Búgin prezıdent Qasym-Jomart Toqaev Aqordada tótenshe jaǵdaılar mınıstri Shyńǵys Árinovti qabyldady, dep habarlaıdy Ulys.
«Qasym-Jomart Toqaev Shyńǵys Árinovtiń esebin tyńdap, vedomstvonyń atqarǵan jumysy men júrgizilgen reformalary týraly aqparat aldy», - dep jazady Aqorda.
Árinovtiń aıtýynsha, 2024 jyly el aýmaǵynda 14 jańa órt sóndirý deposy ashylǵan. Qutqarýshylardyń jańa arnaıy kıim úlgisi bekitilgen, áýe kemeleri satyp alynǵan jáne eldi mekenderdegi qaýipsizdikti kúsheıtý maqsatynda «Aýyl qutqarýshylary» baǵdarlamasynyń iske qosylǵan.
«Prezıdentke sý tasqyny qaýpine qatysty ahýal jóninde de málimet berildi. Mınıstrdiń aıtýynsha, jaǵdaı turaqty, segiz óńirdegi jaǵdaı baqylaýda. Memleket basshysy sý tasqynyna qarsy sharalarǵa basa nazar aýdarý, aldyn ala eskertý júıesin jańǵyrtý jáne tótenshe jaǵdaıdyń saldaryn joıý boıynsha buǵan deıin berilgen tapsyrmalardyń oryndalýyn jalǵastyrý jóninde mindet júktedi», - dep habarlaıdy Aqorda.