Valúta baǵamy
  • USD -

    501.5
  • EUR -

    545
  • RUB -

    5.83
QAZAQSTAN ELSHİSİ TÚRKIA PARLAMENTİ  TÓRAǴASYMEN KEZDESTİ
04 sáýir 2019
QAZAQSTAN ELSHİSİ TÚRKIA PARLAMENTİ TÓRAǴASYMEN KEZDESTİ

Búgin Qazaqstannyń Túrkıadaǵy Elshisi Abzal Saparbekuly Túrkıa Uly Ulttyq Májilisiniń tóraǵasy Mustafa Shentoppen kezdesti. Taraptar  Qazaqstan men Túrkıanyń ekijaqty jáne kópjaqty yntymaqtastyǵyna qatysty birqatar máseleler talqylandy. Bul týraly aqparat elimizdiń Syrtqy ister mınıstrliginiń saıtynda jarıalandy.

A. Saparbekuly M. Shentopqa Qazaqstanda sońǵy kezde bolyp jatqan mańyzdy oqıǵalar týraly baıandap berdi. Bule rette qazaq dıplomaty elimizde saıası sabaqtastyqtyń saqtalyp otyrǵandyǵyna, Elbasynyń syndarly  ishki jáne syrtqy saıası baǵytynyń jalǵasatyndyǵyna nazar aýdardy. Elshi Saparbekuly bıyl Nursultan Nazarbaev usynǵan eýrazıalyq yntymaqtastyq ıdeıasyna 25 jyl tolyp otyrǵanyn aıtyp, M. Shentopqa aldaǵy qyrkúıek aıynda Nur-Sultanda ótetin Eýrazıa elderi parlament spıkerleriniń 4-shi jınalysyna resmı shaqyrý hatyn tabystady.

Óz kezeginde, túrik Parlamentiniń spıkeri Nursultan Nazarbaevtyń táýelsiz Qazaqstandy damytýdaǵy orasan zor rol atqarǵanyn tilge tıek ete otyryp, Elbasynyń prezıdenttik ókilettikti toqtatý boıynsha sheshiminiń strategıalyq mańyzdylyǵyna toqtaldy. M. Shentop Qazaqstannyń Tuńǵysh Prezıdentiniń qazaq-túrik baılanystaryn, sondaı-aq Túrki álemindegi yntymaqtastyqty ilgeriletýge qosqan úlken aıryqsha atap ótip, Túrkıa Prezıdenti R.T. Erdoǵannyń N.Á. Nazarbaevtyń otstavkaǵa ketýi týraly habardy muńaıa qabyldaǵanyn aıtty.

Sonymen birge M. Shentop Prezıdent Qasym-Jomart Toqaevtyń úlken tájirıbesin ataı otyryp, elderimiz arasyndaǵy strategıalyq áriptestiktiń budan keıin de nyǵaıa beretinine degen senimin bildirdi. Túrkıa Parlamentiniń Tóraǵasy Qazaqstan Parlament Senatynyń Tóraǵasy D. Nazarbaevany telefon arqyly quttyqtap, jaýapty qyzmetinde sáttilik tilegenin atap ótti.

Taraptar eki el arasyndaǵy saıası, saýda-ekonomıkalyq, zańshyǵarýshylyq salalaryndaǵy yntymaqtastyq máselelerine toqtaldy. Atap aıtqanda, M. Shentop Astanada ornalasqan Azyq-túlik qaýipsizdigi jónindegi Islam Uıymynyń jarǵysyn maquldaýǵa qatysty tıisti zańnyń Túrkıa Parlamentinde jýyq arada qabyldanatynyn jetkizdi.

RELATED NEWS
Túrkıada taǵy memlekettik tóńkeris bolýy múmkin ekeni aıtylýda
15 mamyr 2024
Túrkıada taǵy memlekettik tóńkeris bolýy múmkin ekeni aıtylýda

Túrkıada memlekettik tóńkeris bolýy múmkin. Osyǵan baılanysty el prezıdenti Rejep Taıyp Erdoǵan Túrkıanyń barlaý jáne Ádilet mınıstrliginiń basshylarymen shuǵyl otyrys ótkizdi, dep habarlaıdy Ulys túrkıalyq basylymdarǵa silteme jasap.

Túrik ultshyldarynyń jetekshisi Devlet Bahchelı2016 jyldyń shildesinde eldi dúrliktirgen memlekettik tóńkeris qaıtalanýy múmkin ekenin eskertti.

Bir kún buryn Ankara Bas prokýratýrasy "Aıhan Bora Kaplan" qylmystyq uıymyna qatysy bar degen kúdikpen  úsh polıseıge qatysty tergeý bastady. Olardyń úılerinde tintý júrgizildi.

