Respýblıkasynyń zańyna sáıkes bul qylmysty orta dárejeli densaýlyqqa qasaqana zıan keltirý retinde baǵalap, mynadaı sheshim shyǵardy:

  • 1 jyl 6 aı shartty túrde bas bostandyǵynan aıyrý (shartty jaza),
  • materıaldyq ótemaqyny jábirlenýshige óteý mindetteldi.
Túrkistanda 50-den astam adam sýshı men pıssadan ýlandy
13 naýryz 2025
Túrkistanda 50-den astam adam sýshı men pıssadan ýlandy

Túrkistanda 57 adam tamaqtan ýlanyp, kómekke júgingen, dep habarlaıdy Ulys.

Túrkistan qalasynda dámhanadan pıssa, sýshı, chıken taǵamyn satyp alyp, ýlanǵandar sany 57 adamǵa jetti. Olardyń 28-i - kámelet jasqa tolmaǵan balalar. Barlyǵy 22 adam aýrýhanaǵa jatqyzylǵan, qalǵany ambýlatorlyq em qabyldap jatyr. Buǵan deıin jan saqtaý bólimine jatqyzylǵan úsh adam jalpy bólimge aýystyrylǵan. 

Polısıa qaýlysymen atalǵan dámhana jabylyp, qylmystyq is qozǵaldy. 

Resmı aqparatqa qaraǵanda, ýlanǵandardyń bári Túrkistan qalasyndaǵy dámhanadan pıssa, sýshı, chıken taǵamyn úıine tapsyryspen alyp, tamaqtanǵan. Kóp ótpeı olardyń ishi ótip, qusyp, basy aınalyp, kózi kirtıip, aıaq-qoly muzdap, erni kógergen. Barlyǵy jedel járdemmen aýrýhanaǵa jetkizilgen.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.