Memleket basshysy «Kórsetiletin qyzmetterdiń erkin saýdasy, ınvestısıalardyń qurylýy, qyzmeti jáne júzege asyrylýy týraly kelisimdi ratıfıkasıalaý týraly» Qazaqstan Respýblıkasynyń zańyna qol qoıdy. Bul týraly Aqorda málim etti. 

Buǵan deıin Senat «Kórsetiletin qyzmetterdiń erkin saýdasy, ınvestısıalardyń qurylýy, qyzmeti jáne júzege asyrylýy týraly kelisimdi ratıfıkasıalaý týraly» Qazaqstan Respýblıkasynyń Zańyn maquldaǵan bolatyn. 

Zań jobasy týraly baıandama jasaǵan Saýda jáne ıntegrasıa mınıstri Arman Shaqqalıev kelisimniń negizgi maqsaty – Táýelsiz memleketter dostastyǵyna múshe elderdiń kórsetiletin qyzmetteriniń erkin saýda aımaǵyn qalyptastyrý ekenin aıtqan edi.

Onyń aıtýynsha, kelisim TMD-ǵa múshe memleketterdiń qyzmet berýshileri úshin seriktester naryǵynda neǵurlym tıimdi sharttar usyný týraly mindettemelerdi bekitýge múmkindik beredi.