Valúta baǵamy
  • USD -

    451.7
  • EUR -

    488
  • RUB -

    5.07
QAZAQSTAN MEN QYRǴYZSTAN SYRTQY İSTER MINISTRLERİ  KELİSSÓZ ÓTKİZDİ
23 tamyz 2019
QAZAQSTAN MEN QYRǴYZSTAN SYRTQY İSTER MINISTRLERİ KELİSSÓZ ÓTKİZDİ

Ortalyq Azıa elderi men AQSH SİM basshylarynyń «S5+1» formatyndaǵy kezdesýi aıasynda elordada Qazaqstan Respýblıkasy Syrtqy saıası vedomstvosynyń basshysy Beıbit Atamqulov Qyrǵyz Respýblıkasynyń Syrtqy ister mınıstri Chıngız Aıdarbekovpen kezdesý ótkizdi.

Syrtqy ister mınıstrliginiń resmı saıtynda jarıalanǵan materıaldarǵa qaraǵanda, kelissózder barysynda taraptar ekijaqty jáne kópjaqty kún tártibindegi ózekti máseleler boıynsha jan-jaqty pikir almasty. Atap aıtqanda, saýda-ekonomıkalyq, shekara mańy jáne sý-energetıka salalaryndaǵy yntymaqtastyq máseleleri talqylandy.

QR Syrtqy ister mınıstriniń 20 mamyrda Qyrǵyz Respýblıkasyna jáne Qazaqstan Premer-Mınıstriniń 2019 jylǵy 12 shildede Bishkekke jasaǵan resmı saparlary jáne onyń sheńberinde ótken Qazaqstan-qyrǵyz úkimetaralyq keńesi 8-shi otyrysynyń qorytyndysy boıynsha qol jetkizilgen ýaǵdalastyqtardy júzege asyrýdyń oń serpini qanaǵattanarlyqpen atap ótildi.

Aldaǵy joǵary deńgeıdegi halyqaralyq is-sharalardyń kestesi men olarǵa daıyndyq barysy muqıat qaraldy. Tıisti jospardy pysyqtaý arqyly parlamentaralyq ózara is-qımyldy kúsheıtý usynyldy. Qyrǵyz tarapy Elshiliktiń jańa ǵımaratyn salý úshin bólinetin jer ýchaskesin anyqtaýdy surady.

Taraptar ekijaqty kún tártibindegi ózekti máselelerdi jedel ilgeriletý úshin SİM basshylary deńgeıinde syndarly dıalogty jalǵastyrýǵa daıyn ekendikterin bildirdi.

Sýretter http://mfa.gov.kz saıtynan alyndy.

 

RELATED NEWS
BÚGİN — QYRǴYZSTANDA AQ QALPAQ KÚNİ
05 naýryz 2019
BÚGİN — QYRǴYZSTANDA AQ QALPAQ KÚNİ

Baýyrlas elge bara qalsańyz kópshiligi babalardan beri kele jatqan aq qalpaǵyn kıip júredi. Qyrǵyz belsendileri 2011 jyldan beri bul merekeni atap ótedi. Aq qalpaq kúnin tek  2016 jyly Jogorký Kenesh arnaıy qaýly qabyldap, resmm mereke retinde bekitti. Sodan beri ulttyq bas kıim kúni jyl ótken saıyn buqaralyq sıpatqa ıe bolýda. Bul baýyrlas eldiń ulttyq bas kıimge degen qurmeti, ulttyq tarıhqa, sanaǵa, bolmysqa degen eren mahabbaty bolsa kerek.  Ózderiniń aıtýynsha, aıyr qalpaqtyń tarıhy 700 jyldan asady. Jazda ystyq ótkizbeıtin, qysta basty jyly ustaıtyn bas kıim taýly aımaqtyń aýa- raıyna da qolaıly. Dál osy mereke kúni qyrǵyz baýyrlar aq qalpaqtaryn kıip júrýge tyrysady. Tipti bıliktegiler men Parlament depýttattaryn da aq qalpaqpen kórseńiz tań qalmańyz. Al bizdiń elimiz de byltyrdan bastap 1-shildeni «Ulttyq dombyra kúni» retinde atap ótetin boldy. Prezıdent N.Nzarbaev atalǵan merekege qatysty arnaıy qaýlyǵa qol qoıǵan bolatyn.

