Qaısar Jumabaıuly Prezıdenti Ákimshiligindegi qyzmetke taǵaıyndaldy

Taǵaıyndaý

Foto: ashyq kózden 23 qańtar 2025

Qaısar Jumabaıuly Prezıdenti Ákimshiligindegi qyzmetke taǵaıyndaldy

Qaısar Jumabaıuly Qazaqstan Respýblıkasy Prezıdenti Ákimshiliginiń Komýnıkasıalar bólimi meńgerýshisiniń orynbasary bolyp taǵaıyndaldy.

Qaısar Jumabaıuly — BAQ jáne PR salasynda mol tájirıbesi bar.

Ol Almaty qalalyq «Stolıchnoe obozrenıe» gazetinde jumys istegen. “Shahar” teleradıo kesheninde qyzmet atqarǵan.

“Qazaqstan” RTRK jáne “Habar” agenttiginde eńbek etken. TSC-group ınvestısıalyq-ónerkásiptik korporasıasynyń qoǵammen baılanys departamentinde jumys istegen.

Sonymen qatar, ol Indýstrıa mınıstrliginiń baspasóz hatshysy, Astana ákiminiń keńesshisi jáne “Elorda Aqparat” medıa-resýrsynyń basshysy qyzmetterin atqardy.

Ol Prezıdent ákimshiliginiń taldaý jáne boljamdaý ortalyǵy meńgerýshisiniń orynbasary, Tuńǵysh Prezıdent qorynyń strategıalyq komýnıkasıalar ortalyǵynyń jetekshisi, sondaı-aq “Qazaqstan temir joly” ulttyq kompanıasynyń BAQ-pen jumys jónindegi departamentiniń dırektory laýazymdarynda qyzmet etti.

RELATED NEWS

Taǵaıyndaý

09 qazan 2024

Ulytaý oblysyna jańa ákim taǵaıyndaldy

Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy, dep habarlaıdy Aqorda.

Ulytaý oblysyn Berik Ábdiǵalıuly basqarǵan edi. Ol búgin Prezıdent jarlyǵymen qyzmetinen bosatyldy.

Dastan Ryspekov 1984 jyly 23 maýsymda Jezqazǵan qalasynda týǵan. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademıasyn bitirgen.

Eńbek jolyn 2006 jyly Almatynyń Ekonomıka jáne búdjetti josparlaý departamentiniń boljamdaý jáne túsimder bóliminiń bas mamany bolyp bastaǵan.

2007-2016 jyldary Almaty qalasynda Ekonomıka jáne búdjettik josparlaý departamentinde, Almaty qalasy boıynsha Tekserý komısıasynda, Astana qalasy respýblıkalyq búdjettiń atqarylýyn baqylaý jónindegi esep komıtetinde basshylyq laýazymdarda jumys istedi.

Pavlodar oblysy Kásipkerlik, saýda jáne týrızm basqarmasynyń basshysy, «Astana EKSPO-2017» UK» AQ Ekonomıka jáne búdjetti josparlaý departamentiniń dırektory qyzmetin atqardy. Sodan keıin MSM Týrızm ındýstrıasy komıtetin basqardy.

Al 2023 jylǵy tamyzdan kúni búginge deıin Ulytaý oblysy ákiminiń orynbasary boldy.

Taǵaıyndaý

24 aqpan 2025

Arman Qyryqbaev Prezıdenttiń kómekshisi boldy

Memleket basshysynyń Jarlyǵymen Arman Qyryqbaev Prezıdenttiń ishki saıasat máseleleri jáne komýnıkasıalar jónindegi kómekshisi bolyp taǵaıyndaldy, dep habarlaıdy Aqorda.

Ol eńbek jolyn 1996 jyly Qazaqstan Respýblıkasy Syrtqy ister mınıstrliginiń referenti, attashesi bolyp bastaǵan. 1997-1999 jyldary - Qazaqstan Respýblıkasynyń Ózbekstandaǵy elshiliginiń attashesi, 1999-2000 jyldary-Qazaqstan Respýblıkasy Syrtqy ister mınıstrliginiń úshinshi hatshysy, keıin Qazaqstan Respýblıkasy Syrtqy ister mınıstrligi TMD isteri komıtetiniń ekinshi hatshysy. 2002-2004 jyldary – «ABE korporasıasy» JAQ Strategıa jáne marketıń departamentiniń dırektory, 2004-2005 jyldary – «K-MART» JSHS Bas dırektory.

