Búgin elordada Danıar Ádilbekovke qatysty sot otyrysy ótti. Sotta prokýror Danıar Ádilbekovti 5 jylǵa bas bostandyǵynan aıyrýdy surady, dep habarlaıdy Ulys tilshisi.
İsti Astana qalasynyń mamandandyrylǵan aýdanaralyq soty júrgizip jatyr. Sot barysynda prokýror Danıar Qaıdarov Ádilbekovke 2 bap boıynsha kináli dep tanýdy ótindi.
Oǵan «Kórineý jalǵan sóz jetkizý» (419-bap 3-bóligi), «Kórineý jalǵan aqparat taratý» (274-bap 2-bóligi) baptary boıynsha aıyp taǵylǵan.
Sonymen qatar prokýror is boıynsha aıyptalǵan taǵy bir kúdikti Erlan Sáýdegerovti 4 jylǵa bas bostandyǵynan aıyrýdy surady. Sáýdegerov qylmysty uıymdastyrý jáne kórineý jalǵan jala jabý baptary boıynsha aıyptalýda.
Aıyptaý taraby Ádilbekovti energetıka vıse-mınıstri Aqkenjenovke qarsy ádeıi jalǵan aqparat bergeni, sondaı-aq jýrnalıs Gúljan Erǵalıev jáne Astanadaǵy áýejaıdyń top-menedjeri Iýsýf Aljavder týraly Telegram-arnasy «Dıkaıa orda» arqyly jalǵan aqparat taratqany úshin kináli dep aıtýda.
Alaıda sottalýshylar óz kinásyn moıyndamaǵan joq.
Aıta ketesk, Danıar Ádilbekov 27 naýryzda ustalyp, qamaýǵa alynǵan. Sot tamyzda bastalǵan.
