22-23 tamyz kúnderi Qazaqstan prezıdenti Tájikstan respýblıkasyna memlekettik saparmen barady, dep habarlaıdy Ulys.
«Memleket basshysy Qasym-Jomart Toqaev pen prezıdent Emomalı Rahmon Qazaqstan men Tájikstan arasyndaǵy strategıalyq seriktestiktiń qazirgi jaı-kúıi men damý perspektıvasyn talqylaıdy. Sondaı-aq eki eldiń caıası, saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn nyǵaıtýdy kózdeıtin birqatar qujatqa qol qoıylady dep josparlanyp otyr», - dep habarlady Aqorda.
Qasym-Jomart Toqaev pen Emomalı Rahmonǵa elektrondyq úkimet salasyndaǵy yntymaqtastyq týraly esep berildi, dep habarlaıdy Aqorda.
Prezıdentterge bıyl eki eldiń mamandary Internet-resýrstardyń biryńǵaı platformasy men SmartBridge júıeleriniń negizgi komponentterin Tájikstan serverlerinde sátti ornalastyrǵany jóninde baıandaldy.
Qazaqstannyń Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev pen Tájikstannyń Inovasıalar jáne sıfrlyq tehnologıalar agenttiginiń dırektory Mırzo Hýrshed tájik mamandarynyń arnaıy oqý kýrsynan ótkenin jetkizdi. Qazir Tájikstannyń memlekettik organdaryna arnalǵan saıttardy ázirleý jumystary qolǵa alynyp, IT-sheshimderdi ıntegrasıalaý isi egjeı-tegjeıli pysyqtalyp jatyr.
Qasym-Jomart Toqaev pen Emomalı Rahmonǵa memlekettik qyzmetterdiń qoljetimdiligin jáne tıimdiligin arttyrý úshin jasandy ıntellekt tehnologıalaryn paıdalaný múmkindikteri jaıynda málimet berildi. Bul eki el arasyndaǵy yntymaqtastyqtyń eń perspektıvti baǵytynyń biri bolmaq.
QR Prezıdentin Dýshanbe áýejaıynda Tájikstan Prezıdenti Emomalı Rahmon qarsy aldy, dep habarlaıdy Aqorda.
Sapar aıasynda shaǵyn quramda jáne eki el úkimetteri delegasıalarynyń qatysýymen joǵary deńgeıde kelissózder ótedi.
Sondaı-aq eki eldiń caıası, saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn nyǵaıtýdy kózdeıtin birqatar qujatqa qol qoıylady dep josparlanyp otyr.
QR Prezıdenti Qasym-Jomart Toqaevtyń memlekettik saparynyń ekinshi kúni Tájikstannyń Madjlısı namoıandagon Madjlısı Olı tóraǵasy Mahmadtoır Zokırzodamen kezdesýden bastaldy, dep habarlaıdy Aqorda.
Memleket basshysy qazaq-tájik qatynastary qarqyndy damyp kele jatqanyn atap ótti. Qasym-Jomart Toqaev keshe Odaqtastyq qatynastar týraly shartqa qol qoıylǵanyna nazar aýdaryp, bul ekijaqty yntymaqtastyqtyń múldem jańa kezeńine bastaý bolatynyn aıtty.
– Bul qujattyń tarıhı mańyzy zor. Osy arqyly alǵa qaryshtap qadam basamyz. Prezıdent, qurmetti Emomalı Rahmonnyń parlamentaralyq baılanysty jandandyrý týraly usynysyn qoldaımyn. Ózińizdi elimizdiń shynaıy dosy retinde bilemiz. Óıtkeni Sizdiń stýdenttik shaǵyńyz Qazaqstanda ótti. Sondyqtan bizdiń baılanysymyz parlamentter deńgeıinde jandanyp, ekijaqty yntymaqtastyq pen odaqtastyqtyń eń mańyzdy bóligine aınalady dep úmittenemiz, – dedi Prezıdent.
Tájikstan Parlamenti tómengi palatasynyń spıkeri eki eldiń zań shyǵarýshy organdary arasyndaǵy baılanystardy damytýǵa jan-jaqty qoldaý kórsetkeni úshin Memleket basshysyna rızashylyǵyn bildirdi.
– Ózińizben kezdeskenime qýanyshtymyn. Prezıdentimiz, qurmetti Emomalı Rahmonmen shynaıy dostyǵyńyz memleketterimizdiń arasyndaǵy jan-jaqty yntymaqtastyq pen tatýlyqty nyǵaıtýǵa qyzmet etip keledi. Qazaqstan – Tájikstannyń senimdi dosy, strategıalyq seriktesi. Sizdiń bul saparyńyz ekijaqty qatynastardyń qarqyndy damyp kele jatqanyn kórsetedi. Biz buǵan erekshe mán beremiz. Sapar aıasynda 16 qujatqa, sonyń ishinde tarıhı máni zor Odaqtastyq qatynastar týraly shartqa qol qoıyldy, – dedi Mahmadtoır Zokırzoda.
Tájikstannyń Madjlısı namoıandagon Madjlısı Olı tóraǵasy Mahmadtoır Zokırzoda parlamentaralyq yqpaldastyqty odan ári nyǵaıtýǵa, sharttyq-quqyqtyq bazany keńeıtýge, eki el parlamentteri arasyndaǵy dostyq toptarynyń baılanysyn jandandyrýǵa kúsh salýǵa daıyn ekenin rastady.
Áńgimelesý barysynda saıası, saýda-ekonomıkalyq, mádenı-gýmanıtarlyq salalarda qol jetkizilgen ýaǵdalastyqtardy quqyqtyq turǵydan qamtamasyz etý máselesi talqylandy.
