Atyraýda Covid-19 indetiniń taralýyna qarsy kúres jumystary sonymen qatar sanıtarlyq-epıdemıologıalyq ahýaldy jaqsartýǵa qatysty ótken selektorlyq jınalysta Atyraý oblysynyń ákimi Mahambet Dosmuhambetov jaýapty tulǵalarǵa árbir adamnyń qaýipsizdigi úshin jaýap beretinderin eskertti, dep habarlaıdy, Atyraý oblystyq komýnıkasıalar qyzmeti.

Jıynda Atyraý oblystyq bas memlekettik sanıtarlyq dárigeri Amantaı Jumaǵalıev karantın jarıalanǵan aýdan jáne aýyl turǵyndarynyń barynsha saq bolý kerektigin eskertti. Óıtkeni, kóptegen turǵyndar áleýmettik jelide taraǵan koronavırýs joq degen alypqashpa áńgimelerge senedi. Ol azdaı maskalyq rejım men araqashyqtyqty saqtaýda abaı bolmaı otyr.

Sondyqtan ol halyqty toı-tomalaq, qonaqqa barý, sondaı-aq ózge de adam kóp jınalatyn sharalardan bas tartýǵa shaqyrýdyń mańyzyn atap ótti. Sebebi, Qurmanǵazy aýdanyna qarasty Aqkól aýyldyq okrýginen 20-dan astam jaǵdaı anyqtalyp, aýyl karantınge jabylyp, shekteý sharalary engizilýi osyǵan dálel. Onyń sózinshe, turǵyndar arasynda karantındik rejım talaptarynyń saqtalmaýy atap aıtqanda, betperdesiz júrý, úsh jáne odan da kóp adamnyń shoǵyrlanýy, araqashyqtyqtyń  saqtalmaýy aýrýdy juqtyrýshylardyń artýyna soqtyrǵan. Al medısınalyq qyzmetkerler arasynda tirkelý sebebi: olardyń  koronavırýstyq ınfeksıanyń aldyn alý boıynsha is-qımyl algorıtimin saqtamaýy sebep bolǵan. 

Oblys ákiminiń orynbasary Baqytgúl Hamenova koronavırýs indeti bastalmaı turyp-aq aımaqta aýqymdy daıyndyq jumystary men aldyn-alý sharalary júrgizilgenin aıtty. Sonyń arqasynda qaýipti derttiń jappaı taralýyna jol berilmegenin atap ótti. Sonymen qatar qazir qaýipti indetpen kúreste sala mamandarynyń tájrıbesi ǵana artpaǵan, tıisti materıaldyq myqty baza men jetkilikti túrde arnaıy oryndar sany artqan.   

-           Alǵash Covid-2019 ınfeksıasy tirkelgen kezde  oblysta nebary 130 kereýettik ınfeksıalyq stasıonar bolsa, qazir 595-ke, bastapqyda 1900 oryndyq karantındik stasıonar bolsa, qazir 2328-ge jetti. 200 kerýettik provızorlyq stasıonardy 263-ke deıin kóbeıttik. Búgingi kúni ınfeksıalyq stasıonardan 773 naýqas, provızorlyq ortalyqtan  429 sondaı-aq karantındik stasıonardan 2255 naýqas emdelip shyqty,- dedi oblys ákiminiń orynbasary Baqytgúl Hamenova.

Sonymen qatar,  aımaqtaǵy sanıtarlyq-epıdemıologıalyq ahýaldy jaqsartýǵa qatysty ol birqatar usynystar jasady. Atap aıtqanda, aýdandar jumysyn kúsheıtip, monıtorıńtik toptar qurý kerek.

Sondaı-aq barlyq medısınalyq uıymdar qyzmetkerlerin saqtyq sharalaryn ótkizýi tıis, turǵyndar arasynda BAQ-ty tarta otyryp túsindirý jumystaryn kúsheıtýi kerek, buǵan qosa sala mamandary toı-tomalaq, jıyndardyń bolmaýyn qyraǵy qadaǵalaýy tıis.

Búginde Atyraý oblysynda Covid-2019 ınfeksıasyn juqtyrǵandar sany  1227-ge jetti. Onyń 1024-si Teńizden bolsa, qalǵan  203-i qala men aýdandardan tirkelip otyr. Teńiz kenishi ahýaly ýshyqqan tusta oblys basshysy Mahambet Dosmuhambetov baryp, jaǵdaıdy zerdelep, tıisti tapsyramalar bergen bolatyn. Odan ákimniń soń eki Teńiz kenishinde jumys tobyna jetekishilik etip, monıtorıńtik toptar quryp, jumysty júıelendirgen bolatyn. Sonyń arqasynda qazir Teńiz kenishindegi ahýal  turaqtandy.

Jıyn sońynda oblys ákimi Mahambet Dosmuhambetov ásirese aýdan ákimderine saqtyq sharalaryn kúsheıtýdi tapsyrdy. Ár adamdy qaýipti indetten qorǵaýdyń mańyzyn atap ótken aımaq basshysy Covid-2019 ınfeksıasynyń taralýyna jol bermeý úshin árbir ákim óz basymen jaýap beretinin qadap eskertti. Karantınge jabylǵan aýdandarǵa medısınalyq kómek kórsetýdi, qajetti jabdyqtarmen qamamasyz etý kerek bolsa oblystyń kómektesýge daıyn ekenin de jetkizdi. Aımaq basshysy eń bastysy — halyqqa koronavırýstyń qaýipi týraly túsindirý jumystaryn bir sát te toqtatpaýdy júktedi.

Dúnıejúzlik densaýlyq saqtaý uıymynyń málimetinshe, 3 tamyzdaǵy jaǵdaı boıynsha álemde koronavırýs juqtyrǵandar sany 18 mıllıon adamǵa jýyqtady.

Vırýstan 686 703  adam kóz jumǵan.

İndetke shaldyqqandar sany jóninen AQSH kósh bastap tur. Munda 4,6 mln adam aýrý juqtyrǵan. Ekinshi orynda Brazılıa (2,7 mln), úshinshi orynda Úndistan (1,8 mln), tórtinshi orynda Reseı (854,6 myń) tur.

Elimizde koronavırýs juqtyrǵandar sany 13558 adamǵa jetip, 67 adam osy indentten kóz jumdy. Sondaı-aq, jalpy belgileri joq tasymaldaýshy 2529 adam tirkeldi.
Búgingi málimet boıynsha:
Qaraǵandy ​​oblysy - 52 (4,2%)
Shymkent qalasy - 30 (3,0%)
Nur Sultan qalasy - 27 (1,1%)
Almaty qalasy - 18 (0,6%)
Aqtóbe oblysy - 17 (4,0%)
Batys Qazaqstan oblysy - 15 (1,7%)
Qyzylorda oblysy - 14 (3,0%)
Mańǵystaý oblysy - 14 (4,1%)
Almaty oblysy - 13 (2,8%)
Shyǵys Qazaqstan oblysy - 11 (5,4%)
Pavlodar oblysy - 10 (3,5%)
Atyraý oblysy - 5 (0,4%)
Jambyl oblysy - 5 (1,1%)
Túrkistan oblysy - 5 (1,2%)
Aqmola oblysy - 2 (1,1%)
Qostanaı oblysy - 1 (0,5%)

Jalpy el boıynsha aýyrǵandar sany 13558, emdelip shyqqandar - 8345, kaıtys bolǵandar - 67.