Türkiye gazeti óz kezeginde "Aıhan Bora Kaplan" uıymymen baılanysta boldy dep aıyptalǵan Ankara qaýipsizdik basqarmasynda birqatar polısıa qyzmetkerleriniń jumystan shyǵarylýyna baılanysty Túrkıada úlken qarsylyq kórsetilgenin jazady. Olardyń úılerinde sıfrlyq materıaldardy alý maqsatynda tintý júrgizildi.

"Prezıdent Erdoǵan Ádilet mınıstri Iylmaz Týndjmen jáne Ulttyq barlaý uıymynyń basshysy Ibragım Kalynmen Bahchelıdiń málimdemesinen keıin Memleket basshysynyń rezıdensıasynda shuǵyl túngi otyrys ótkizdi", — dep jazady Türkiye.

Erdoǵan el Parlamentinde sóz sóıleıdi dep kútilýde.

Túrkıada terakt bolyp, 5 adam kóz jumdy
24 qazan 2024
Túrkıada terakt bolyp, 5 adam kóz jumdy

Keshe keshkisin Túrkıa Ankaradaǵy TUSAŞ aeroǵarysh kompanıasy shtab-páteriniń mańynda qatty jarylys bolǵan. Bul týraly Anadoly agenttigi habarlady. 

Túrkıa İİM jarylystan qaza tapqandar men jaralanǵandar baryn aıtady. Al el bıligi oqıǵany "terakt" dep atady. 

Túrkıanyń ishki ister mınıstri Alı Ierlıkaıa habarlaýynsha,  terakt saldarynan 5 adam qaza taýyp, taǵy 22 adam jaraqat alǵany aıtylǵan.

Shabýyldy jasaǵan eki lańkes óltirildi. Lańkesterdiń biri áıel.

Biz Túrkıamen ózara tıimdi yntymaqtastyqty odan ári keńeıtýge múddelimiz – Úkimet
26 sáýir 2024
Biz Túrkıamen ózara tıimdi yntymaqtastyqty odan ári keńeıtýge múddelimiz – Úkimet

Qazaqstan Premer-Mınıstri Oljas Bektenov jumys saparymen Ankaraǵa bardy. Basty maqsat – qazaq-túrik yntymaqtastyǵynyń sapaly damýyn qamtamasyz etý jáne Memleket basshysy Qasym-Jomart Toqaev qoıǵan eldiń ekonomıkalyq ósýin jedeldetý jónindegi mindetke qol jetkizý úshin jańa perspektıvaly salalardaǵy ózara is-qımyl áleýetin ashý. Bul rette astyqty tereń óńdeý, kómir hımıasy, munaı-gaz ónerkásibi, munaı-hımıa jáne basqa salalardaǵy birlesken jobalar qosylǵan quny joǵary ónimder shyǵarýǵa múmkindik beredi.

Oljas Bektenov Ankara qalasynda Túrik Respýblıkasy basshysynyń qabyldaýynda boldy, Túrkıanyń Vıse-prezıdentimen kelissózder júrgizdi, iri túrik kompanıalary men holdıńteriniń ókilderimen kezdesýde ınvestısıalyq yntymaqtastyq máselesin talqylady, sonymen qatar qazaq-túrik bıznes-forýmynda sóz sóıledi.

Qabyldaý barysynda Oljas Bektenov Túrkıa Prezıdenti Rejep Taıyp Erdoǵanǵa Qazaqstan Prezıdenti Qasym-Jomart Toqaevtyń ystyq sálemi men izgi tilekterin jetkizdi. Eki memleket basshylary deńgeıinde keńeıtilgen strategıalyq áriptestik rýhynda ózara is-qımyldy damytý boıynsha qol jetkizilgen ýaǵdalastyqtar saýda-ekonomıkalyq, ınvestısıalyq, energetıkalyq, kólik-logıstıkalyq, agrarlyq jáne mádenı-gýmanıtarlyq yntymaqtastyqtyń barlyq salalarynda belsendi iske asyrylatyny atap ótildi.

Úkimetaralyq kelissózder barysynda Qazaqstan Premer-Mınıstri Oljas Bektenov pen Túrkıa Vıse-prezıdenti Djevdet Iylmaz ózara tıimdi áriptestikti damytýdyń naqty sharalaryn talqylady, sondaı-aq tranzıt jáne kólik, AÓK, óńdeý ónerkásibi, sıfrlandyrý jáne týrızm salalaryndaǵy yntymaqtastyqtyń perspektıvalaryn keńeıtýge daıyn ekenderin jetkizdi.

Túrkıanyń bıznes-qoǵamdastyq ókilderimen kezdesýdiń basty taqyryby perspektıvalardy talqylaý jáne jańa baılanys núktelerin anyqtaý boldy. 