 

Qazaqstan postkeńestik keńistikte óziniń shekarasyn tolyq delımıtasıa jasaǵan jalǵyz memleket – Toqaev
15 tamyz 2022
Qazaqstan postkeńestik keńistikte óziniń shekarasyn tolyq delımıtasıa jasaǵan jalǵyz memleket – Toqaev

QR Prezıdenti Qasym-Jomart Toqaev Ortalyq Azıa memleketteri basshylarynyń konsýltatıvtik kezdesýine qatysty, dep habarlaıdy Aqorda.

Qasym-Jomart Toqaev Konsýltatıvtik kezdesýlerdiń halyqaralyq saıasattyń mańyzdy faktoryna aınalǵanyn atap ótip, onyń memleketter basshylaryna aımaqtyń odan ári damý baǵytyn ózara senimge negizdelgen rýhta aıqyndaýǵa múmkindik beretinine toqtaldy. Onyń aıtýynsha, qubylmaly geosaıası jáne álemdik ekonomıkanyń turaqsyzdyǵy jaǵdaıynda ótken kezdesý Ortalyq Azıa elderiniń yntymaǵy berik ekenin kórsetedi. Sondaı-aq jańa syn-qaterler men qaýipterge birlesip qarsy turýǵa degen ortaq umtylysymyzdy bildiredi.  

– Bizdiń qatynastarymyzdyń erekshe sıpaty Ortalyq Azıany HHİ ǵasyrda damytýdy kózdeıtin dostyq, tatý kórshilik jáne yntymaqtastyq týraly búgin qabyldanatyn shartta bekitilgen. Bul qujat mazmuny men tarıhı perspektıvasy turǵysynan biregeı sanalady. Oǵan elderimiz arasyndaǵy memleketaralyq dıplomatıalyq qatynastardyń 30 jyldyǵynda qol qoıylýynyń sımvoldyq máni bar. Bul tarıhı qujat besjaqty strategıalyq seriktestigimizdiń jańa kezeńine qadam basqanymyzdy bildiredi, – dep atap ótti Qazaqstan Prezıdenti.  

Qaýipsizdik jáne dıplomatıa salasyndaǵy ózara is-qımyldardy nyǵaıtý kún tártibindegi negizgi másele retinde ataldy. Prezıdenttiń aıtýynsha, Ortalyq Azıa ornyqty áleýmettik-ekonomıkalyq damýdyń, jan-jaqty yntymaqtastyqtyń, beıbitshilik pen órkendeýdiń keń aımaǵyna aınalýǵa tıis.

Qasym-Jomart Toqaevtyń pikirinshe, memleketter basshylary óńirdegi áli de saqtalyp otyrǵan turaqsyzdyq faktorlaryn barynsha joıý úshin barlyq múmkindikti jasaýy kerek.

– Memleketaralyq shekaralardaǵy árbir myltyq daýsynyń jańǵyryǵy eki elge ǵana emes, búkil óńirge jaǵymsyz áser etedi. Kerisinshe, dál qazirgi daǵdarys jaǵdaıynda memleketterimiz qaıshylyqtardy eńserý isinde órkenıettiliktiń, jaýaptylyqtyń úlgisin kórsetýge tıis. Shekarany zańdy túrde rásimdeý úderisiniń óte kúrdeli ári qıyn ekenin óz tájirıbemizden bilemiz. Daýly máseleler shynaıy tatý kórshilik pen halyqaralyq quqyqtyń irgeli qaǵıdattaryna qurmet kórsetý arqyly tek qana beıbit jolmen sheshilýi múmkin. Bunyń basqa joly joq, – dedi Prezıdent.

Onyń aıtýynsha, Qazaqstan postkeńestik keńistikte óziniń shekarasyn tolyq delımıtasıa jasaǵan jalǵyz memleket retinde ózara tıimdi sheshimder izdestirýge barynsha kómektesýge daıyn.

Memleket basshysy kópjaqty yqpaldastyqtyń berik ekonomıkalyq bazasyn qalyptastyrý ózekti mindet bolyp qala beretinine nazar aýdardy.

– Sońǵy 5 jylda Qazaqstan men Ortalyq Azıa elderi arasyndaǵy taýar aınalymy 42 paıyzǵa artyp, 6,3 mıllıard dollarǵa jetti. Ózara saýda-sattyqty keńeıtý úshin zor múmkindikter bar ekenin eskere otyryp, aldaǵy ýaqytta bul kórsetkishti 15 mıllıard dollarǵa deıin jetkizýge nıettimiz, – dedi Qasym-Jomart Toqaev.

