Valúta baǵamy
  • USD -

    522.5
  • EUR -

    547.5
  • RUB -

    5.29
Qasym-Jomart Toqaev Qazaqstannyń Olımpıada jáne Paralımpıada ulttyq quramalarynyń múshelerimen kezdesti
21 qańtar 2022
Qasym-Jomart Toqaev Qazaqstannyń Olımpıada jáne Paralımpıada ulttyq quramalarynyń múshelerimen kezdesti

Qasym-Jomart Toqaev Qazaqstannyń Olımpıada jáne Paralımpıada ulttyq quramalarynyń múshelerimen kezdesti, dep habarlaıdy Aqorda.

Memleket basshysy jýyrda Beıjiń qalasynda ótetin HHİV qysqy Olımpıada jáne Paralımpıada oıyndarynyń barsha sportsúıer qaýym úshin aıtýly oqıǵa ekenine toqtalyp, Qazaqstan osy saıysqa eń úzdik sportshylaryn attandyratynyn atap ótti.

– Dúbirli dodada el namysyn qorǵaý – mártebeli mindet ári zor jaýapkershilik. Bizdiń sportshylarymyz Olımpıada oıyndarynda talaı ret jeńis tuǵyryna kóterildi. Kók týymyzdy jelbiretip, ánuranymyzdy áýeletti. Sondaı sátte árbir azamatymyzdyń keýdesin maqtanysh sezimi kerneıtini sózsiz. Sizder aldaǵy saıysta halqymyzdyń senimin aqtaısyzdar dep senemin, – dep jigerlendirdi Prezıdent.

Memleket basshysy buǵan deıin Qazaqstan atletteriniń qysqy Olımpıada jáne Paralımpıada oıyndarynda jalpy 2 altyn, 4 kúmis jáne 4 qola medal oljalaǵanyn atap ótip, Olımpıada tarıhynda esimderi altyn árippen jazylǵan Vladımır Smırnov, Lúdmıla Prokasheva, Elena Hrýstaleva, Denıs Ten jáne Iýlıa Galysheva syndy sportshylardyń dańqty jeńisteri azamattarymyzdyń patrıottyq sezimin arttyrǵanyn aıtty.

– Aldaǵy Olımpıadada sizder de laıyqty óner kórsetetinderińizge senimdimin. Paralımpıadashylar úshin de mańyzdy sát jaqyndady. Elimizde ınklúzıvti qoǵamdy damytý jolynda Paralımpıada oıyndarynyń mańyzy zor. Qazaqstandyq paralımpıadashylardyń jeńisteri – maqsatqa umtylýdyń, tabandylyq pen óz kúshine degen senimniń úlgisi. Ókinishke qaraı, bizdiń sportshylardyń sońǵy daıyndyq kúnderi qańtardaǵy qaıǵyly oqıǵalarmen tuspa-tus keldi. Eń bastysy, yntymaq pen birliktiń arqasynda bizdiń halqymyz memlekettiń tutastyǵyna nuqsan keltiretin lańkestikke laıyqty toıtarys bere aldy. Biz búkil el bolyp ulttyq quramaǵa jankúıer bolatyn jarys kúnderi de jalpyulttyq birligimizdi kórsetetinimizdi bilemin, – dedi Memleket basshysy.

Prezıdent sportshylardyń Olımpıada joldamasy jolynda jankeshtilikpen eńbektengenine toqtalyp, olardyń kásibı turǵydan jetile túsýine bar kúshin salǵan bapkerlerdiń de eńbegin atap ótti.

– Endi týystaryńyz ben jaqyndaryńyzdyń ǵana emes, mıllıondaǵan qazaqstandyq jankúıerdiń úmitin aqtaý kerek. Sizderdiń jeńiske degen jigerlerińiz – óskeleń urpaqqa úlgi, – dedi Qasym-Jomart Toqaev.

Memleket basshysy buqaralyq jáne balalar men jasóspirimder sporty árdaıym elimizdiń basym baǵyty ekenin aıtty. Byltyrdan bastap óziniń tapsyrmasyna sáıkes sport salasyndaǵy memlekettik tapsyrystar boıynsha jan basyna  qarjy bólý iske qosylǵanyna toqtaldy.

– Bul sheshim sport seksıalary men aýla klýbtarynyń damýyna tyń serpin berdi. Ózderińiz bilesizder, 2022 jyldy Balalar jyly dep jarıaladym. Óskeleń urpaqtyń úılesimdi damýyn qamtamasyz etý úshin memleket pen qoǵam kúsh biriktirýi qajet. Qolǵa alynǵan osy is-áreketter balalarymyzdyń densaýlyǵyn nyǵaıtýǵa, olardy rýhanı, adamgershilik turǵysynan tárbıeleýge septigin tıgizerine senimdimin, – dedi Prezıdent.