Dóńgelek ústelge iri kompanıalar basshylyǵy, túrik bıznesiniń alyptary: YDA Holding qurylys kompanıalary tobynyń basqarma tóraǵasy Hýseın Arslan, álemdik hrom ónerkásibindegi tórtinshi iri kompanıa – Yildirim Holding ónerkásiptik toptyń basqarma tóraǵasy Robert Iýksel Iyldyrym, álemdegi eń iri aýyl sharýashylyǵy daqyldaryn óndirý jáne eksporttaý kompanıalarynyń biri Tiryaki Holding basqarma tóraǵasy Ahmet Tırıakıoglý, jetekshi túrik logıstıkalyq kompanıasy S Sisitem Lojistik basqarma tóraǵasy Hýseın Barlın, Abdi Ibrahim holdıńtik tobynyń bas atqarýshy dırektory, Túrkıanyń farmasevtıkalyq naryǵynyń kóshbasshysy Súha Tashpolatoglý, farmasevtıkalyq ónimderdiń jetekshi óndirýshisi Nobel ILAC basqarma múshesi Samı Týrkoglý jáne t.b. qatysty.

Ekijaqty dıalog ári qaraı isker toptardyń 500-den astam ókiliniń qatysýymen ótken bıznes-forým aıasynda jalǵasty, onyń barysynda túrik kásipkerleri Qazaqstannyń ınvestısıalyq ahýalymen jáne ınvestorlardy memlekettik qoldaý sharalarymen tanysty. Búginde jalpy quny shamamen $3,8 mlrd bolatyn 100-ge jýyq birlesken qazaq-túrik ınvestısıalyq jobasy iske asyrylýda.

Oljas Bektenov bıznes ókilderine elimiz mańyzdy jobalardy iske asyrýǵa qoldaý kórsetýge daıyn ekendigin atap ótti.

«Elimizdiń ınvestısıalyq áleýeti zor jáne biz Túrkıamen ózara tıimdi yntymaqtastyqty odan ári keńeıtýge múddelimiz. Qazaqstan Úkimeti ozyq tehnologıalardy transfertteý, óndiristerdi lokalızasıalaý jáne tereń óńdeý klasterlerin qurýǵa nıetti. Atalǵan baǵytta yntymaqtastyqqa daıyn ınvestorlarǵa qajetti resýrstar usynylady jáne ınfraqurylymmen qamtamasyz etilip, qoldaý kórsetilmek. Qazaqstan Úkimeti elimizge bıznes júrgizý úshin kelgenderdiń barlyǵyna senimdi seriktes bolýǵa daıyn», — dep atap ótti QR Premer-Mınıstri.

QR Úkimetiniń basshysy kásipkerlerdiń nazaryn neǵurlym perspektıvaly salalarǵa aýdardy. Olardyń ishinde munaı-gaz hımıasy, kómir hımıasy, óndiristi lokalızasıalaýdy tereńdetýge jáne shyǵarylatyn tehnıkanyń modeldik qataryn keńeıtýge baǵyttalǵan mashına jasaý salasyna basymdyq berildi. 

«Túrkıa men baýyrlas Qazaqstan arasyndaǵy saýda-ekonomıkalyq qarym-qatynasta oń dınamıka baıqalady. Bul – bıznes ókilderiniń, ınvestorlardyń, eksporttaýshylardyń úlken eńbegi. Búgingi kelissózderdiń erekshe mańyzdylyǵyn atap ótkim keledi. Bizdiń elderimizdiń úkimetteri ekonomıkany damytý boıynsha birlesken kúsh-jiger jumsaýdy jáne bızneske jan-jaqty járdem kórsetýdi jalǵastyrady. Jańa kelisimderdiń arqasynda Qazaqstan men Túrkıanyń yntymaqtastyǵy keńeıetinine senimdimin», — dep atap ótti Túrkıa Respýblıkasynyń Vıse-prezıdenti Djevdet Iylmaz.

Bıznes-forým nátıjesinde Qazaqstan men Túrkıa delegasıalary basshylarynyń qatysýymen jalpy quny $180 mln-nan astam ınvestısıalyq yntymaqtastyq salasyndaǵy komersıalyq 10 qujatqa qol qoıyldy. Onyń ishinde daıyn ónimdi eksporttaý jónindegi memorandým, logıstıkalyq hab salý týraly kelisimder, sondaı-aq kalsılendirilgen soda, jańbyrlatyp sýarý jabdyqtaryn, toqyma emes materıaldar shyǵaratyn birqatar zaýyttar salý týraly, sýarý jabdyqtaryn qurastyrý boıynsha kelisimder bekitildi. Sonymen qatar tuqym sharýashylyǵy salasyndaǵy ozyq tájirıbe almasý, sondaı-aq tuqym jetkizý perspektıvalary týraly kelisimge qol qoıyldy.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.