Valúta baǵamy
  • USD -

    505.9
  • EUR -

    525
  • RUB -

    5.51
Qazaqstan Statı isine nukte qoıdy
Foto: ashyq kózden 18 jeltoqsan 2024
Qazaqstan Statı isine nukte qoıdy

Qazaqstan Úkimeti, Qazaqstan Respýblıkasynyń Ulttyq banki jáne Statı taraptary Qazaqstandaǵy munaı-gaz aktıvteri týraly uzaq merzimdi daýdy retteý úderisin sátti aıaqtady. Bul týraly Ádilet mınıstrligi habarlady.

Qol qoıylǵan Túpkilikti retteý týraly kelisim barlyq aǵymdaǵy daýlardy bolashaqta olardy qaıta bastaý quqyǵynsyz toqtatý úshin negiz bolyp tabylady. Kelisimniń naqty sharttary qupıa bolyp tabylady.

– Bul retteý jáne barlyq taraptar úshin ádil sheshý jolyn izdeý maqsatynda Qazaqstan Respýblıkasy qabyldaǵan tásil, bul el ınvestordyń quqyqtary saqtalatyn oryn bolyp tabylatynyn atap kórsetedi. Biz Prezıdent Qasym-Jomart Toqaevqa sheteldik ınvestorlardyń Qazaqstan týraly túsinigin ózgertýdegi kóshbasshylyǵy úshin alǵys aıtamyz. Biz bolashaqta jańa jobalarmen jumys isteýdi asyǵa kútemiz, - dedi CEO Argentem Creek Partners Denıel Chapman.

Argentem Creek Partners – Statı taraptarynyń ınvestısıalyq quraly Tristan Oil Limited-tiń kredıtorlary bolyp tabylatyn naqty qorlardyń ınvestısıalyq basqarýshysy.

– Uzaq daý aıaqtalǵannan keıin Qazaqstanda ekonomıkany damytý úshin, onyń ishinde ınvestısıalar tartý arqyly, qosymsha múmkindikter paıda bolady. Bul rette, men buryn atap ótkendeı, respýblıkalyq búdjetten retteý sheńberinde qarajat paıdalanylmady, - dedi Qazaqstan Ádilet mınıstri Azamat Esqaraev.

 

RELATED NEWS
Qazaqstanda 30-ǵa jýyq  «qylmys áleminiń bedeldileri» ustaldy
08 qańtar 2025
Qazaqstanda 30-ǵa jýyq «qylmys áleminiń bedeldileri» ustaldy

Qazaqstanda sońǵy eki jylda uıymdasqan qylmystyq toptardy qurý, basqarý jáne olarǵa qatysý faktileri boıynsha 120-dan astam qylmystyq is tirkeldi, sonyń ishinde 13-i transulttyq qylmystyq toptarǵa qatysty, dep habarlaıdy Ulys İİM silteme jasap.

Qylmystyq kodekstiń ártúrli baptary boıynsha 600-den astam qylmysker jaýapkershilikke tartyldy.

Budan bólek, halyqaralyq izdestirýde bolǵan uıymdasqan qylmystyq toptardyń 27 múshesi, ıaǵnı «qylmys áleminiń bedeldileri» ustaldy. Jaqyn shet elderden kelgen alty «zańdaǵy urynyń» Qazaqstan aýmaǵynda bolýynyń aldyn alyndy. Bopsalaý jáne basqa da aýyr qylmystardy jasaǵan 160 qylmystyq toptyń zańsyz áreketi toqtatyldy. Bopsalaý faktileri boıynsha barlyǵy 1300-den astam qylmystyq is qozǵaldy. 400-den astam adam saýdasymen baılanysty qylmystar anyqtaldy.

«Mınıstrlik uıymdasqan qylmystyq toptarmen kúresti jalǵastyrady jáne bul baǵytta naqty sharalar qabyldanatyn bolady», – dep atap ótti İİM.

Almatyda 20 jastaǵy álem chempıonyn óltirip ketti
25 jeltoqsan 2024
Almatyda 20 jastaǵy álem chempıonyn óltirip ketti

Kıkbokser, álem chempıony Álı Serik Almatyda adam qolynan qaza tapty, dep habarlaıdy Ulys polısıaǵa silteme jasap.

Bul aqparatty Almaty qalasynyń polısıa departamenti rastady. 

«Naýryzbaı aýdandyq polısıa basqarmasy 20 jastaǵy jigitti óltirý deregi boıynsha qylmystyq is qozǵady. Kúdikti ustalyp, ýaqytsha ustaý ızolátoryna qamaldy. Aldyn ala málimet boıynsha, tanystar arasynda janjal týyndap, nátıjesinde olardyń biri pyshaq qoldanǵan. Qylmystyq qarý tárkilendi. Oqıǵanyń basqa da mán-jaılary anyqtalyp jatyr», - delingen PD habarlamasynda.

Álı Serik 58 keli salmaqta baq synasqany belgili. Ol taı boksynan (mýaı-taı) álem chempıony.

Eriktiler qozǵalysynyń belsendisi ustaldy
14 qarasha 2024
Eriktiler qozǵalysynyń belsendisi ustaldy

Eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty tergeý júrgizilýde. Bul týraly Qarjylyq monıtorıń agenttigi habarlady.

«Ol kóktemgi sý tasqynynan zardap shekken azamattarǵa kómektesý úshin jınalǵan 1,5 mlrd teńgeden astam qarajatty jymqyrdy dep kúdiktelýde. Qaıyrymdylyqtyń negizgi bóligi qymbat sán buıymdary men jyljymaıtyn múlikti satyp alý maqsatyna paıdalanyldy. Bıyl kóktemde ol elordadaǵy avtosalondarda 88 mln teńgege „Mercedes-Benz S450“, 80 mln teńgege „Lexus LX-600“ jáne 39 mln teńgege „Haval“ avtokólikterin satyp aldy. Osy kezeńde ol jalpy somasy 600 mln teńgeni quraıtyn elordanyń premıým sanattaǵy „Akbulak Riviera“, „Highvill Ishim Gold“, „Kók Jaılaý“ TK (turaq oryndaryn qosa alǵanda), sondaı-aq „Vela Village“ kotej qalashyǵynda jyljymaıtyn múlik nysandaryn satyp aldy.Sonymen qatar, qazaqstandyqtardyń qaıyrymdylyqqa jibergen qarajat esebinen Perızat Q. Dýbaı, Doha, London jáne Stambýldaǵy „St. Regis“, „Shangri-La“, „Palazzo Versace“ jáne „Kempinski“ sıaqty bes juldyzdy qonaq úılerde demalǵan. Bul elderde ol „Cartier“ jáne „Louis Vuitton“ sıaqty brendterdiń qymbat aksesýarlary men zergerlik buıymdardy satyp alyp, feshenebeldi meıramhanalarǵa baryp, ıahtalardy jaldaǵan», — delingen agenttik habarlamasynda.

Qarjylyq monıtorıń agenttiginiń málimetinshe, kúdikti qylmystyq sqemany júzege asyrý úshin dostary men týystaryna 8% syıaqy berip, qordyń qarajatyn qolma-qol aqshaǵa aınaldyryp otyrǵan. Perızat Q. óziniń zańsyz áreketterimen eriktiler qozǵalysynyń bedeline nuqsan keltirip, onyń ashyqtyq pen adaldyq prınsıpterine kúmán keltirdi jáne halyqtyń senip tapsyrǵan qarajatyn talan-tarajǵa salǵan.

Kúdikti ustaldy.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.