Kezdesý sońynda Olımpıada quramasynyń kapıtany Abzal Ájiǵalıev pen Paralımpıada quramasynyń kapıtany Aleksandr Gerlıs Prezıdenttiń qolynan Memlekettik tý alyp, ant berdi.

Qasym-Jomart Toqaev sportshylarymyzdyń kók týymyzdy Olımp shyńyna shyǵaryp, memleketimizdiń mereıin kótere berýine tilektestik bildirdi.            

RELATED NEWS
Parıj Olımpıadasyna 80 sportshy barady
09 shilde 2024
Parıj Olımpıadasyna 80 sportshy barady

Memleket basshysy Qasym-Jomart Toqaev Týrızm jáne sport mınıstri Ermek Marjyqpaevty qabyldady, dep habarlaıdy Ulys Aqordaǵa silteme jasap.

Ermek Marjyqpaev prezıdentke Qazaqstan quramasynyń HHHİİİ jazǵy Olımpıada oıyndaryna daıyndyǵy týraly esep bergen.

Derekkózge súıensek, Qazaqstan ulttyq quramasy sporttyń 25 túrinen 92 lısenzıa ıelengen. Parıjde barlyǵy 80 sportshy el namysyn qorǵaıdy.

«Memleket basshysy Olımpıada oıyndarynyń sportshylarymyzǵa zor jaýapkershilik júkteıtinin atap ótti. Sondaı-aq Qazaqstan quramasy álem aldynda mádenıetti, ustamdy ári ozyq úlgilerimen erekshelenýge tıis ekenine nazar aýdardy», - delingen habarlamada.

Qazaqstandyq Paralımpıada oıyndarynyń kúmis júldesin aldy
31 tamyz 2024
Qazaqstandyq Paralımpıada oıyndarynyń kúmis júldesin aldy

Qazaqstandyq para sportshy Erkin Ǵabbasov Paralımpıada oıyndarynyń kúmis júlde aldy, dep habarlaıdy Ulys Paralımpıadalyq komıtetke silteme jasap.

Fınalda R1 klassynda vıntovkamen 10 metrge para nysana kózdeýden synǵa túsken otandasymyz 247.7 upaı jınap, kúmis júlde jeńip aldy. 

Altyn medaldy 249.4 upaı jınaǵan Koreıa sportshysy Park Dj, al qola medal 226 upaı jınaǵan Danıa eliniń sportshysy enshiledi. 

Qazaqstandyq Parıjde Paralımpıada oıyndarynyń chempıony atandy
04 qyrkúıek 2024
Qazaqstandyq Parıjde Paralımpıada oıyndarynyń chempıony atandy

Qazaqstandyq Davıd Degtárev Parıjdegi Paralımpıada oıyndarynyń chempıony atandy, dep habarlaıdy Olympic.kz. 

Ol paýerlıftıngten 54 kelige deıingi salmaq dárejesinde top  jardy. Onyń eń úzdik nátıjesi – 188 keli. 

Aıta ketelik, Degtárev óz mansabynda ekinshi ret Paralımpıada oıyndarynda jeńiske jetip otyr. Buǵan deıin ol Tokıodaǵy para oıyndarda top jarǵan edi. 

Qazaqstan quramasynyń enshisinde eki medal bar. Buǵan deıin mergen Erkin Ǵabbasov kúmis júlde enshilegen.

Biz týraly
ulys.kz — aqparattyq, saraptamalyq jáne tanymdyq baǵyttaǵy materıaldardy beredi.
 
Mýltımedıalyq joba zaman talabyna saı jasalǵan. Qazaqstannyń aqparattyq naryǵyn sapaly
kontentpen qamtamasyz etýge úles qosýǵa baǵyttalǵan. Mundaǵy saraptamalyq, tanymdyq
maqalalar san salany qamtıdy. Geostrategıa, geoekonomıka, geosaıasat, halyqaralyq
qatynastar men eldiń ishki-syrtqy saıasaty, ekonomıka, jahanda bolyp jatqan tektonıkalyq
ózgerister men trend taqyryptar ulttyq múdde turǵysynan tereń taldanyp qazaq
oqyrmandaryna jetkiziledi. Ortalyq Azıa men Túrki álemine erekshe kóńil bólinedi.