2005 jyly Medeý aýdany ákiminiń orynbasary, 2005 jyldan 2006 jylǵa deıin Almaty qalasy jastar saıasatyn damytý memlekettik qorynyń dırektory, 2006 jyldyń sáýirinen 2008 jyldyń aqpanyna deıin Qazaqstan Respýblıkasy Mádenıet jáne aqparat mınıstrligi Qoǵamdyq-saıası jumys jáne jurtshylyqpen baılanys departamentiniń dırektory qyzmetterin atqarǵan.

2010 jyldyń qańtarynan 2012 jyldyń aqpanyna deıin Qazaqstan Respýblıkasy Mádenıet jáne aqparat Mınıstrligi Mádenıet komıtetiniń tóraǵasy, Qaraǵandy oblysy ákiminiń orynbasary qyzmetterin atqardy.

Arman Qyryqbaev 2012-2014 jyldary Qazaqstan Respýblıkasynyń Mádenıet jáne aqparat vıse-mınıstri laýazymynda boldy. 2014-2015 jyldary Nur Otan partıasy tóraǵasy birinshi orynbasarynyń keńesshisi bolǵan. Sondaı-aq, 2015 jyldyń qazanynan 2019 jyldyń shildesine deıin Almaty qalasy ákiminiń ishki saıasat, densaýlyq saqtaý, bilim berý, mádenıet, jastar saıasaty, tilderdi damytý jáne basqa da máseleler jónindegi orynbasary qyzmetin atqardy. Almaty qalasy ákiminiń orynbasary boldy.

2024 jyly Prezıdent Ákimshiliginiń Komýnıkasıalar bóliminiń meńgerýshisi laýazymyna taǵaıyndalǵan edi.

Taǵaıyndaý

05 qańtar 2025

Qazaqstannyń Palestınadaǵy elshisi taǵaıyndaldy

Memleket basshysy Qasym-Jomart Toqaevtyń jarlyǵymen birqatar eldegi Qazaqstannyń elshisi taǵaıyndaldy. Bul týraly Aqorda habarlaıdy.

Asqar Jeńisuly Jeńis Qazaqstan Respýblıkasynyń Mysyr Arab Respýblıkasyndaǵy Tótenshe jáne Ókiletti Elshisi laýazymyna taǵaıyndaldy;

Dáýlet Qasekenuly Batyrashev Qazaqstan Respýblıkasynyń Horvatıa Respýblıkasyndaǵy Tótenshe jáne Ókiletti Elshisi bolyp taǵaıyndaldy, ol Qazaqstan Respýblıkasynyń Portýgalıa Respýblıkasyndaǵy Tótenshe jáne Ókiletti Elshisi laýazymynan bosatyldy;

Jan Serjanuly Ǵalıev Qazaqstan Respýblıkasynyń Portýgalıa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy;

Qazaqstan Respýblıkasynyń Iordan Hashımıt Koróldigindegi Tótenshe jáne Ókiletti Elshisi Talǵat Rahymqululy Shaldanbaı Qazaqstan Respýblıkasynyń Irak Respýblıkasyndaǵy, Palestına Memleketindegi Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.

Sonymen qatar, Memleket basshysynyń jarlyqtarymen:

Qaırat Qaıyrbekuly Lama Sharıf Qazaqstan Respýblıkasynyń Mysyr Arab Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Týnıs Respýblıkasyndaǵy Tótenshe jáne Ókiletti Elshisi qyzmetin qosa atqarýshy laýazymdarynan bosatyldy;

Aqylbek Ábsatuly Kamaldınov Qazaqstan Respýblıkasynyń Horvatıa Respýblıkasyndaǵy Tótenshe jáne Ókiletti Elshisi laýazymynan bosatyldy.

Jańalyqtar

13 naýryz 2025