Qaraǵandy oblysy men Saran qalasynyń ákimdikteri, Qaraǵandy oblysynyń Tótenshe jaǵdaılar departamenti dala órtin sóndirý kezinde qaza tapqan 24-ÓSB azamattyq qorǵaý serjanty Halı Haırattyń otbasyna kóńil aıtty, dep habarlaıdy Ulys.
1991 jyly týǵan Halı Haırat 2014 jyldyń 12 mamyrynan bastap azamattyq qorǵaý organdarynda qyzmet etken. Ol Saran qalasynda turǵan, joǵary kásibıligi men jaýapkershiligimen erekshelengen.
Qaza tapqan órt sóndirýshiniń úıine oblys ákimi Ermaǵanbet Bólekpaev, onyń orynbasary Álibek Áldeneı jáne Saran qalasynyń ákimi Erkin Baýlyqov bardy.
– Halı Haırattyń órtti sóndirý kezinde kórsetken erligi – naǵyz batyldyq pen janqıarlyqtyń úlgisi. Ol óz ómirin adamdarǵa qyzmet etýge jáne týǵan jerin qorǵaýǵa arnady. Osy qaıǵyly saǵatta biz qaıǵy azabyn Halıdiń týystarymen bólisemiz, árıne, bizdiń sózderimiz ben qoldaýymyzbul otbasyna ardaqty uly, aıaýly ákeni qaıtarmaıdy. Ol týraly estelik jarqyn bolsyn, al qutqarýshylardyń kelesi býyny onyń isin jalǵastyra bersin! – dep Ermaǵanbet Bólekpaev Halı Haırattyń otbasyna kóńil aıtty.
Marqumnyń otbasyna jerleý is-sharalaryn ótkizýge barlyq qajetti kómek kórsetiledi. Úıde feldsherlik jáne psıhologıalyq qyzmetter kezekshilik etedi. Otbasyn qoldaý boıynsha barlyq qajetti sharalar Qaraǵandy oblysy ákimdiginiń turaqty baqylaýynda.
Oqıǵanyń mán-jaıy anyqtalýda. Sotqa deıingi tergeý bastaldy.