Qazaqstan Prezıdenti ekonomıkalyq áleýetti jáne tıimdi geografıalyq ornalasýdyń artyqshylyǵyn tolyq paıdalaný úshin qurylymdyq jáne ınfraqurylymdyq shekteýlerdi joıýdy kózdeıtin ózara tyǵyz yqpaldastyqty jolǵa qoıýdyń mańyzdy ekenine nazar aýdardy.  

Memleket basshysy aımaqtyń transporttyq baılanysyn arttyrý jáne tranzıt sharttaryn birtindep jaqsartý qajet dep sanaıdy. Sondaı-aq Prezıdent ǵylym jáne bilim salasyndaǵy yqpaldastyqty keńeıtýge shaqyrdy.

– Búgingi Samıttiń qorytyndysy Ortalyq Azıadaǵy beıbitshilik, qaýipsizdik jáne órkendeý úshin aımaqtyq kooperasıany damytýdyń jańa kezeńi bolady dep sanaımyn. Qazaqta «Tatýlyq – taýsylmas baqyt» degen danalyq bar. Ýaqyt synyna tótep bergen tyǵyz ári senimdi qarym-qatynasymyz, ortaq tarıhı jáne rýhanı tamyrymyz elderimiz arasyndaǵy dostyǵymyzdyń sarqylmas kózi bolatynyna senemin, – dedi Qasym-Jomart Toqaev.

Sonymen qatar Konsýltatıvtik kezdesýde Qyrǵyz Respýblıkasynyń Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıóev sóz sóıledi.

Kezdesý qorytyndysy boıynsha Ortalyq Azıa memleketteri basshylarynyń Konsýltatıvtik kezdesýiniń birlesken málimdemesi, Óńirlik yntymaqtastyqty damytýdyń 2022-2024 jyldarǵa arnalǵan jol kartasy, Ortalyq Azıa memleketteriniń kópjaqty formattar aıasyndaǵy ózara is-qımyldar tujyrymdamasy, Ortalyq Azıaǵa arnalǵan «Jasyl kún tártibi» aımaqtyq baǵdarlamasy qabyldandy.

Budan bólek Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne Ózbekstan Respýblıkasy arasyndaǵy Ortalyq Azıany HHİ ǵasyrda damytýdy kózdeıtin dostyq, tatý kórshilik jáne yntymaqtastyq týraly shart kelisildi jáne oǵan qol qoıý rásimi bastaldy.

Sonymen qatar Araldy qutqarý halyqaralyq qorynyń quryltaıshy memleketteri basshylarynyń Araldy qutqarý halyqaralyq qory prezıdentiniń ókilettikterin uzartý týraly sheshimge qol qoıyldy.

QASYM-JOMART TOQAEV QYRǴYZ RESPÝBLIKASYNYŃ PREZIDENTİMEN KEZDESTİ
28 mamyr 2019
QASYM-JOMART TOQAEV QYRǴYZ RESPÝBLIKASYNYŃ PREZIDENTİMEN KEZDESTİ

Memleket basshysy Qasym-Jomart Toqaev Qyrǵyz Respýblıkasynyń Prezıdenti Sooronbaı Jeenbekovpen kezdesti. Bul týraly málime akorda.kz saıtynda jarıalandy.

Kezdesýde eki el arasyndaǵy yntymaqtastyq pen halyqaralyq uıymdar aıasyndaǵy birlesken is-qımyl máseleleri talqylandy.

– Bizdiń elderimizdiń yntymaqtastyǵy artyp keledi.  Úkimetaralyq, parlamentaralyq deńgeıde jumys istep kelemiz. Álemdik jáne aımaqtyq uıymdarda da birgemiz. Táýelsizdik jyldarynda qalyptasqan tyǵyz qarym-qatynasty men odan ári damytýǵa bar kúsh jigerimdi salamyn, – dedi Qazaqstan Prezıdenti.

Qyrǵyz Respýblıkasynyń Prezıdenti jyly kezdesýge rızashylyǵyn bildirip, memleketaralyq baılanystardyń dostyq sıpatyn atap ótti.

– Alystaǵy aǵaıynnan jaqyndaǵy kórshini artyq kóretin biz Qazaqstanmen aradaǵy yntymaqtasty odan ári damytýǵa múddelimiz. Búginde úkimetaralyq jol kartasy boıynsha jumystar atqarylýda. Ózińizdi Qyrǵyz Respýblıkasyna saparmen kelýge shaqyramyz, – dedi Sooronbaı Jeenbekov. 

Sýretter akorda.kz saıtynan alyndy.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.